ការបង្កើតគណបក្សដាក់ឈ្មោះ “កែម ឡី” ធ្វើឲ្យមានការភ្ញាក់ផ្អើលតែមិនសូវមានការគាំទ្រ
ចុះផ្សាយនៅថ្ងៃ៖
ស្តាប់ - ០៧:៤២
ប្អូនប្រុស លោក កែម ឡី គឺលោក កែម រិទ្ធិសិត បានប្រកាសកាលពីចុងសប្តាហ៍មុនថា លោកនឹងបង្កើតគណបក្សថ្មីមួយដាក់ឈ្មោះថា គណបក្ស កែម ឡី ដើម្បីចូលរួមការបោះឆ្នោតជាតិចុងឆ្នាំនេះ។ ការប្រកាសបង្កើតគណបក្សដែលធ្វើឲ្យមានការភ្ញាក់ផ្អើលនេះ លោក កែម រិទ្ធិសិត អះអាងថា គឺលោកចង់រក្សាកិត្តិនាមរបស់អ្នកវិភាគរូបនេះឲ្យបានគង់វង្ស និងស្ថិតក្នុងការចងចាំរបស់ប្រជាពលរដ្ឋខ្មែរ។ ប៉ុន្តែការបង្កើតគណបក្សដោយប្រើឈ្មោះ លោក កែម ឡី បែបនេះមិនទទួលបានការគាំទ្រពីសំណាក់ ភរិយា លោក កែម ឡី និងពលរដ្ឋខ្មែរជាច្រើនទៀតដែលស្រលាញ់ចូលចិត្តអ្នកវិភាគរូបនេះឡើយ។