សង្គមស៊ីវិល៖១ឆមាសឧត្តមក្រុមប្រឹក្សាពិគ្រោះនិងផ្តល់យោបល់មិនទាន់ដោះស្រាយបញ្ហាឲ្យបានធំដុំនៅឡើយ
ចុះផ្សាយនៅថ្ងៃ៖
ស្តាប់ - ១០:២២
សេចក្ដីសម្រេចរបស់ លោកនាយករដ្ឋមន្ត្រី ហ៊ុន សែន នៅក្នុងកិច្ចប្រជុំជាមួយសមាជិកឧត្តមក្រុមប្រឹក្សាពិគ្រោះនិងផ្តល់យោបល់ គឺមានតម្លៃដូចគ្នាក្នុងកិច្ចប្រជុំគណៈរដ្ឋមន្ត្រី។ តាមរយៈកិច្ចប្រជុំជាមួយឧត្តមក្រុមប្រឹក្សាពិគ្រោះនិងផ្ដល់យោបល់កាលពីម្សិលមិញ ប្រមុខរដ្ឋាភិបាលបញ្ជាឲ្យសិក្សាដកមេបញ្ជាការយោធាខេត្ត និងអភិបាលរងខេត្តព្រះសីហនុ២នាក់ចេញពីតំណែងពាក់ព័ន្ធរឿងដីធ្លី។ ឧត្តមក្រុមប្រឹក្សាពិគ្រោះនិងផ្ដល់យោបល់ចាត់ទុកបទបញ្ជាប្រមុខរដ្ឋាភិបាលជាជោគជ័យរបស់ខ្លួនដែលខិតខំធ្វើការរួមគ្នាក្នុងរយៈពេល៦ខែកន្លងមក ខណៈសង្គមស៊ីវិលចាត់ទុកការងាររបស់ឧត្តមក្រុមប្រឹក្សាពិគ្រោះ និងផ្ដល់យោបល់ធ្វើក្រោយហេតុការណ៍កើតឡើងជានិច្ច។