លោក ម៉ែន គង់៖ កម្លាំងការពារទាំងកម្ពុជានិងឡាវមិនទាន់ដកថយពីតំបន់ធ្លាប់ប្រឈមនៅឡើយទេ
ចុះផ្សាយនៅថ្ងៃ៖
ស្តាប់ - ០៩:២៨
ភ្ញៀវប្រចាំថ្ងៃរបស់វិទ្យុបារាំងនៅយប់នេះគឺលោក ម៉ែន គង់ នាយករងរដ្ឋបាលសាលាខេត្តស្ទឹងត្រែងនិងជាសមាជិកនៃក្រុមអ្នកនាំពាក្យសាលាខេត្ត។ លោក ម៉ែន គង់ បានអះអាងថា ស្ថានភាពទូទៅនៅតំបន់ប្រឈមគ្នារវាងកម្លាំងការពារកម្ពុជានិងឡាវដែលស្ថិតនៅត្រង់ចំណុចអូតាង៉ាវ ឃុំថ្មកែវ ស្រុកសៀមប៉ាង ខេត្តស្ទឹងត្រែង គឺមានសភាពស្ងប់ស្ងាត់ហើយក្រោយការប្រឈមមួយបានកើតឡើងកាលពីប៉ុន្មានសប្ដាហ៍មុន។ ប៉ុន្តែយ៉ាងណាក៏ដោយភាគីទាំងពីរបានដាក់កម្លាំងការពាររៀងៗខ្លួនដោយមិនទាន់មានភាគីណាមួយដកថយមុនទេ។ តាមគម្រោងភាគីទាំងពីរនឹងជួបប្រជុំគ្នាដោះស្រាយបញ្ហានេះនៅថ្ងៃ២៧ខាងមុខ ខណៈសកម្មភាពស្ថាបនាផ្លូវមួយខ្សែដែលឡាវលើកឡើងថាជាតំបន់ដោះស្រាយមិនទាន់ចប់នោះបានផ្អាកបណ្ដោះអាសន្ន។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ