សហព័ន្ធខ្មែរ​កម្ពុជា​ក្រោម រំលឹក​ខួប​៦៩​ឆ្នាំ នៃ​ការ​បាត់បង់​ដី​កម្ពុជា​ក្រោម

នៅថ្ងៃអាទិត្យទី ៣មិថុនានេះ នៅឯវត្តខ្មែរមួយកន្លែងឈ្មោះ វត្តពោធិវង្ស ស្ថិតនៅជាយទីក្រុងប៉ារីស ប្រទេសបារាំង  សមាគមសហព័ន្ធខ្មែរកម្ពុជាក្រោម បានរៀបចំពិធីបុណ្យរំលឹកខួប៦៩ឆ្នាំ នៃការបាត់បង់ទឹកដីកម្ពុជាក្រោម ថ្ងៃទី៤ មិថុនា ១៩៤៩។ បើតាមការឲ្យដឹង ពីអ្នកតំណាង​សហព័ន្ធខ្មែរកម្ពុជាក្រោម កម្មវិធីនេះនឹងចាប់ផ្តើមឡើង ដោយមានពិធីសូត្រមន្តបង្សុកូល រំលឹកវិញ្ញាណក្ខន្ធដល់បុព្វការីជន ខ្មែរកម្ពុជាក្រោម ដែលបានស្លាប់ ក្នុងការតស៊ូរើបំរះ ហើយជាចុងក្រោយនៃកម្មវិធី គឺមានការជជែកដោះដូរយោបល់ ស្តីពីស្ថានភាពសិទ្ធិសេរីភាព របស់ប្រជាជនខ្មែរ នៅឯដែនដីកម្ពុជាក្រោម បច្ចុប្បន្ននេះ។