rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

សង្រ្គាមពាណិជ្ជកម្ម៖​ចិន​ព្រមាន​អាមេរិក​ក្នុង​រឿង​ដំឡើង​ពន្ធថ្មី​លើ​ទំនិញ​ចិន​នាំ​ចូល​អាមេរិក

ដោយ គួច គន្ធារ៉ា

ថ្ងៃ​អាទិត្យ ទី៣ មិថុនា​នេះ​ជា​ថ្ងៃ​ទី២ និង​ជា​ថ្ងៃ​ចុង​ក្រោយ​នៃ​ទស្សនកិច្ច​របស់​លោក​រដ្ឋមន្រ្តី​ក្រសួង​ពាណិជ្ជកម្ម​អាមេរិក Wilbur Ross ក្នុង​ទីក្រុង​ប៉េកាំង ប្រទេស​ចិន។ គោលដៅ​នៃ​ទស្សនកិច្ច​របស់​លោក Ross គឺ​ដើម្បី​បញ្ជៀស​សង្រ្គាម​ពាណិជ្ជកម្ម​រវាង​មហាអំណាច​សេដ្ឋកិច្ច​ក្នុង​លោក​ទាំង​ពីរ។ ពី​ទីក្រុង​ប៉េកាំង លោក Ross បាន​សាទរ​កិច្ចចរចា​អាមេរិក ចិន​ថា​មាន​លក្ខណៈ​មិត្តភាព និង​ស្មោះត្រង់។

តែ​ចិន​បាន​ព្រមាន​ប្រឆាំង​នឹង​ការ​គំរាម​យក​ពន្ធ​ថ្មី​លើ​ទំនិញ​ចិន​នាំ​ចូល​អាមេរិក​ពី​សំណាក់​រដ្ឋបាល​វ៉ាស៊ីន​តោន។

នៅ​ក្នុង​កិច្ចចរចា ឬ​កិច្ចសន្ទនា​រវាង​អាមេរិក និង​ចិន​ក្នុង​រឿង​ពាណិជ្ជកម្ម​ពេល​នេះ ភាគី​អាមេរិក​ដឹកនាំ​ដោយ​លោក​រដ្ឋមន្រ្តី​ក្រសួង​ពាណិជ្ជកម្ម Wilbur Ross តែ​នៅ​ខាង​ភាគី​ចិន​បាន​ដឹក​នាំ​ដោយ​លោក Liu He ឧបនាយករដ្ឋមន្រ្តី។ ជម្រើស​យក​លោក Liu He ព្រោះ​លោក​ជា​អ្នកសេដ្ឋកិច្ច​ម្នាក់​ដែល​បាន​សិក្សា​នៅ​សាលា Harvard ជា​មនុស្សជំនិត​ជាង​គេ​ម្នាក់​របស់​លោក​ប្រធានាធិបតី​ចិន​ស៊ី ជីនពីង និង​ជា​តួអង្គ​ដ៏​សំខាន់​នៃ​ការ​រៀបចំ​គោលនយោបាយ​សេដ្ឋកិច្ច​ចិន។

ទាក់ទង​នឹង​លទ្ធផល​នៃ​ជំនួប​រវាង​លោក Ross និង​លោក He ត្រូវ​បាន​កាសែត​ផ្លូវការ​ចិន​ស៊ីនហួរ​ផ្សព្វផ្សាយ​នូវ​សេចក្តីប្រកាស​ព័ត៌មាន​ខ្លី​មួយ តែ​មិន​បាន​ប្រាប់​ឲ្យ​ដឹង​ពី​កិច្ចព្រមព្រៀង​ថ្មី​ណា​មួយ​ដែល​ទទួល​បាន​ពី​ជំនួប​រវាង​ដែល​លោក Ross និង​លោក He ទេ។ អ្វី​ដែល​កាសែត​ស៊ីនហួរ​បាន​លើក​ឡើង​នោះ​គឺ​ថា ការ​ពិភាក្សា និង​ដោះដូរ​រវាង​ភាគី​ទាំង​ពីរ​បាន​ប្រពឹត្តិ​ទៅ​ក្នុង​បរិយាកាស​ល្អ និង​បង្កប់​ដោយ​ភាព​រីកចម្រើន​គួរ​ឲ្យ​កត់សម្គាល់។ នៅ​ត្រង់​ចំណុច​នេះ កាសែត​ស៊ីនហួរ​បាន​ចុះ​ផ្សាយ​សម្តី​របស់​លោក He ដែល​សាទរ និង​ចាត់ទុក​កិច្ចពិភាក្សា​ប្រកប​ដោយ​លក្ខណៈ​វិជ្ជមាន និង​ជាក់ស្តែង។ ពាក្យ​សាទរ​ដូច​គ្នា​នេះ​ក៏​មាន​ពី​លោក Ross ដែល​ចាត់​ទុក​កិច្ចចរចា​ថា​ពោរពេញ​ដោយ​មិត្តភាព និង​ភាព​ស្មោះត្រង់។

ចិន​ព្រមាន​ទុក​ជា​មោឃៈ​រាល់​កិច្ចព្រមព្រៀង​ពាណិជ្ជកម្ម និង​ការ​ដោះដូរ

នេះ​មិនមែន​ជា​លើកទី១ ទេ​ដែល​មហាសេដ្ឋកិច្ច​ក្នុង​លោក​ទាំង​ពីរ​បាន​ជួប​ជជែក​គ្នា​ដើម្បី​និយាយ​ពី​រឿង​ពាណិជ្ជកម្ម ពិសេស​បញ្ជៀស​សង្រ្គាម​ពាណិជ្ជកម្ម​រវាង​គ្នា។ គួរ​រម្លឹក​ជូន​ថា អ្វីៗ​បាន​ចាប់​ផ្តើម​ចេញ​ពី​ការ​ប្រកាស​របស់​លោក​ប្រធានាធិបតី​អាមេរិក​ដូណាល់ ត្រាំ​ដែល​ចង់​ដំឡើង​ពន្ធ​កម្រិត ២៥% លើ​ទំនិញ​ចិន​នាំ​ចូល​អាមេរិក ពោល​ក្នុង​ទឹកប្រាក់​សរុប ៥០ ០០០លានដុល្លារ។ តាម​គម្រោង ការ​ដំឡើង​នេះ​ត្រូវ​ចាប់​ផ្តើម​ពី​ខែ​មិថុនា ឆ្នាំ ២០១៨ តែ​សេណារីយ៉ូ​មួយ​នេះ​ត្រូវ​បាន​ពន្យា ក្រោយ​ពី​មាន​កិច្ចចរចា​រវាង​ភាគី​ទាំង​ពីរ​ក្នុង​ទីក្រុង​វ៉ាស៊ីនតោន​នា​ខែ​ឧសភា។

គួរ​ឲ្យ​ភ្ញាក់ផ្អើល លោក​ត្រាំ​បែរ​ជា​ចេញ​មុខ​ប្រកាស​គំរាម​ជា​ថ្មី​ពី​ការ​ដំឡើង​ពន្ធ​លើ​ផលិតផល​ចិន​នាំ​ចូល​អាមេរិក ព្រម​ទាំង​ដាក់​កម្រិត​លើ​អ្នក​វិនិយោគ​ចិន​នៅ​ក្នុង​ទឹកដី​អាមេរិកាំង។ ការ​ព្រមាន​ជា​ថ្មី​របស់​លោក​ត្រាំ និង​ការ​ប្តូរ​ជំហរ​របស់​រដ្ឋបាល​វ៉ាស៊ីតោន​នេះ​បាន​ធ្វើ​ឲ្យ​ចិន​ក្តៅក្រហាយ និង​ព្រមាន​សងសឹក​ចាស់ដៃ​ដាក់​អាមេរិក​វិញ​ដើម្បី​ការពារ​ប្រយោជន៍​ខ្លួន។ គឺ​ភាព​ចម្រូងចម្រាស​ថ្មី​នេះ​ហើយ​ដែល​បាន​ជំរុញ​ឲ្យ​លោក​រដ្ឋមន្រ្តី​ក្រសួង​ពាណិជ្ជកម្ម Wilbur Ross ទៅ​ជួប​ចិន​ផ្ទាល់​ក្នុង​ទីក្រុង​ប៉េកាំង។

អ្វី​ដែល​ភាគី​ទាំង​ពីរ​បាន​ព្យាយាម​ចៀសវាង គឺ​សង្រ្គាម​ពាណិជ្ជកម្ម​ដែល​ទើប​ផ្ទុះ​ឡើង​រវាង​អាមេរិក និង​អឺរ៉ុប ឬ​រវាង​អាមេរិក និង​កាណាដា។ នៅ​ក្នុង​ន័យ​នេះ ចិន​បាន​សន្យា​ពី​ការ​ត្រៀម​ខ្លួន​ដើម្បី​សហការណ៍​ជាមួយ​អាមេរិក​នៅ​ក្នុង​វិស័យ​ជា​ច្រើន ពិសេស​វិស័យ​កសិកម្ម និង​ថាមពល។ ទន្ទឹម​គ្នា​នេះ ចិន​ក៏​ត្រៀម​ខ្លួន​ដើម្បី​បើក​ទីផ្សារ​បន្ថែម និង​បង្កើន​ការ​ទិញ​ផលិផល​ពី​អាមេរិក។ ក្រៅ​ពី​រឿង​ដំឡើង​ពន្ធ​លើ​ទំនិញ​ចិន​នាំ​ចូល​អាមេរិក លោក​ត្រាំ​ក៏​បាន​លើក​ឡើង​ពី​ឱនភាព​ថវិកា​ដែល​អាមេរិក​មាន​ជាមួយ​ចិន​យ៉ាង​ច្រើន​សម្បើម និង​បាន​ទាមទារ​ឲ្យ​កាត់​បន្ថយ​ចំនួន ១០០ ០០០លានដុល្លារ​ក្នុង​មួយ​ឆ្នាំ។

ប្រធានបទ​មួយ​នេះ​មិន​ត្រូវ​បាន​លោក He លើក​ទៅ​និយាយ ឬ​ផ្តល់​ចំណាប់អារម្មណ៍​អ្វី​ទេ។ យ៉ាង​ណា​ក៏​ដោយ ចិន​បាន​ព្រមាន​ទុក​ជា​មុន​នៅ​ថ្ងៃ​អាទិត្យ ទី៣ មិថុនា​ថា បើ​អាមេរិក​បន្ត​រក្សា​ជំហរ​ដំឡើង​ពន្ធ​លើ​ទំនិញ​ចិន​នាំ​ចូល​អាមេរិក ចិន​នឹង​ទុក​ជា​មោឃៈ​រាល់​កិច្ចព្រមព្រៀង​ពាណិជ្ជកម្ម និង​ដោះដូរ​ដែល​ប៉េកាំង និង​វ៉ាស៊ីនតោន​បាន​ចុះ​ហត្ថលេខា​រួម​គ្នា៕

ព្រឹត្តិការណ៍ និង​ស្នាដៃ​នៃ​ការ​កាន់​តំណែង​ប្រមុខ​អង្គការ​ពិលោក​រយៈពេល ១០ឆ្នាំ​របស់​លោក​កូហ្វី អាណាន់

អគ្គលេខាធិការ​អង្គការសហប្រជាជាតិ​ផ្តល់​វិធានការ​​​ការពារ​ជន​ប៉ាឡេស្ទីន

មន្ទីរបញ្ចកោណ បារម្ភថាយោធាចិនខំប្រឹង​ហ្វឹកហាត់ទ័ព​ដើម្បីវាយប្រហារទីតាំងរបស់អាមេរិក

ហេតុអ្វី​បានជា​ថៃ​ហាម​លែង​ឲ្យ​នាំចូល​សំរាម​អេឡិចត្រូនិកពី​បរទេស?​

តើ​មាន​អ្នក​ឈ្នះ និង​អ្នកចាញ់​ឬ​ទេ​នៅ​ក្នុង​សង្រ្គាម​ពាណិជ្ជកម្ម​រវាង​អាមេរិក និង​តួកគី?

ក្លឹប​អ្នកកាសែត​បរទេសមិនលុបចោល​ការអញ្ជើញ​សកម្មជន​​ហុងកុង តាមការទាមទារ​របស់​ប៉េកាំង

អ៊ែរដូហ្កាន ៖ អាមេរិក​ឃុបឃិត​នយោបាយ​និង​ហិរញ្ញវត្ថុ​​ធ្វើបាប​​​តួកគី

ប្រទេស​៥ បើក​កិច្ច​ប្រជុំកំពូល​កំណត់​ពី​លក្ខន្តិកៈសមុទ្រ ​កាស្ព្យែន ​(Caspienne)

ណាសា​បញ្ជូន​ឧបករណ៍​ទៅ​បំបែក​អាថ៌កំបាំង​របស់​ផ្កាយ​ព្រះអាទិត្យ​

អតីត​ប្រធានធិបតី​ប្រេស៊ីល​កំពុងជាប់​ពន្ធនាគារ ឈរ​ឈ្មោះ​បោះឆ្នោត និងចង់​តស៊ូមតិ​លើ​កញ្ចក់​ទូរទស្សន៍​

ព្រឹទ្ធសភា​អាហ្សង់ទីន​ច្រាន​ចោល​ច្បាប់​រម្លូតកូន

៣០​ឆ្នាំ​ក្រោយ​ការងើបបះបោរ​ប្រឆាំង​របបសឹក តើ៨៨៨៨ មាន​ន័យ​យ៉ាងណា​សម្រាប់​ភូមា?

អ៊ីរ៉ង់៖ ទណ្ឌកម្ម​អាមេរិក​ចូល​ជាធរមាន ខណៈ​អឺរ៉ុប​ព្យាយាម​ការពារ​ក្រុម​ហ៊ុន​ខ្លួន

វ៉េណេស៊ុយអេឡា៖ ភេរវកម្ម​សំដៅ​សម្លាប់​ប្រធានាធិបតី​ម៉ាឌុយរ៉ូ តែ​មិន​បាន​សម្រេច

វេទិកាអាស៊ាន ៖ លោក ប៉ុមប៉េអូ អំពាវនាវ​ឱ្យពិភពលោក​បន្ត​រក្សា​សម្ពាធ​លើ​កូរ៉េ​ខាងជើង

សីតុណ្ហភាព​ផែនដី ​ក្តៅ​កាន់​តែ​ខ្លាំង គំរាម​កសិផល ​និង​ជីវិត​មនុស្ស​សត្វ

ហេតុអ្វី​បាន​ស៊ីមបាវ៉េ​មិនផ្លាស់ប្តូរ ទោះនៅក្រោយ​​សករាជ​របស់​មូហ្កាបេ?

តុលាការ​អាមេរិក​បញ្ជា​ឲ្យ​ផ្អាក​គំរូប្លង់ កាំភ្លើងដែល​​ផលិត​ចេញពី​ម៉ាស៊ីនបោះពុម្ព​3D ​

លោក ត្រាំ បង្ហាញ​ជំហរ​ចង់​ជួបមេ​ដឹកនាំ​អ៊ីរ៉ង់ ដោយ​គ្មាន​លក្ខខណ្ឌ

នាយក​ញូវយ៉កថែមស៍ ព្រមាន​លោក​ត្រាំ​អំពី​គ្រោះថ្នាក់​នៃ​ការវាយប្រហារ​អ្នកកាសែត