ទឹកភ្នែករបស់ឪពុកធ្វើឲ្យកូនស្រីសម្រេចផលិត កុនឯកសារ រឿង អង្គការ
ចុះផ្សាយនៅថ្ងៃ៖
ស្តាប់ - ០៩:៥៧
ធំដឹងក្តីនៅស្រុកបារាំង ស្រ្តីខ្មែរម្នាក់ឆ្ងល់ណាស់ដែលឃើញឪពុករបស់ខ្លួនស្រក់ទឹកភ្នែក នៅពេលចូលរួមក្នុងពិធីបុណ្យចូលឆ្នាំខ្មែរ។ ដើម្បីស្វែងយល់ និងស្គាល់កាន់តែច្បាស់ពីដើមហេតុ និងប្រវត្តិរបស់ឪពុកខ្លួន លោកស្រី ហៃ នារី បានសម្រេចចិត្តបញ្ចុះបញ្ចូលឪពុកឲ្យចូលរួមបង្កើតកុនឯកសារ នៅក្នុងកម្ពុជា ប្រទេសកំណើតរបស់លោកហៃ ខុនសាលី ដែលជាឪពុក។ ខ្សែភាពយន្តឯកសារ រឿងអង្គការ ដែលត្រូវបានចាក់បញ្ចាំងរួចហើយនៅក្នុងមហោស្រពភាពយន្ត ក្នុងក្រុងភ្នំពេញ ត្រូវបានជ្រើសរើសឲ្យចូលរួមប្រកួតប្រជែង ក្នុងមហោស្រពភាពយន្តឯកសារ មួយនៅទីក្រុងប៉ារីស។ នៅថ្ងៃពុធម្សិលមិញ ខ្សែរឿងនេះត្រូវបាន ជ្រើសរើសដាក់បញ្ចាំងសម្រាប់និស្សិតបារាំង នៅសាំងដេនី ជាយក្រុងប៉ារីស។
