ស្រាពុលសម្លាប់មនុស្សកាន់ច្រើនឡើងៗនៅឥណ្ឌា
ការទទួលទានស្រាពុល បានបង្កឱ្យមាករណីស្លាប់មនុស្សទាំងហ្វូងៗមួយសាទៀតហើយ។ ពីរសប្តាហ៍ក្រោយពីមានករណីស្លាប់អស់ជាមួយរយនាក់នៅតំបន់ឧតាប្រាដែស Uttar Pradesh និងឧតារាក់ខាន់ Uttarakhand កាលពីដើមខែ នៅពេលនេះមានសេចក្តីជូនដំណឹងអំពីករណីស្លាប់ថ្មីចំនួន ជាង១៥៦នាក់ផ្សេងទៀត ដោយសារការពុលស្រា នៅរដ្ឋអាសាម។ ការស្លាប់ដោយពុលស្រាពុលអាហារ បានកើតឡើងជាញឹកញាប់ ក្នុងស្រទាប់ប្រជាជនក្រីក្រឥណ្ឌា។
ចុះផ្សាយនៅថ្ងៃ៖
ស្តាប់ - ០២:០២
សេណារីយោដូចគ្នាបេះបិទទៅនឹងអ្វីដែលទើបកើតឡើងកាលពីដើមកុម្ភៈនៅក្នុងតំបន់ ឧតាប្រាដែស និងតំបន់ឧតារ៉ាក់ខាន់។ ប៉ុន្តែលើកនេះ ជនរងគ្រោះភាគច្រើនជាកម្មករកសិករធ្វើការក្នុងចំការតែនៃរដ្ឋអាសាម Assam ភាគឦសានប្រទេស។ មនុស្សរាប់រយនាក់ បានរត់រកការព្យាបាល ដោយពួកគេមានអាការៈឈឺក្បាល ក្អួតនិងចុកពោះ ចុកដើមទ្រូង បន្ទាប់ពីបានទទួលស្រាបិត ផលិតតាមបែបសិប្បកម្ម។
ចំនួនមនុស្សស្លាប់បានកើនឡើងជារៀងរាល់ ហើយចំនួនជនរងគ្រោះបញ្ជូនមកមន្ទីរបន្តកើនជាលំដាប់ដែរ។ គិតមកត្រឹមរសៀលថ្ងៃអាទិត្យទី ២៤កុម្ភៈនេះ អាជ្ញាធរបានរាប់ឃើញចំនួនមនុស្សស្លាប់ឡើងដល់ ១៥៦នាក់ ពោលគឺកើនឡើងបន្ថែមជិត១០០នាក់ បើប្រៀបទៅនឹងថ្ងៃម្សិលមិញ។ តុល្យការមានលក្ខណៈធ្ងន់ធ្ងរណាស់ ប៉ុន្តែចំនួនអ្នកស្លាប់នឹងបន្តកើនឡើងទៀត ព្រោះនៅក្នុងចំណោមពលករកម្មករជិត២០០នាក់ដែលកំពុងសម្រាកនៅមន្ទីរពេទ្យ ខ្លះមានស្ថិតក្នុងភាពធ្ងន់ធ្ងរខ្លាំង។
ប្រមុខរដ្ឋាភិបាលរដ្ឋអាសាម បានសម្រេចបើកអង្កេតភ្លាម។ មនុស្ស១០នាក់ ក្នុងនោះម្នាក់ជាអ្នកលក់ ម្នាក់ជាមន្ត្រីនៅក្នុងការិយាល័យពន្ធដារ ត្រូវចាប់ខ្លួន ពីបទជាប់សង្ស័យចែកចាយស្រាពុលនិងស្រាខុសច្បាប់។ ប៉ូលិស ក៏បានរឹបអូសស្រាពុលបានប្រមាណជាង១៥០០០លីត្រ។
ការទទួលទានស្រាបិត ឬស្រាសិប្បកម្មជាលក្ខណៈគ្រួសារ មានតម្លៃថោក តែពុលខ្លាំង និងតែងតែបង្កឱ្យមានគ្រោះថ្នាក់ដល់ស្លាប់បាត់បង់ជីវិតទាំងហ្វូងៗនៅតាមតំបន់ជនបទឥណ្ឌា។ ក្នុងមួយឆ្នាំៗ គេរាប់ឃើញមានពលរដ្ឋក្រីក្រឥណ្ឌារាប់សិបរយនាក់ស្លាប់ព្រោះពុលស្រា។ នៅក្នុងចំណោមស្រាជាង៥ពាន់លានលីត្រដែលឥណ្ឌាទទួលទានជារៀងរាល់ឆ្នាំ ៤០%ជាស្រាផលិតដោយខុសច្បាប់។ នេះបើតាមសមាគមស្រាអន្តរជាតិរបស់ឥណ្ឌា។ រដ្ឋជាច្រើនបានចាត់វិធានការ និងគាំទ្រការហាមឃាត់សុរាតែម្តង ប៉ុន្តែក្រុមអ្នកប្រឆាំងយល់ថាវិធានការនេះរឹតតែជំរុញឱ្យមានការផលិតស្រាដោយខុសច្បាប់ទៅវិញទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ