ខួប១ឆ្នាំនៃការជាប់ឃុំ៖ អ្នកបឹងកក់ដើរគោះទ្វារស្ថានទូតបរទេសសុំឲ្យជួយអន្តរាគមន៍លែងអ្នកស្រី ទេព វន្នី
ចុះផ្សាយនៅថ្ងៃ៖
ស្តាប់ - ០៩:១២
ថ្ងៃទី១៥ សីហាម្សិលមិញនេះ គឺជាខួប១ឆ្នាំគត់នៃការឃុំខ្លួនអ្នកស្រី ទេព វន្នី មេដឹកនាំការតវ៉ាសហគមន៍ជម្លោះដីធ្លីដ៏សកម្មនៅតំបន់បឹងកក់។ នៅចំខួប១ឆ្នាំ ១៥ សីហា ២០១៦-១៥ សីហា ២០១៧ សហគមន៍បឹងកក់បានរៀបចំខួបមួយឆ្នាំនៅសហគមន៍បឹងកក់ ដោយមានការធ្វើពិធីដុតទៀន និងទាមទារឲ្យមានការដោះលែងមេសហគមន៍របស់ខ្លួន ដោយមានការចូលរួមពីបុគ្គលិកអង្គការសង្គមស៊ីវិលមួយចំនួនផង។ នៅចំខួប១ឆ្នាំនៃការជាប់ឃុំនេះដែរ សហគមន៍បឹងកក់ ក៏បានដើរគោះទ្វារស្ថានទូតបរទេសនៅក្នុងទីក្រុងភ្នំពេញ ដើម្បីសុំឲ្យជួយអន្តរាគមន៍ដោះលែងអ្នកស្រី ទេព វន្នី។ អ្នកបឹងកក់ចាត់ទុកថា ការបន្តឃុំខ្លួនអ្នកស្រី ទេព វន្នី គឺដើម្បីធ្វើឲ្យកម្លាំងតវ៉ារបស់អ្នកបឹងកក់ចុះខ្សោយ។ តើហេតុអ្វី?