rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

នាវា​យោធា​អាមេរិកទៅ​សមុទ្ទ​ចិន​ខាងត្បូង ចំ​ពេលប៉េកាំង​និង​វ៉ាស៊ីនតោន​​បើក​កិច្ចចរចាពាណិជ្ជកម្ម

ដោយ អៀង សុខម៉ិញ

នៅ​ថ្ងៃ​ចន្ទ​នេះ នាវា​ចម្បាំង​អាមេរិក​មួយ​គ្រឿងបាន​ធ្វើ​ដំណើរ​ចូល​ទៅ​កៀក​តំបន់​ប្រជុំ​កោះ​ប៉ារ៉ាសែល នៃ​សមុទ្ទ​ចិន​ខាង​ត្បូង ដែលចិន​​ជាប់​ជម្លោះ​ជាមួយ​ប្រទេស​ជិត​ខាង។ វត្តមាន​របស់​នាវា​យោធា​អាមេរិក​ ​ក្នុង​តំបន់​ដែល​ប៉េកាំង​ទាមទារ​​គ្រប់​គ្រង​​​ស្ទើរ​តែ​ទាំង​មូល ​ប្រព្រឹត្ត​​ទៅ​ជួន​ចំ​ពេល​ដែល​ប្រទេស​ទាំង​ពីរ ចិន​-អាមេរិក​ ត្រូវ​ជួប​ពិភាក្សា​ស្វែង​​រក​កិច្ចព្រមព្រៀង​បញ្ចប់​ជម្លោះពាណិជ្ជកម្ម នៅ​ទីក្រុង​ប៉េកាំង។

នាវា​ចម្បាំង​អាមេរិក USS McCampbell ​បានបើក​​​ចូល​ទៅ​ក្នុង​តំបន់​​ប្រជុំ​កោះ​ប៉ារ៉ាសែល និង​ចូល​កៀក​ចម្ងាយ​ប្រមាណ​តែ​១២​ម៉ាយ​ប៉ុណ្ណោះ។ នៅ​ក្នុង​សេចក្តី​ថ្លែងការណ៍ អ្នក​នាំពាក្យ​យោធា​អាមេរិក​បាន​ប្រកាស​ថា នាវា​ចម្បាំង​អាមេរិក​​កំពុង​បំពេញ​​​បេសកកម្ម ក្នុង​ក្របខ័ណ្ឌ​នៃ​​ការ​ការពារ “សេរីភាព​​ចរាចរណ៍​”​ ប្រឈម​នឹង​ការ​ទាមទារ​គ្រប់គ្រង​ដែន​ទឹក​ជ្រុល​ហួស​ហេតុ។ សម្រាប់​អាមេរិក​ ប្រតិបត្តិការ​នេះ​គ្មាន​ទិសដៅ​ប្រឆាំង​នឹង​ប្រទេស​ណា​មួយ​ជាពិសេស​ឡើយ ! និង​ក៏​គ្មាន​សោះ​ដែរ​ទិសដៅ​នយោបាយ។ នេះ​បើ​តាម​សេចក្តី​ថ្លែងការណ៍​របស់​កង​ពល​នាវា​ចម្បាំង​ដដែល។

​ប៉ុន្តែ​សម្រាប់​ចិន ដូច​ជា​រៀង​រាល់​លើក ប៉េកាំង​មិន​ពេញ​ចិត្ត​ទេ។ ថ្ងៃ​នេះ ក្រសួង​ការបរទេស​ចិន​បាន​បញ្ចេញ​ប្រតិកម្ម​ ដោយ​អះអាង​ថា បេសកកម្ម​របស់​កងនាវា​អាមេរិក រំលោភ​ច្បាប់​ផ្លូវ​ទឹក និង​បាន​ជំរុញ​ឱ្យ​អាមេរិក​ឈប់​​ធ្វើ​ប្រតិបត្តិការ​បែប​នេះ​ទៀត នៅ​ក្នុង​សមុទ្ទ​ចិន​ខាង​ត្បូង។ ចិន​ខឹង​និង​រិះគន់​សកម្មភាព​របស់​អាមេរិក​នេះ​ខ្លាំង​ណាស់។ ប៉ុន្តែ​គេ​នៅ​មិន​អាច​វាស់​វែង​​ផល​ប៉ះពាល់​លើ​​កិច្ចពិភាក្សា​ស្វែង​រក​កិច្ចព្រមព្រៀង​​បញ្ចប់​ជម្លោះ​ពាណិជ្ជកម្ម បាន​ទេ ក្នុង​ពេល​ភ្លាម​នេះ។

សូម​បញ្ជាក់​ថា តាំង​ពី​​ផ្ទុះ​សង្គ្រាម​ពាណិជ្ជកម្ម​ជាមួយ​ចិន​មក ទំនាក់ទំនងផ្នែក​​យោធា​រវាង​អាមេរិក-​ចិន​ ក៏​បាន​ធ្លាក់​ដល់​កំរិត​​ទាប​ស្ទើរ​ដល់​បាត​ដែរ។ មាន​ជម្លោះ​ជាមួយ​បណ្តា​ប្រទេស​ជិត​ខាង​ដូច​ជា វៀតណាម ហ្វីលីពីន ព្រុយណេ ម៉ាឡេស៊ី ឥណ្ឌូណេស៊ី តែវ៉ាន់​ ចិន​បានទាមទារ​និ​ង​ចាត់​ទុក​តំបន់​​​សមុទ្ទ​ចិន​ខាង​ត្បូង ជា​យុទ្ធសាស្ត្រ ជា​របស់​ខ្លួន​ស្ទើរ​តែ​ស្រុង​។ ឯ អាមេរិករបស់​លោក​ត្រាំ ដោយ​ឈរ​លើ​គោលការណ៍​ការពារ​សេរីភាព​នៃ​ការធ្វើ​ចរាចរណ៍​ដែន​ទឹក មិន​ដែល​បាន​បន្ធូរបន្ថយ​សម្ពាធ​យោធា​នៅ​តំបន់​សមុទ្ទ​ចិន​ខាង​ត្បូង​ទេ។ កាលពី​ដើម​ខែតុលា ២០១៨ នាវា​យោធា​អាមេរិក​វិះ​តែ​នឹង​បុក​នាវា​ចិន នៅក្នុង​សមុទ្ទ​ខាង​ត្បូង​នេះ។ ហើយ​មួយ​សប្តាហ៍​មុន​នេះ​ទៀត ក្នុង​ក្របខ័ណ្ឌ​នៃ​ការ​ហាត់​ហ្វឹកហ្វឺន​​តាម​ទម្លាប់ យន្តហោះ​ទម្លាក់​គ្រាប់​បែក​B52 ពីរគ្រឿង ​ហោះចេញ​ពី​កោះ​ហ្កាំ​របស់​អាមេរិក សំដៅ​សមុទ្ទ​ចិន​ខាង​ត្បូង ជា​លើក​ទី​មួយ​។ ពេល​នោះ​ ភាព​តាន​តឹង​បាន​ឡើង​ខ្លាំង​ដល់​កំពូល មិន​ថា​លើ​ផ្នែក​ពាណិជ្ជកម្ម​ឬ​យោធា​ទេ ! ​

គ្រាន់​តែ​ថា​ វត្តមាន​នាវា​យោធា​អាមេរិក​ក្នុងតំបន់​សមុទ្ទ​ចិន​ខាង​ត្បូង ថ្ងៃនេះ វា​ចំពេល​ពេក​ទៅ​នឹង​ថ្ងៃ​បើក​ជំនួប ដែល​មាន​ទិសដៅ​បិទ​បញ្ចប់​សង្គ្រាម​​ពាណិជ្ជកម្ម។

​​ជំនួប​ពិភាក្សា​បញ្ចប់​ជម្លោះ​ពាណិជ្ជកម្ម​វិញ

​ជំនួប​ពិភាក្សា​ បាន​ចាប់​ផ្តើម ប៉ុន្តែ​ក្នុង​ស្ថានភាព​មិន​ហ៊ឹកហាក់សោះ​ខ្លាំង។ សូម្បីតែ​ទីតាំង​កន្លែង​ប្រជុំ​​ក៏​មិន​ត្រូវ​បាន​បង្ហើប​ឱ្យ​ដឹង​ផង។ ខាង​ប៉េកាំង បាន​ត្រឹម​ព្រលយ​បញ្ជាក់​ថា កិច្ចពិភាក្សា​ពិត​ជា​នឹង​ប្រព្រឹត្ត​​ទៅ​មែន នៅ​ថ្ងៃ​ចន្ទ​និង​អង្គារ​នេះ។ ​​ប្រតិភូ​អាមេរិក​ដឹកនាំ​ដោយ​តំណាងមក​ពី​​ក្រសួង​ពាណិជ្ជកម្ម​ ព្រមទាំង​តំណាង​នៃ​ក្រសួង​កសិកម្ម ថាមពល​ សេតវិមាន ក្រសួង​ហិរញ្ញវត្ថុ​ និង​ការបរទេស បាន​ចាក​ចេញ​ពី​សណ្ឋាគារ ដោយ​គ្មាន​ថ្លែង​ពាក្យ​អ្វី​សូម្បី​តែមួយ​ម៉ាត់ ទៅ​កាន់​អ្នក​យក​ព័ត៌មានដ៏​​ច្រើនកកកុញ​​ ដែល​តាមដាន​ហេតុការណ៍​នេះ។

នេះ​ជា​ការ​ធម្មតា​ទេ ព្រោះគិត​ចាប់​តាំង​ពី​លោក​ដូណាល់ ត្រាំ និង​លោក​ស៊ីជីនពីង បាន​ព្រមព្រៀង​ ទុក​ពេល​បី​ខែ ចរចាមក ​នេះ​ជា​លើក​ទីមួយ ដែល​ភាគី​ជម្លោះ​ពាណិជ្ជកម្ម​ទាំង​ពីរ បាន​មកអង្គុយ​ទល់​មុន​គ្នា ​ពិភាក្សា​​ ដោយ​ផ្ទាល់ ដើម្បី​ឈាន​ទៅ​រក​កិច្ចព្រមព្រៀង​បិទ​បញ្ចប់​​សង្គ្រាមពាណិជ្ជកម្ម​នោះ។

ព័ត៌មាន​ដែល​គេ​អាច​ដឹង​បាន​ច្រើន គឺ​តាម​តែ​រយៈ​សារ​របស់​លោក​ដូណាល់ ត្រាំ​តែ​ប៉ុណ្ណោះ។ កាលពី​ថ្ងៃអាទិត្យ លោក​បាន​គូស​បញ្ជាក់​ជា​ថ្មី ថា​ការ​ចរចា​ពាណិជ្ជកម្ម​ ជាន់​ខ្ពស់​ ជាមួយ​ចិន ដោយ​មានបុគ្គល​​ប្រធានាធិបតី​ទាំង​ពីរ​ប្រទេស​ចូល​រួម​ផង មាន​ដំណើរការ​​ទៅ​យ៉ាង​រលូន​ល្អ ហើយ​សញ្ញា​នៃ​សេដ្ឋកិច្ច​ចុះ​ថយ​របស់​ចិន ជា​ការ​បើក​ផ្លូវ​ឱ្យ​ប៉េកាំង មើល​ឃើញ​ពី ហេតុផល​នៃការ​ស្វែង​រក​កិច្ចព្រមព្រៀងឱ្យ​ឃើញ។ ប៉ុន្តែ​លោក​ក៏​មិន​បាន​ផ្តល់​អំពី ខ្លឹមសារ​លម្អិត​នៃ​កិច្ចពិភាក្សា​ថ្ងៃ​នេះ​ទេ ហើយ​ក៏​គ្មានបញ្ជាក់​ឡើយ​ថា​តើ​ការ​ចរចា​ជឿន​លឿនបានកំរិត​ប៉ុណ្ណានោះ៕

នាយករដ្ឋមន្ត្រី​ប៉ាគីស្ថាន​ទៅ​អាមេរិក​ដើម្បី​ដើរ​ចេញ​ពី​ភាពឯកា

អ៊ុយក្រែន​នឹង​មាន​សភាថ្មី ក្មេងខ្ចី ដូច​ប្រធានាធិបតី ?

២០កក្កដា៖ ខួប​៥០ឆ្នាំនៃ​​ការបញ្ជូន​មនុស្សឱ្យ​​ទៅ​ចុះចត​លើឋាន​ព្រះចន្ទ

OMS ប្រកាស​កម្រិត​អាសន្ន​នៃ​ការ​​ឆ្លង​​មេរោគ​​អេបូឡា នៅ​​សាធារណរដ្ឋ​ប្រជាធិបតេយ្យ​កុងហ្គោ

សហភាពអឺរ៉ុប​ដាក់​ទណ្ឌកម្ម​តួកគីដែល​ចូល​ទៅ​ជីកខួង​បូមឧស្ម័ន​​នៅ​សមុទ្រ​ស្ហ៊ីប

បារាំង៖ បុណ្យជាតិ​១៤កក្កដា​២០១៩ ក្នុង​ន័យ​សហប្រតិបត្តិការ​កងទ័ព​អឺរ៉ុប

ទិន្នន័យ​ឯកជន​របស់អ្នកប្រើប្រាស់៖ ហ្វេសប៊ុក​ត្រូវ​ពិន័យ​ឲ្យ​បង់ប្រាក់ ៥ពាន់លាន​ដុល្លារ

បារាំង​សម្ពោធ​នាវាមុជទឹក​ទំនើបថ្មី ដែល​ស្ងាត់ខ្លាំង និងមាន​សមត្ថភាព​បាញ់មីស៊ីល​ចម្ងាយមធ្យម

អ៊ីរ៉ង់​រករឿង​ចង់​ចាប់​នាវា​ដឹក​ប្រេង​អង់គ្លេស នៅ​ច្រក​សមុទ្ទ Ormuz

អ៊ីរ៉ង់-អាមេរិក៖ ទីប្រឹក្សា​កិច្ចការ​បរទេស​បារាំង​ទៅ​អ៊ីរ៉ង់ ដើម្បី​បើកផ្លូវ​សម្របសម្រួល

ក្រសួងការបរទេសអាមេរិក បើកភ្លើងខៀវ​លក់​សព្វាវុធ​ឲ្យតៃវ៉ាន់ ចំនួន​២២០០លាន​ដុល្លារ

Amnesty International៖ អាជ្ញាធរ​ហ្វីលីពីន កំពុង​ប្រហារ​ជីវិត​មនុស្ស​ក្រៅ​ផ្លូវច្បាប់ យ៉ាង​ចំហ

អ៊ីរ៉ង់បន្តប្រើអ៊ុយរ៉ាញ៉ូមជាអាវុធដើម្បីសងសឹកនឹងទណ្ឌកម្មសេដ្ឋកិច្ចរបស់អាមេរិក

​ហេតុអ្វី​ធនាគារ​កណ្តាល​អាមេរិកឈឺក្បាល នៅពេលចំនួន​ការងារ​កើនឡើងខ្លាំង?

អ៊ីរ៉ង់ប្រាប់​អង់គ្លេសឲ្យ​​ដោះលែង​ កប៉ាល់ដឹកប្រេង​របស់ខ្លួន ជាប្រញាប់

អ៊ីរ៉ង់​ប្តេជ្ញាបង្កើន​ការ​ចម្រាញ់​សារធាតុ​អ៊ុយរ៉ាញ៉ូម​ថ្វីបើ​មាន​ការព្រមាន​ពី​អាមេរិក​

បារាំង និងអាល្លឺម៉ង់ជាប្រទេសទទួលបានតំណែងសំខាន់នៅក្នុងសហភាពអឺរ៉ុប

តើ​អ្វីជា​ជំហរ​របស់​ចិន នៅក្រោយ​បាតុកម្ម​ហិង្សា​របស់​បាតុករ​ហុងកុង ?

ហុងកុងប្រារព្ធខួប២២ឆ្នាំនៃការផ្ទេរដែនដីពីអង់គ្លេសមកឱ្យចិនវិញ យ៉ាងហិង្សា

លោក ត្រាំ ជាប្រធានាធិបតី​អាមេរិក​ដំបូង​គេ​បំផុត​ដែល​បាន​ឆ្លង​ព្រំដែន ទៅ​កូរ៉េ​ខាង​ជើង