លោកJim Mattis ទស្សនកិច្នៅអាហ្វហ្កានីស្ថានខណៈដែលរដ្ឋមន្ត្រីការពារជាតិប្រទេសនេះលាលែងពីតំណែង
រដ្ឋមន្ត្រីក្រសួងការពារជាតិអាមេរិកលោក Jim Mattis បានអញ្ជើញទៅដល់ប្រទេសអាហ្វហ្កានីស្ថាននៅថ្ងៃចន្ទនេះ ក្នុងខណៈដែលរដ្ឋមន្ត្រីការពារជាតិនិងនាយសេនាធិការនៃប្រទេសអាហ្វហ្កនីស្ថាន បានលាលែងចេញពីតំណែងនៅថ្ងៃចន្ទ២៤មេសា ក្រោយពីមហាភេរវកម្មសម្លាប់មនុស្សយ៉ាងតិចជាង១៣០នៅលើមូលដ្ឋានយោធាមួយក្នុងភាគខាងជើងអាហ្វហ្កានីស្ថានរួចមក។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣៣
នៅខណៈពេលដែលពួកតាលីបង់បង្កើនសកម្មភាពដ៏ហិង្សានៅក្នុងប្រទេសអាហ្វហ្កានីស្ថាន រដ្ឋមន្ត្រីក្រសួងការពារជាតិអាមេរិក លោក James Mattis បានធ្វើដំណើរទៅដល់អាហ្វហា្កនីស្ថាននៅថ្ងៃចន្ទ២៤មេសានេះ។ ដំណើរទស្សនកិច្ចនេះ ត្រូវប្រព្រឹត្តទៅនៅខណៈពេលដែលរដ្ឋមន្ត្រីការពារជាតិនិងនាយសេនាធិការអាហ្វហ្កានីស្ថាន បានលាលែងចេញពីមុខតំណែងនៅថ្ងៃចន្ទ២៤មេសានេះដែរ។
ការសុំលាលែងពីតំណែងរបស់រដ្ឋមន្ត្រីការពារជាតិលោក Abdullah Habibi និងអគ្គសេនាធិការអាហ្វហ្កានីស្ថានលោក Qadam Shah Shahim ត្រូវបានលោកប្រធានាធិបតី Ashraf Ghani ទទួលយល់ព្រមហើយ។
អាជ្ញាធរអាហ្វហ្កានីស្ថាន ត្រូវរងការទិះតៀនយ៉ាងខ្លាំងក្លានាអំឡុងចុងសប្តាហ៍នេះ ពីសំណាក់ក្រុមអ្នកសង្កេតការណ៍និងអ្នកជំនាញដែលបានទាមទារឲ្យមានការដាក់ទណ្ឌកម្មលើរដ្ឋមន្ត្រីការពារជាតិអាហ្វហ្កានីស្ថាន ពីបទអសមត្ថភាពនៅលើការធានាសន្តិសុខពលរដ្ឋរបស់ខ្លួនក៏ព្រមទាំងការការពារមូលដ្ឋានយោធា។
ពីព្រោះ កាលពីថ្ងៃសុក្រមុន កងកុម៉្មង់ដូតាលីបង់ប្រមាណជា១០ នាក់ប្រកបដោយអាវុធធុនធ្ងន់និងគ្រឿងផ្ទុះ បានបើកការវាយប្រហារជាង៥ម៉ោងប្រឆាំងលើមួលដ្ឋានទ័ពប្រទេសអាហ្វហ្កានីស្ថានដ៏សំខាន់បំផុតមួយនៅភាគខាងជើងនិងបានសម្លាប់ទាហានយ៉ាងតិច១៣០នាក់ទៅ១៦០នាក់។
ជាការវាយប្រហារទ្រង់ទ្រាយធំលើកទីពីរក្នុងរយៈពេលតែប៉ុន្មានសប្តាហ៍ប៉ុណ្ណោះ បន្ទាប់ពីការវាយប្រហារកាលពីដើមខែមីនាមុនប្រឆាំងទៅលើមន្ទីរពេទ្យយោធាដ៏សំខាន់នៅទីក្រុងកាប៊ូលដែលបណ្តាលឲ្យស្លាប់មនុស្សជាច្រើនសិបនាក់។
ក្នុងករណីយវាយប្រហារទាំងពីរលើកនេះហើយទើបបានជាក្រសួងការពារជាតិអាហ្វហ្កានីស្ថាន ត្រូវបានគេចោទ ថាខ្វះតម្លាភាពនីងអោយតួលេខនៃជនរងគ្រោះមិនពិតប្រាកដ។
ពីព្រោះជាផ្លូវការ អាជ្ញាធរ បានប្រកាសថា តួលេខ អ្នកស្លាប់និងរបួស មានតែជាង១០០នាក់នៅក្នុងការវាយប្រហារកាលពីថ្ងៃសុកមុន។
ពួកតាលីបង់ដែលប្រយុទ្ធប្រឆាំងនឹងរដ្ឋាភិបាលអាហ្វហ្កានីស្ថាននិងកងទ័ពបរទេសវិញ បានប្រកាសថាការវាយប្រហារនោះ គឺជាស្នាដៃរបស់ពួកគេនិងបានសម្លាប់មនុស្សដល់ទៅជាង៥00នាក់។
យ៉ាងណាមិញការវាយប្រហារក្នុងទ្រង់ទ្រាយដ៏ធំធេងនេះ ជំរុញឲ្យមតិទូទៅ មានការមន្ទិលសង្ស័យថាច្បាស់ជាមានរនុកក្នុងឲ្យដៃពួកតាលបង់ហើយ។ ចំពោះអ្នកវិភាគនានាវិញ មហន្តរាយនៅមូលដ្ឋានយោធា Mazar-i-Sharif គឺជាបរាជ័យទាំងស្រុងរបស់ក្រសួងស៊ើបការសម្ងាត់អាហ្វហ្កានីស្ថាន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ