rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

ជំនួបអន្តរកូរ៉េ ៖ លោក ម៉ូន និង លោក គីម សន្យា​នាំ​សន្តិភាព​មកឱ្យ​ឧបទ្វីប

ដោយ អៀង សុខម៉ិញ

ប្រវត្តិសាស្ត្រ​នឹង​កត់​ត្រា​នៅ​ថ្ងៃសុក្រ​ទី ២៧ មេសា ២០១៨ ក្នុង​ទំព័រ​របស់​ខ្លួន ព្រោះ​នៅ​ថ្ងៃ​នេះបន្ទាប់​ពី​បាន​ចាប់​ដៃ​គ្នា​រលាក់យ៉ាង​ស្និទ្ធស្នាល​ប្រកប​ដោយ​និម្មិត្តរូប និង​បាន​ឆ្លង​ចូលបន្ទាត់​ព្រំដែន​គ្នា​ទៅ​វិញ​ទៅមក នៅពេល​ព្រឹក ​ មេដឹកនាំ​កូរ៉េទាំងពីរ គឺ​លោក មូន ចៃអ៊ីន និង គីម ជុងអ៊ុន បាន​ព្រមព្រៀង​គ្នានាំ​ឧបទ្វីប​កូរ៉េ​ឱ្យ​ស្គាល់​​​សន្តិភាព និងលែង​មាន​អាវុធ​នុយក្លេអ៊ែរ។ រុស្ស៊ី​ ចិនជំនិត​តែ​មួយ​គត់​របស់​កូរ៉េខាង​ជើង បាន​សម្តែងការ​អបអរ​និង​កោត​សរសើរ​ចំពោះ​សេចក្តី​ក្លាហាន​របស់​កូរ៉េ​ទាំង​ពីរ ចំពោះ​ជំនួបជា​វិជ្ជមាន​នៅ​ថ្ងៃ​នេះ។

នៅ​ពី​ក្រោយ​​​រូប​ភាពប្រកប​ដោយ​​និម្មិត្តរូបដ៏​អស្ចារ្យ នៃ​​ការ​​ចាប់​ដៃ​គ្នា​ និងការ​​ឆ្លង​ព្រំដែន​ ​ភាព​ញញឹមរាក់ទាក់ ស្និទ្ធិស្នាល និង​​ពី​ក្រោយ​​អារម្មណ៍​រំភើប​រំជួល​ចិត្ត​ គឺ​កិច្ច​ពិភាក្សា​​ដ៏ រវាង​ប្រមុខ​ដឹកនាំ​កូរ៉េខាង​ជើង​និ​ងខាង​ត្បូង​។ ​ជាជំនួប​ដែល​មានការ​គិត​គូរ​យ៉ាង​ល្អិត​ល្អន់​បំផុត​ រហូត​ដល់​ថ្នាក់​តុ​ចរចា​ ក៏​មាន​តម្លៃជា​និម្មិត្តរូប​ខ្លាំងដែរ ៖ ជា​តុ​មូល​ពងក្រពើ អង្កត់​ផ្ចិត​ប្រវែង ២១០៨មីល្លីម៉ែត្រ ឱ្យ​ត្រូវ​នឹង​ឆ្នាំ​២០១៨។

ជំនួបនេះ​ជា​និម្មិត្ត​រូប​បង្ហាញ​អំពី​ភាព​ធូរ​ស្បើយ​​ក្នុង​ឧបទ្វីប​កូរ៉េ​ផង និង​ជា​ឱកាស​នៃ​ការ​ជជែក​ពិភាក្សា​គ្នា​ លើ​គ្រប់​ប្រធានបទ​ទាំង​អស់​ដើម្បី​ធ្វើ​ឱ្យ​ប្រសើរ​ឡើង​នូវ​ទំនាក់ទំនងរវាង​កូរ៉េទាំងពីរ និង​ឈាន​ឆ្ពោះ​ទៅ​សាង​សន្តិភាព​ ​ការ​បង្រួបបង្រួមកូរ៉េ ដោយ​គ្មាន​អាវុធ​នុយក្លេអ៊ែរ។

​ជា​លទ្ធផល នៅ​ក្នុង​​សេចក្តី​ថ្លែងការណ៍រួម កូរ៉េទាំង​ពីរ​បាន​សម្រេច​​បន្តរៀបចំ​កិច្ចប្រជុំ​បង្រួបបង្រួម​គ្រួសារជា​ថ្មី នៅ​ថ្ងៃទី ១៥ខែ​​សីហាខាង​មុខ និង​ជំនួប​យោធា​ជាន់​ខ្ពស់ នៅ​ខែ​ឧសភា។ លោក មូន ចៃអ៊ីន នឹង​អញ្ជើញ​ទៅ​បំពេញ​ទស្សនកិច្ច​នៅ​ព្យុងយ៉ាង​ នៅ​រដូវ​ស្លឹកឈើ​ជ្រុះ​ខាងមុខ។​ កូរ៉េខាង​ជើង​និង​ខាង​ត្បូង​នឹង​បង្ហាញ​វត្តមាន​រួម​គ្នា​ក្នុង​ការ​ប្រកួត​កីឡា​អាស៊ានហ្គេម២០១៨។

ដំណើរ​ឆ្ពោះ​ទៅ​ចុះ​កិច្ចព្រមព្រៀង​សន្តិភាព

ដោយ​ឆ្នាំ​នេះជា​ខួប​៦៥​ឆ្នាំ​គត់នៃ​ការ​​ចុះ​កិច្ចព្រមព្រៀង​ឈប់​បាញ់ ប្រមុខ​ដឹកនាំ​ទាំង​ពីរ បាន​ប្រកាសព្រមព្រៀង​គ្នា​បន្ត​សកម្មភាព​ បើកកិច្ចប្រជុំ​ត្រីភាគី កូរ៉េទាំងពីរនិង​អាមេរិក ឬ​កិច្ចប្រជុំ​ចតុ​ភាគី​ កូរ៉េទាំង​ពីរ អាមេរិក​និង​ចិន ដើម្បី​អាច​ឈាន​ដល់​ការ​ប្រកាស​ចុះ​កិច្ចព្រមព្រៀង​សន្តិភាព​រវាង​កូរ៉េខាង​ជើង និង​ខាង​ត្បូង។

សូម​បញ្ជាក់​ថា បើ​តាម​បច្ចេកទេស កូរ៉េខាង​ត្បូង​និង​កូរ៉េខាង​ជើង​ កំពុង​ស្ថិត​ក្នុង​ស្ថានភាព​មាន​សង្គ្រាម​នឹង​គ្នា​នៅ​ឡើយ​ទេ។ កិច្ចព្រមព្រៀង​ឈប់​បាញ់​ដែល​ចុះ​ហត្ថលេខា​នៅ​ឆ្នាំ​១៩៥៣​ គ្មាន​ភាគី​កូរ៉េខាង​ត្បូង ! គឺ​មាន​តែ​ភាគី​អង្គការ​សហប្រជាជាតិ តំណាង​ដោយ​សហរដ្ឋ​អាមេរិក ចិន និង​កូរ៉េខាង​ជើង​តែ​ប៉ុណ្ណោះ។ ​ប្រធានាធិបតី​កូរ៉េខាង​ត្បូងសម័យ​កាលណោះ បដិសេធមិនទទួល​យក​​គោលការណ៍​ឈប់​បាញ់។ ត្រង់​ចំណុច​នេះ អ្នក​វិភាគ​គ្រប់​គ្នា​សុទ្ធ​វាយ​តម្លៃ​ត្រូវ​ និង​យល់​ថា​ ការ​ស្វែង​រក​សន្តិភាព​ឱ្យ​ឧបទ្វីប​កូរ៉េ​ទំនង​ជា​លទ្ធផល​​ដែល​នឹង​អាច​សម្រេច​បាន​នៅ​ពីក្រោយ​ជំនួប​ប្រជុំ​ជា​ប្រវត្តិសាស្ត្រ​លើក​នេះ។​

ឧបទ្វីបកូរ៉េ​គ្មានអាវុធ​នុយក្លេអ៊ែរ

​បើ​តាម​សេចក្តី​ថ្លែងការណ៍​រួម​ប្រកាស​ក្រោយ​ជំនួបដ៏​វិសេសវិសាល​ថ្ងៃនេះ លោក មូន ចៃអ៊ីន និង​លោក គីម ជុងអ៊ុន បាន​សម្រេច​​ដើរ​រួម​គ្នា​ទៅ​រក​សន្តិភាព ដោយ​សន្យាធ្វើ​ឱ្យ​ឧបទ្វីប​កូរ៉េ ក្លាយ​ជា​តំបន់​គ្មាន​អាវុធ​នុយក្លេអ៊ែរ និង​គ្មានជម្លោះ ដោយ​បញ្ឈប់​រាល់​សកម្មភាព​ញុះញង់​បែប​ស្អប់​ខ្ពើម មិន​ថា​នៅលើ​ដី លើ​អាកាស ក្នុង​ទឹក​ទេ និង​ដោយ​មាន​ចេតនា​ប្រែក្លាយ​តំបន់​គ្មានកងទ័ព​ ដែល​ខណ្ឌ​ចែក​ប្រទេស​កូរ៉េ​ជា​ពីរ និង​ដែល​មាន​បំពាក់​អាវុធ​ខ្លាំង​ជាង​បំផុត​នៅ​លើ​លោក ឱ្យទៅ​តំបន់​សន្តិភាព។

ប្រមុខ​ដឹកនាំ​​​កូរ៉េខាង​ជើង លោក គីម ជុងអ៊ុន​ ថែម​ទាំង​បាន​​សន្យាថា​​នឹង​មិន​ធ្វើ​ប្រវត្តិសាស្ត្រ ​​ដើរ​ច្រំដែលៗទេ។ ប្រវត្តិសាស្ត្រ​ច្រំដែល​ដ៏​ចុកចាប់​ដែល​លោក​ចង់​សំដៅ​លើ​កិច្ចព្រមព្រៀង​នុយក្លេអ៊ែរមុនៗ។ លោក គីម ជុងអ៊ុន បាន​សន្យា​ធ្វើ​គ្រប់យ៉ាង គោរព​​កិច្ចព្រមព្រៀងដែល​បាន​ធ្វើ​​ជាមួយ​លោក មូន​ចែអ៊ីន នៅ​ក្នុង​ថ្ងៃ​សុក្រ​ទី ២៧​មេសា​នេះ។ កូរ៉េខាង​ជើង​បាន​ស្គាល់ ការ​ឈឺចាប់ ការ​លំបាក​ និងការ​ខក​ចិត្ត​ហើយ ប៉ុន្តែគេ​មិន​អាច​ចាប់​យក​ជ័យ​ជំនះ ដោយ​មិន​ឆ្លង​កាត់​ការឈឺចាប់​បាន​ឡើយ។ នេះ​ជា​ការ​គូស​បញ្ជាក់​បន្ថែម​របស់​លោក គីម ជុងអ៊ុន នៅ​ក្នុង​សេចក្តី​ថ្លែងការណ៍។

​កូរ៉េខាង​ជើង​អស់​ជម្រើស ?

នេះ​​ជា​ដំណឹង​ដ៏​វិជ្ជមាន និង​ជា​ដំណាក់កាល​ចាប់​ផ្តើម​ដ៏​សំខាន់ នៃ​ការ​ចរចា​រំសាយ​កម្មវិធី​នុយក្លេអ៊ែរកូរ៉េ​ខាង​ជើង​ដែលជា​ប្រធានបទ​ដ៏​លំបាក និងស្មុគ​ស្មាញ​ខ្លាំងណាស់ ព្រោះ​ វា​មិន​មែន​ពាក់​ព័ន្ធ​តែ​ជាមួយ​នឹង​កូរ៉េខាង​ត្បូង​មួយ​ម្នាក់​ឡើយ។ អ្នក​ដែល​ពាក់ព័ន្ធ​ម្នាក់ទៀត​គឺ​សហរដ្ឋ​អាមេរិក ដែល​ប្រធានាធិបតី​នឹង​ត្រូវ​មាន​ជំនួប​ជាមួយ​គីមជុងអ៊ុន​ដែរ នៅ​ចុង​ខែ​ឧសភា ឬ​ដើម​ខែ​មិថុនា។

សម្រាប់​កូរ៉េខាង​ជើង​ ការ​ប្រឹង​អភិវឌ្ឍន៍​កម្មវិធី​នុយក្លេអ៊ែរ​ គឺ​ជាចម្លើយ​តប​ទៅ​នឹង​ការ​គំរាម​កំហែង​របស់​អាមេរិក​តែ​ប៉ុណ្ណោះ។ កូរ៉េខាង​ជើងតែង​ទាមទារ​ឱ្យ​កា​រធានាសន្តិសុខ​ (ដក​កងទ័ព​អាមេរិក​ជាង​២៨៥០០​នាក់ចេញ​ពីកូរ៉េខាង​ត្បូង) ជា​ថ្នូរ​នឹង​ការ​រំសាយ​នុយក្លេអ៊ែរ។​ នា​ឱកាស​បំពេញ​ទស្សនកិច្ច​ជា​លើក​ដំបូង នៅ​ក្រុង​ប៉េកាំង លោក​គីមជុនអ៊ុន បាន​ព្រលយ​ឱ្យ​ដឹង​ថា​ការ​រំសាយ​នុយក្លេអ៊ែរ នឹង​ត្រូវ​បញ្ចប់ បើសិន​ជា​សេអ៊ូល និ​ងវ៉ាស៊ីនតោន​ ចាត់​វិធានការ​នាំ​សន្តិភាព​​ដល់​ឧបទ្វីប។

តែដោយ​សារ​កម្មវិធី​នុយក្លេអ៊ែរ​នេះ ព្យុងយ៉ាង​ត្រូវ​រង​ភាព​ឯកា និង​ទទួល​ទណ្ឌកម្ម​យ៉ាង​ធ្ងន់ធ្ងរ។ ទំនង​ជា​ដល់​ពេល​ដែល​កូរ៉េខាង​ជើង​យល់​ ថា​ត្រូវ​ជ្រើសរើស​យក​ការ​ពារ​សន្តិសុខ​ឬ​ប្រទេស​ដួលក្ស័យ​ហើយ​មើល​ទៅ។ ហើយ​កូរ៉េខាងជើង ទំនង​ជា​គ្មាន​ជម្រើស​ច្រើន​ផង ព្រោះបើ​តាម​អ្នក​ជំនាញ​ចិន ​មជ្ឈមណ្ឌល​បាញ់​សាកល្បង​មីស៊ីល​និង​នុយក្លេអ៊ែរ​តែ​មួយ​គត់​របស់​ខ្លួន រង​ការ​ខូច​ខាត​ប្រើ​លែង​កើត​បន្ទាប់​ពី​ការ​សាកល្បង​នុយក្លេអ៊ែរ​កាលពី​ខែ​កញ្ញា​២០១៧ផង៕

លោកម៉ាក្រុង និង​លោក​ពូទីន បង្ហាញ​ភាព​ស្រុះស្រួល​គ្នា ​បើ​ទោះ​បី​ជា​ការពិត​មាន​ការ​ខ្វែង​គំនិត​គ្នា

លោកដូណាល់ ត្រាំ​ គំរាម​ដាក់​ពន្ធពិន័យ ​លើការ​នាំចូល​រថយន្ត​ពី​បរទេស

អាមេរិក-កូរ៉េខាងជើង៖​បើ​គ្មាន​ជំនួប​រវាង​លោកដូណាល់ ត្រាំ និងលោក​គីម ជុងអ៊ុន តើ​វា​ជា​កំហុស​របស់​អ្នក​ណា?

អាមេរិក​គំរាម​ដាក់​ទណ្ឌកម្ម​អ៊ីរ៉ង់​ខ្លាំង​បំផុត​មិន​ធ្លាប់​មាន​ក្នុង​ប្រវត្តិសាស្ត្រ

លោកត្រាំ ទាមទារ​ឲ្យ​ស៊ើប​អង្កេត​លើ​FBI ​ដោយចោទថា​ស៊ើបការណ៍​​សំងាត់​​លើ​​ក្រុម​ការងារ​លោក

វេណេស៊ុយអេឡា​បោះឆ្នោត​ប្រធានាធិបតី ចំពេល​វិបត្តិ​សេដ្ឋកិច្ច​ជាតិ​ដុនដាប​ខ្លាំង

សហភាពអឺរ៉ុប​បញ្ជូន​តំណាង​ទៅ​អ៊ីរ៉ង់ ដើម្បី​បញ្ជាក់​ពី​ការ​ប្តេជ្ញា ​ក្នុង​ការ​ថែ​រក្សា​កិច្ច​ព្រមព្រៀង​នុយក្លេអ៊ែរ

ប្រទេស​អារ៉ាប់​លែង​មាន​ជំហរ​ដូចគ្នា ដើម្បី​ការពារ​​ប៉ាឡេស្ទីន

ជំនួបកំពូលអឺរ៉ុប-បាល់កង់៖​អឺរ៉ុប​ប្រទាញប្រទង់​គ្នា​​ក្នុង​រឿង​បាល់កង់ តែ​ឯកភាព​គ្នា​ដើម្បី​ទប់​លោក​ដូណាល់ ត្រាំ

ព្យុងយ៉ាង​គំរាម​លុប​ចោល​ជំនួប រវាង​លោក ត្រាំ និង គីម ជុងអ៊ុន

ដើមបូព៌ា៖​កំហឹង​របស់​ពលរដ្ឋ​ប៉ាឡេស្ទីន​ប្រឆាំង​អ៊ីស្រាអែល​កំពុង​បន្ត​មាន​យ៉ាង​ខ្លាំងក្លា

អាមេរិក​សម្ពោធ​ស្ថានទូត​នៅ​ហ្ស៊េរុយសាឡិម ក្រោម​សន្ធឹក​នៃ​បាតុកម្ម​ប៉ាឡេស្ទីន

ជន​ដៃ​ដល់​បង្កការ​វាយប្រហារ​ដោយ​កាំបិត​នៅ​ប៉ារីស ជា​ជនជាតិ​បារាំង​ ដើមកំណើត​រុស្ស៊ី

អ៊ីរ៉ាក់​រៀបចំ​បោះឆ្នោតសភា​លើក​ទី១ ក្រោយ​ទទួល​ជោគជ័យ​លើ​អង្គការ​រដ្ឋអ៊ីស្លាម

ម៉ាឡេស៊ី ៖ ព្រះមហាក្សត្រ​លើកលែង​ទោស​មេបក្ស​ប្រឆាំង​អាន់វ៉ា

បារាំង​ចេញមុខ​រក​មធ្យោបាយ​ស្រោចស្រង់​កិច្ចព្រមព្រៀង​នុយក្លេអ៊ែរ​អ៊ីរ៉ង់

មហោស្រព​កាន​ក្រោម​សម្ពាធ​នៃ​រឿងអាស្រូវ​រំលោភផ្លូវភេទ

បារាំង៖ ១ឆ្នាំ​នៃ​អាណត្តិ​របស់​លោក​ម៉ាក្រុង ​កំណែទម្រង់​ក៏ច្រើន ​ការ​តវ៉ា​ក៏ច្រើន

ហេតុអ្វី​បាន​ជា​លីបង់​មិន​ធ្លាក់​ខ្លួន​ក្នុង​សង្រ្គាម ដូច​ប្រទេស​ជិតខាង?

ខួប២​សតវត្ស​របស់ កាល ម៉ាក្ស៖ ប្រត្យក្ស​ភាព​នៃ​ទ្រឹស្តីម៉ាក្ស នៅតែ​បង្កភាព​ចម្រូងចម្រាស់​