ការងើបឡើងនៃជំងឺកញ្ជ្រឹលថ្មីនៅកម្ពុជាឆ្លងមកពីប្រទេសវៀតណាម
កម្ពុជាធ្លាប់បានប្រកាសពីភាពជោគជ័យនៃការលុបបំបាត់ជំងឺកញ្ជ្រឹលម្ដងរួចហើយ។ ប៉ុន្តែថ្មីៗនេះក្រសួងសុខាភិបាលបានប្រកាសពី ករណីកញ្ច្រឹលថ្មីនេះកើតលើទារកអាយុ៧ខែមកពីភូមិ ត្រពាំងស្វាយ ឃុំព្រៃវិហារ ស្រុកគងពិសី ខេត្តកំពង់ស្ពឺ។ ក្រោយមកក្រសួងសុខាភិបាលរកឃើញថា កញ្ជ្រឹលថ្មី ដែលមិនធ្លាប់កើតមានពីមុននៅកម្ពុជាគឺឆ្លងមកពីប្រទេសជិតខាង ជាពិសេសវៀតណាម ដែលប្រទេសទាំងនោះមិនទាន់លុបបំបាត់អស់ដូចកម្ពុជា។ ក្រសួងចាត់ទុកជំងឺកញ្ជ្រឹលថ្មី ជាករណីខុសប្រក្រតីដែលកម្ពុជាមិនធ្លាប់មានពីមុនមក ដោយសារជាទូទៅកញ្ជ្រឹលកើតលើកុមារអាយុចាប់ពី៩ខែឡើងទៅ ប៉ុន្តែករណីថ្មីកើតលើកុមារអាយុ៧ខែដែលជាបញ្ហាមួយមិនមានវ៉ាក់សាំងការពារ។ ប៉ុន្តែយ៉ាងណាក៏ដោយមន្ត្រីជំនាញបញ្ជាក់ថា ទារកអាយុ៧ខែនោះមានសភាពធម្មតានិងបានត្រឡប់ទៅផ្ទះវិញហើយបន្ទាប់ពីឱពុក ម្ដាយ នាំយកមកព្យាបាលនៅភ្នំពេញ។ សូមស្ដាប់ការពន្យល់របស់លោក ឱក វិជិត ប្រធានកម្មវិធីជាតិផ្ដល់ថ្នាំបង្ការនៃមជ្ឈមណ្ឌលគាំពារមាតានិងទារករបស់ក្រសួងសុខាភិបាលដូចតទៅ៖
ចុះផ្សាយនៅថ្ងៃ៖
ស្តាប់ - ០១:១៣