សំណុំរឿង០០២/២៖ យុតិ្តធម៌មានសម្រាប់ជនរងគ្រោះ តែអយុត្តិធម៌ចំពោះជនជាប់ចោទ?
ចុះផ្សាយនៅថ្ងៃ៖
ស្តាប់ - ១១:១៤
មេធាវីជនជាប់ចោទ នួន ជា និង ខៀវ សំផន បានប្រកាសមិនពេញចិត្តនឹងសេចក្ដីសម្រេចតុលាការខ្មែរក្រហម នៅថ្ងៃទី ១៦ វិច្ឆិកា ឡើយ។ ជាសេចក្ដីសម្រេច ដែលបានកាត់ទោសអតីតមេដឹកនាំជាន់ខ្ពស់នៃរបបខ្មែរក្រហមពីររូបគឺ លោក នួន ជា និង ខៀវ សំផន ឲ្យជាប់ពន្ធនាគារអស់មួយជីវិត នៅក្នុងសំណុំរឿង ០០២ វគ្គ ០២។ សូមបញ្ជាក់ថា ទោស « ប្រល័យពូជសាសន៍ » ដែលតុលាការបានសម្រេចទៅលើ នួន ជា និងខៀវ សំផន គឺទាក់ទងតែចំពោះ ការប្រល័យពូជសាសន៍ទៅលើជនជាតិវៀតណាម និងជនជាតិចាមតែប៉ុណ្ណោះ មិនមែនជាការករណីប្រល័យពូជសាសន៍ទូទៅនោះទេ។ ប៉ុន្តែយ៉ាងណាក៏ដោយ សម្រាប់ប្រជាពលរដ្ឋទូទៅថា ការដាក់ទោស នួន ជា និង ខៀវ សំផន មួយជីវិតគឺជាយុត្តិធម៌សម្រាប់ពួកគាត់ដែលទន្ទឹងរងចាំយូរហើយ។ ប៉ុន្តែមេធាវីជនជាប់ចោទទាំងពីរថា ជារឿងអយុត្តិធម៌សម្រាប់កូនក្ដីរបស់ខ្លួន។