rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

ជំនួបកំពូល​លើក​ទីពីរ រវាង​លោកត្រាំ និង​លោក គីម បរាជ័យ

ដោយ អៀង សុខម៉ិញ

ជំនួប​កំពូល​លើក​ទី​ពីរ រវាង​លោក​ ប្រធានាធិបតី​អាមេរិក​ និង​ ប្រមុខដឹកនាំ​កូរ៉ខាង​ជើង​ បាន​បិទ​បញ្ចប់​ យ៉ាង​ឆាប់​រហ័ស​ ដោយ​គ្មាន​សម្រេច​បាន​កិច្ចព្រមព្រៀង​អ្វី​ទាំង​អស់។ ប្រមុខ​ដឹកនាំ​ទាំង​ពីរ បានចែក​ផ្លូវ​គ្នា ដើរ​​ចាក​ចេញ​ពីកន្លែង​ប្រជុំ តាំងពី​មុន​កម្មវិធី​បាយ​ថ្ងៃ​ត្រង់។ កម្មវិធី​ចុះ​ហត្ថលេខា​ ត្រូវ​បាន​លុប​ចោល​ទៅ​វិញ។ មូលហេតុ​មក​ពីអាមេរិក​ពុំ​ព្រម​លើក​ទណ្ឌកម្ម​តាម​សំណើ​របស់​ព្យុងយ៉ាង ​ប៉ុន្តែ​បើ​តាម​លោក​ដូណាល់ ត្រាំ ដដែល ប្រមុខ​ដឹកនាំ​កូរ៉េខាង​ជើង​ជា​បាន​សន្យា​មិន​ធ្វើ​ការ​សាកល្បង​នុយក្លេអ៊ែរ​ឬ​មីស៊ីល​ទៀត​ឡើយ។

​“គ្មានការ​សម្រេច​កិច្ចព្រមព្រៀង​អ្វី​ទេ សម្រាប់​ពេល​នេះ ប៉ុន្តែ​ក្រុមការងារ​អាមេរិក​និង​កូរ៉េខាង​ជើង នឹង​ប្រញាប់ប្រញាល់​ជួប​ជជែក​គ្នា​ជា​ថ្មី”។ នេះ​ជា​សេចក្តី​ថ្លែងការណ៍​ថារបស់សេតវិមាន​ក្រោយ​ពី​ប្រមុខ​ដឹកនាំ​នៃ​ភាគី​ទាំងពីរ​បានបំ​​បែក​ផ្លូវ​គ្នាចេញ​ពី​កន្លែង​ប្រជុំ​រៀងខ្លួនៗ។

ជំនួប​កំពូល​ដែលជា​ការ​រង់ចាំ​ដ៏​ធំ​មួយ បាន​បិទ​បញ្ចប់​មុន​កាល​កំណត់ ដល់​ទៅ​ពីរម៉ោង។ ជា​ទិដ្ឋភាព ដែល​​ផ្ទុយ​ស្រឡះពី​សេចក្តី​ថ្លែងការណ៍​​ ​​​កាលពី​ព្រឹក​ ​ ដ៏​គួរសង្ឃឹមនិង​​ ​ប្រកប​ដោយ​លក្ខណៈ​ស្ថាបនា​។ លោក ដូណាល់ ត្រាំ បាន​ឆ្លើយ​ឆ្លង​ជាមួយ​អ្នក​កាសែត​ដូច​ទម្លាប់ ការ​ពារ​ដៃគូ​សន្ទនា។ លោក គីម ជុងអ៊ុន ក៏​បាន​ឆ្លើយ​ឆ្លង​​ទៅ​នឹង​​សំណួរ​របស់​អ្នក​កាសែតបរទេស ជា​លើក​ទី​មួយ​ ជុំ​វិញ​បញ្ហា​រំសាយ​នុយក្លេអ៊ែរ​ថា “ប្រសិន​បើ​លោក​គ្មាន​ចេតនា​រំសាយ​កម្មវិធី​នុយក្លេអ៊ែរ លោក​មិន​ធ្វើ​ដំណើរ​មក​ហាណូយ​នេះ​ទេ”។ ជា​ចម្លើយ​ដែលផ្តល់​សុទិដ្ឋនិយម​ មែន​ទែន។

ជា​ពាក្យ​ថ្លែង​ដ៏​ពិរោះ ប៉ុន្តែ គ្មាន​ទេ កិច្ចព្រមព្រៀង​ ! សហរដ្ឋ​អាមេរិក​ហាក់​ត្រៀម​ខ្លួន​នឹង​ធ្វើ​សម្បទាន​ខ្លះ​​ ដោយ​ចង់​ទៅ​បើក​ការិយាល័យ​ទំនាក់ទំនង​នៅ​ព្យុងយ៉ាង និង​ប្រហែល​ចង់ព្រម​ចេញ​មាន​សេចក្តី​ថ្លែងការណ៍​បិទ​បញ្ចប់​សង្គ្រាម​ក្នុង​ឧបទ្វី​បកូរ៉េផង ប៉ុន្តែ​នៅ​តែ​មិន​គ្រប់គ្រាន់​​សម្រាប់​ប្រកាស​កិច្ចព្រមព្រៀង​ជាមួយកូរ៉េខាង​ជើងបាន​ទៀត។

​លោក​ត្រាំ មិន​ប្រញាប់ ...

ជំនួបដ៏​រលូន​ ត្រូវ​ជំពប់​ដួល នៅ​ពេល​ត្រូវ​លម្អិត​​អំពី​បញ្ហា​​រំសាយ​កម្មវិធី​នុយក្លេអ៊ែរ ដែល​ប្រមុខ​ដឹកនាំ​ទាំង​ពីរ​បាន​ចុះ​ហត្ថលេខា​លើ​សេចក្តី​ថ្លែងការណ៍រួមគ្នា​រួច​ហើយ នៅ​ក្នុង​ជំនួប​លើក​ដំបូង​នៅ​ប្រទេស​សិង្ហបុរី។ ​ ពាក្យ​ ​​រំសាយ​អាវុធ​នុយក្លេអ៊ែរ​ដែល​ ​ប្រមុខ​ដឹកនាំ​អាមេរិក និង​កូរ៉េខាង​ជើង យល់​អត្ថន័យនៃខុស​គ្នា។

នៅ​ក្នុង​សន្និសីទ​កាសែតតែ​ម្នាក់ឯង ក្រោយ​បិទ​បញ្ចប់​ជំនួប​កំពូល លោក​ដូណាល់ ត្រាំ បាន​ពន្យល់​ថា ប្រមុខ​ដឹកនាំ​ក្រុង​ព្យុងយ៉ាង ចង់​បាន​ការ​លើក​ទណ្ឌកម្ម​ទាំង​ស្រុង​ពី​កូរ៉េខាង​ជើង ប៉ុន្តែ​លោក​​មិន​អាច​ព្រម​បាន​ឡើយ ព្រោះ​គីម ជុងអ៊ុន​ មិន​អាច​ផ្តល់​អ្វី​ជា​ថ្នូរ​ដែល​យើង​ចង់​បាន​មក​វិញ​ផង។

​ដូច្នេះ​ទើប​លោក ​ត្រូវ​ដើរ​ចេញ​ពី​តុចរចា​សិន ព្រោះ​លោក​ត្រូវ​ការ​សម្រេចកិច្ចព្រមព្រៀង​នុយក្លេអ៊ែរ​មួយ​ដែល​ល្អ​ លោក​មិន​ប្រញាប់​ទេ។ សម្រាប់​លោក​ត្រាំ ជំនួប​កំពូល​គ្មាន​លទ្ធផល​​ ​បាន​បិទ​បញ្ចប់​ទៅ​ដោយ​មិត្តភាព ដោយ​​​កូរ៉េខាង​ជើង​បាន​សន្យា​មិន​ធ្វើការ​បាញ់​សាកល្បង​នុយក្លេអ៊ែរ និង​មីស៊ីល​ជា​ថ្មី​ទៀតឡើយ។ ដូច្នេះ​​លោក​គ្មាន​ហេតុផល​អ្វី​​ត្រូវ​ស្វែង​មក​រក​​​ទណ្ឌកម្ម​មក​ដាក់​បន្ថែមលើក​កូរ៉េខាង​ជើងដែរ តែ​លោក​ត្រាំ ក៏​គ្មាន​គម្រោង​នឹង​ជួប​លោក គីម ជុងអ៊ុន​ជា​ថ្មីទៀតទេ។

​បរាជ័យ​របស់​លោកត្រាំ​?

​បើទោះ​បី​ជា​គ្រប់​គ្នា​សុទ្ធ​តែ​ដឹង​ថា​នឹង​គ្មាន​អភិនិហា កើត​ចេញ​ពី​ជំនួប​កំពូល​នៅទីក្រុង​ហាណូយ​នេះទេ បើ​ទោះ​បី​ជា​ដឹង​ថា​សំណុំ​រឿងកូរ៉េខាង​ជើង ជា​រឿង​ដ៏​ស្មុគស្មាញ ដំណើរការ​ចរចា​ត្រូវ​​ប្រើ​ពេល​យូរ និង​ជំនួប​ជា​ច្រើន​លើកក៏​ដោយ ក៏​មតិ​ទូទៅ​បាន​សម្តែងការ​​ភ្ញាក់ផ្អើលនិង​​សោកស្តាយ​ខ្លាំង ​ចំពោះ​ជំនួប​គ្មាន​លទ្ធផល​នេះ​ ជាពិសេស​គឺ​កូរ៉េខាង​ត្បូង។

ហើយដោយ​ផ្ទាល់​ឬ​ប្រយោល ទោះ​លោក​ដូណាល់ ត្រាំ អះអាង​ការពារ​ខ្លួនយ៉ាង​ណា​ក្តី ក៏​ជំនួប​គ្មាន​លទ្ធផល​នេះ នៅ​តែ​ត្រូវ​បាន​គេ​ចាត់​ទុក​ថា​ជា​បរាជ័យ​​របស់​លោក ត្រាំ។ ភាគី​ទាំងពីរពិត​ជា​បាន​​គ្រោង​នឹង​ចុះ​កិច្ចព្រមព្រៀង​​ជាមួយ​គ្នា​នៅ​ថ្ងៃ​នេះ។ កម្មវិធី​ចុះ​ហត្ថលេខា​លើ​កិច្ចព្រមព្រៀង ដោយ​ប្រធានាធិបតី​ទាំង​ពីរ​រូប ដែល​នឹង​ត្រូវ​ប្រព្រឹត្ត​ទៅ​ពេល​រសៀល ក្រោយ​​ពី​ពិធី​ទទួល​ទាន​អាហារ​ការងារ​នៅ​ពេល​ថ្ងៃ​ត្រង់​រួច មាន​ចែង​យ៉ាង​ច្បាស់​ក្នុង​របៀបវារៈ។ ប៉ុន្តែ​កម្មវិធី​ទាំង​ពីរ​នេះ មិន​បាន​កើត​ឡើង​ដូច​ការ​រៀប​ចំទុក​ទេ។ សូម្បី​តែ​សេចក្តី​ថ្លែងការណ៍​រួម​​ជា​តំណាងតូច​​មួយ ដូច​ជំនួបកំពូល​នៅ​សិង្ហបុរី ក៏​គ្មាន​ផង។ សេតវិមាន​បាន​ត្រឹម​តែ​ចេញ​សេចក្តី​ថ្លែងការណ៍​បា្រប់​ថា​ ភាគី​ទទួល​បន្ទុក​ចរចា​ទាំង​សង​ខាង ត្រៀម​នឹង​ជួប​ជជែក​គ្នា​នៅពេល​ខាង​មុខ។

សម្រាប់​អ្នក​ជំនាញ​ខ្លះ​ទៀត គេ​យល់​ថា បរាជ័យ​នៃ​ជំនួប​កំពូល​នេះ ជា​និម្មិត្តរូប​នៃ​នយោបាយការទូត​ប្រហោង​ក្នុង​របស់​លោក​ត្រាំ។ នៅពេល​ព្យុងយ៉ាង​ប្រឆាំង​នឹង​វិធានការ​រំសាយ​អាវុធ​នុយក្លេអ៊ែរ​ លោកដូណាល់ ត្រាំ​ គ្នា​ជម្រើស​អ្វី​ផ្សេងយក​មក​ស្នើ​​សម្រាប់សម្របសម្រួល​គ្នា​រកការ​ព្រមព្រៀង​តូច​មួយ​ទុក​ជា​ឈ្នាន់​លោត​ទៅ​មុខសោះ។ គឺ​ជា​នយោបាយ​សុខ​ចិត្ត​អត់​បើ​មិនបាន​ទាំង​អស់៕

លោក​ពូទីន៖ សន្តិសុខ​កូរ៉េខាងជើង តម្រូវឲ្យ​មាន​ការធានា​ពី សហគមន៍អន្តរជាតិ

អំពើហិង្សាផ្លូវភេទ ៖ អង្គការ​សហប្រជាជាតិ​អនុម័ត​សេចក្តី​សម្រេចចិត្ត​ដែល​ប្រហោង​ក្នុង

សហរដ្ឋអាមេរិក​បន្ត​ប្រើ​ប្រេងឆៅ​ជា​អាវុធ​ដើម្បី​សង្កត់ ក អ៊ីរ៉ង់

អ៊ុយក្រែន​មានប្រធានាធិបតី​ថ្មីវ័យក្មេង និង​ជា​អតីត​តារាកំប្លែង

ស្រីលង្កា រងភេរវកម្ម៨ ផ្ទួន​គ្នា​ ក្នុងថ្ងៃបុណ្យសាសនាគ្រិស្ត

ប្រជាជន​អេហ្ស៊ីប​បោះឆ្នោត​ប្រជាមតិ​ដែល​បើកផ្លូវ​ឲ្យ​លោកស៊ីស៊ី កាន់អំណាច​ដល់​ឆ្នាំ ២០៣០

សំណុំរឿង​រុស្ស៊ី៖ របាយការណ៍​របស់​រដ្ឋអាជ្ញា​ពិសេសគ្មាន​ដាក់​បន្ទុកលើ​លោកដូណាល់​ត្រាំ

កូរ៉េខាងជើង​បាន​បាញ់​សាកល្បង​អាវុធ​ថ្មី និង​លែង​ចង់​ស្តី​ជាមួយ​ប្រមុខ​ការទូត​អាមេរិក​លោកម៉ៃ ប៉ុមប៉េអូ

បោះឆ្នោតឥណ្ឌូណេស៊ី ប្រធានាធិបតី​ផុត​អាណត្តិ​កំពុង​សំឡឹង​ឃើញ​ជោគជ័យ ជាលើក​ទីពីរ

បារាំង៖​វិហារ​ណូត្រ ដាម ដឺ ប៉ារីស​អាយុ ៨៥០ឆ្នាំ​ត្រូវ​បាន​អណ្តាតភ្លើង​កម្ទេច​យ៉ាង​ដំណំ

សហភាពអឺរ៉ុប បោះឆ្នោត​បើក​ការ​ចរចា​ពាណិជ្ជកម្មសេរី ជាមួយ​សហរដ្ឋ​អាមេរិក

ជំនួប​ប្រជុំ​ក្រុម​អ្នក​សម្រេចចិត្ត​ផ្នែក​ហិរញ្ញវត្ថុ​បិទ​បញ្ចប់​ប្រកប​ដោយ​​សុទិដ្ឋនិយម​

វ៉េណេស៊ុយអេឡា និង​ចិន​ជា​ប្រធានបទស្នូល​នៃ​ដំណើរ​ទស្សនកិច្ច​នៅ​អាមេរិក​ខាងត្បូង​របស់​លោក Mike Pompeo

ចិនសម្រុក​ផ្តល់កម្ចី​វិនិយោគ​នៅ​តំបន់​បាល់កង់ ខណៈ​គេ​​បារម្ភ​ ពី​បញ្ហាបំណុល

ឥណ្ឌា​រៀបចំ​ការបោះឆ្នោត ៦សប្តាហ៍ ដើម្បី ជ្រើសរើស​រដ្ឋាភិបាល អាណត្តិ​ថ្មី

អ៊ីស្រាអែល៖​ផ្លូវ​ឆ្ពោះ​ទៅ​កាន់​តំណែង​នាយករដ្ឋមន្រ្តី​សម្រាប់​អាណត្តិទី៥​របស់​លោក​នេតាន់យ៉ាហ៊ូ​កំពុង​ឃើញ​កាន់​តែ​ច្បាស់

បោះឆ្នោត​នៅ​អ៊ីស្រាអែល៖ ណេតាន់យ៉ាហ៊ូ សង្ឃឹម​យក​ឈ្នះ និង​បន្ត​អំណាច​អាណត្តិ​ទី៥

វេទិកាតស៊ូ​មតិជាតិ៖ ប្រជាជន​បារាំង​ភាគច្រើន​ចង់​ឲ្យ​រដ្ឋ​កាត់បន្ថយ​ការយកពន្ធ

ថៃ៖ លោក ថាណាថន ប្រធាន​បក្ស​អនាគត់ម៉ៃ ជាប់ចោទ​ពីបទ “ញុះញង់ ​បំបះបំបោរ”

ប្រធាន​សហភាព​អឺរ៉ុប​ស្នើ​ពន្យារ​ពេល​Brexit ១ឆ្នាំ អង់គ្លេស​សុំត្រឹម​ថ្ងៃ​៣០​មិថុនា