សង្គមស៊ីវិលជំរុញជាថ្មីឲ្យពន្លឿនការអនុម័តច្បាប់ស្តីពីសិទ្ធិទទួលបានព័ត៌មាន
អង្គការ និងសមាគមជិត២០ស្ថាប័ន កាលពីម្សិលមិញ បានជំរុញជាថ្មីទៀត ឲ្យស្ថាប័នពាក់ព័ន្ធពន្លឿនការអនុម័តច្បាប់ស្តីពីសិទ្ធិទទួលបានព័ត៌មានឲ្យកាន់តែឆាប់ ខណៈសេចក្តីព្រាងច្បាប់នេះ ត្រូវបានរៀបចំតាក់តែង និងពិភាក្សាដោយប្រើពេលជាង១០ឆ្នាំមកហើយ។
ចុះផ្សាយនៅថ្ងៃ៖ កែប្រែថ្ងៃទី៖
ក្នុងលិខិត៤ ដាច់ដោយឡែកពីគ្នាទៅស្ថាប័នកំពូលរបស់រដ្ឋ និងរដ្ឋាភិបាល ក្រុុមអង្គការសង្គមស៊ីវិលបានគាំទ្រដំណើរការតាក់តែងច្បាប់ និងអនុម័តច្បាប់ស្តីពីសិទ្ធិទទួលបានព័ត៌មាន ដោយថា ដើម្បីលើកកម្ពស់អភិបាលកិច្ចល្អ និងសិទ្ធិទទួលបានព័ត៌មាន។
អង្គការ និងសមាគមទាំង១៩ រួមមាន វិទ្យាស្ថានតស៊ូមតិ និងគោលនយោបាយ គណកម្មាធិការសហប្រតិបត្តិការដើម្បីកម្ពុជា វេទិកានៃអង្គការមិនមែនរដ្ឋាភិបាល ស្តីពីកម្ពុជា មជ្ឈមណ្ឌលអប់រំច្បាប់សម្រាប់សហគមន៍ អង្គការជំនួយផ្នែកច្បាប់នៃកម្ពុជា ក្រុមការងារដើម្បីដោះស្រាយទំនាស់ សមាគមIDEA សមាគម មន្ត្រីរាជការ ឯករាជ្យ កម្ពុជាជាដើម។
អង្គការសង្គមស៊ីវិល នៅថ្ងៃទី០៨ ខែកុម្ភៈបានលិខិតដាច់ដោយឡែកពីគ្នានេះ ទៅក្រសួងព័ត៌មាន ស្ថាប័នព្រឹទ្ធសភា រដ្ឋសភា និងរដ្ឋាភិបាល ដើម្បីជំរុញទៅស្ថាប័នរដ្ឋទាំងនោះធ្វើការពិនិត្យ ដេញដោល និងអនុម័តច្បាប់ស្តីពី សិទ្ធិទទួលបានព័ត៌មានឲ្យបានឆាប់ៗ និងដាក់បញ្ជូលក្នុងផែនការយុទ្ធសាស្ត្រ៥ឆ្នាំ (២០១៩-២០២៣) ក្នុងនីតិកាលទី៦នេះ ដើម្បីលើកកម្ពស់អភិបាលកិច្ចល្អ និងសិទ្ធិទទួលបានព័ត៌មាន។
ក្នុងជំនួបលើកទី៣របស់ប្រមុខរដ្ឋាភិបាល ជាមួយអ្នកសារព័ត៌មាន កាលពីថ្ងៃទី១១ ខែមករា ឆ្នាំ២០១៩ លោកហ៊ុន សែន ក៏បានថ្លែងគាំទ្រ និងធានាឲ្យមានច្បាប់ស្តីពីសិទ្ធិទទួលបានព័ត៌មានក្នុងនីតិកាលពី៦នេះ។
បើតាមអង្គការសង្គមស៊ីវិល ស្ថាប័នសាធារណៈ ត្រូវបំពេញភារៈកិច្ចប្រកបដោយ គុណភាព ប្រសិទ្ធិភាព តម្លាភាព និងគណនេយ្យភាព ជាពិសេសកាត់បន្ថយព័ត៌មានសម្ងាត់ឲ្យមានកម្រិតទាបបំផុត និងធានាឲ្យមានការចូលរួមពីសាធារណៈជនក្នុងវិស័យនយោបាយ សេដ្ឋកិច្ច សង្គមកិច្ច និងកិច្ចការវប្បធម៌ជាតិយ៉ាងសកម្ម និងមានគុណភាពខ្ពស់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ