ហ្វូណន គំនូរជីវចលរបស់ជនជាតិបារាំងដើមកំណើតខ្មែរបានរង្វាន់នៅមហោស្រព Annecy
ហ្វូណន ខ្សែភាពយន្តគំនូរជីវចលរបស់សមិទ្ធិករដើមកំណើតខ្មែរ លោក ដឺនី ដូ បានទទួល កាលពីយប់ថ្ងៃសៅរ៍ម្សិលមិញ ពានរង្វាន់ គី្រស្តាល់ ដែលជារង្វាន់ធំរបស់មហោស្រពគំនូរជីវចល អន្តរជាតិ លើកទី ៤២ នៅទីក្រុងអានស៊ី ប្រទេសបារាំង។ រឿងហ្វូណន ដែលនិពន្ធដោយលោកដឺនី ដូ ផ្តោតសំខាន់ទៅលើជីវិតរបស់ស្រ្តីជាម្តាយម្នាក់ ដែលបានតស៊ូរស់ និងជំនះការលំបាក នៅក្នុងរបបខ្មែរក្រហម ដើម្បីស្វែងរក កូនប្រុស អាយុ៤ឆ្នាំ របស់គាត់ ដែលបានវង្វេង បែកគ្នា នៅក្នុងសមុទ្រមនុស្ស ដែលទាហានខ្មែរក្រហមចាប់បង្ខំ បណ្តេញ ចេញ ពីទីក្រុង។ នេះជាលើកទី១ ដែលរបបកាប់សម្លាប់របស់ពួកខ្មែរក្រហម ត្រូវបានគេលាតត្រដាង តាមរយៈ គំនូរជីវចលខ្នាតវែង។
ចុះផ្សាយនៅថ្ងៃ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ