លោក Donald Trump ផ្តើមដំណើរទស្សនកិច្ចលើកទីមួយនៅតំបន់អាស៊ី
ប្រធានាធិបតីអាមេរិកលោកDonald Trump ចាប់ផ្តើមដំណើរទស្សនិច្ចជាលើកទី១ នៅតំបន់អាស៊ីចាប់ពីថ្ងៃសុក្រម្សិលមិញទៅរហូតដល់ថ្ងៃទី១៤វិច្ឆិកាខាងមុខ។ជាដំណើរទស្សនកិច្ចមួយដែលត្រូវបានប្រព្រឹត្តទៅនៅខណៈពេលដែលសភាអាមេរិក កំពុងធ្វើការពិភាក្សាគ្នាពីគម្រោងធ្វើកំណែទម្រង់ផ្នែកសារពើពន្ធរបស់លោក។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៨
លោក Donald Trump ប្រធានាធិបតីអាមេរិក ចាប់ផ្តើមបំពេញទស្សនកិច្ចរបស់លោកជាលើកទីមួយនៅតំបន់អាស៊ីចាប់ពីថ្ងៃសុក្រទី៣វិច្ឆកា ដោយចាប់ផ្តើមមុនគេនៅជប៉ុន កូរ៉េខាងត្បូងចិន-វៀតណាម-និងហ្វីលីពីន។ ដំណើរទស្សនកិច្ចរបស់លោកនៅតំបន់អាស៊ីនាពេលនេះ ត្រូវបានប្រព្រឹត្តទៅនៅខណៈពេលដែលសភាអាមេរិក កំពុងធ្វើការពិភាក្សាគ្នាពីគម្រោងធ្វើកំណែទម្រង់ផ្នែកសារពើពន្ធរបស់លោក និងនៅពេលដែលអ្នកជំនិតម្នាក់របស់លោក គឺលោក Paul Manfort កំពុងតែត្រូវជាប់ចោទពីបទឃុបឃិតជាមួយនឹងបរទេសប្រឆាំងសហរដ្ឋអាមេរិក។ លើសពីនេះ ទីក្រុងNew York ក៏ត្រូវរងអំពើភេរវកម្មមួយកាលពីថ្ងៃអង្គារទី៣១តុលាមុនដែលបណ្តាលឲ្យមនុស្សស្លាប់ចំនួន ៨នាក់។
មួយវិញទៀត ដំណើរទស្សនកិច្ចលើកទី ១របស់ប្រធានាធិបតីអាមេរិកនៅតំបន់អាស៊ីនាពេលនេះ ក៏ពុំមែនជាការងាយស្រួលទេ ចំពោះលោក Donald Trump ពីព្រោះប្រទេសសម្ព័ន្ធមិត្តរបស់លោកនៅតំបន់អាស៊ី ក៏កំពុងទន្ទឹងរង់ចាំយ៉ាងអន្ទះសារដែរដើម្បីចង់ដឹងថាតើសហរដ្ឋអាមេរិក នឹងមានជំហរចង់ជួយតំបន់អាស៊ីជានិរន្តភាពដែរឬទេ។
សូមបញ្ជាក់ថា លោក Donald Trump ត្រូវចាប់ផ្តើមទស្សនកិច្ចមុនគេនៅប្រទេសជប៉ុន ចាប់ពីថ្ងៃទី៥ រហូតទៅដល់ថ្ងៃទី៧វិច្ឆិកា ហើយក្នុងថ្ងៃនោះដែរ ប្រធានាធិបតីអាមេរិក នឹងត្រូវបំពេញទស្សនកិច្ចនៅកូរ៉េខាងត្បូង ដើម្បីបង្កើត រណៈសិរ្សរួបរួមគ្នាមួយ សម្រាប់ប្រឆាំងនឹងព្យុងយ៉ាង- មុននឹងលោកបន្តដំណើរទៅកាន់ប្រទេសចិននៅថ្ងៃទី៨វិច្ឆិការហូតដល់ថ្ងៃទី១០វិច្ឆិកា ។ នៅទីនោះ លោក ត្រំ ក៏មានបំណងចង់ធ្វើការបញ្ចុះបញ្ចូលផងដែរលោក ប្រធានាធិបតីចិនលោក Xi jinping ដើម្បីឲ្យលោកប្រកាន់បន្ទាត់នយោបាយដ៏តឹងរ៉ឹងបំផុតមួយនៅចំពោះមុខកូរ៉េខាងជើងដែលជាប្រទេសសម្ព័ន្ធមិត្តរបស់ចិន។
នៅថ្ងៃទី១០វិច្ឆិកានោះដែរ លោក Donald Trump នឹងត្រូវចូលរួមនៅក្នុងជំនួបកំពូល (Apec) នៅទីក្រុង Danang ប្រទេសវៀតណាម។ នៅទីនោះ ប្រធានាធិបតីអាមេរិក អាចនឹងមានឱកាសជួបប្រាស្រ័យជាមួយសមភាគី រុស្ស៊ី លោកVladimir Poutine។
នៅទីបញ្ចប់នៃដំណើរទស្សនកិច្ចនៅតំបន់អាស៊ី លោកប្រធានាធិបតីអាមេរិកនឹងត្រូវអញ្ជើញទៅកាន់ប្រទេសហ្វីលីពីននៅថ្ងៃទី១៣និងទី១៤វិច្ឆិកាខាងមុខ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ