rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

ដូណាល់ត្រាំ ប្រកាស​ថា​នឹង​ជួប​គីម ជុងអ៊ុន ដូច​ការ​គ្រោង​ទុកវិញ

ដោយ ម៉ម ពិសី

ជាង១សប្តាហ៍ បន្ទាប់ពីបានប្រកាសថា លប់​ចោល​ជំនួប​ប្រជុំ​ជាមួយ មេដឹកនាំ​កូរ៉េ​ខាងជើង គីម ជុងអ៊ុន​នោះ កាល​ពីថ្ងៃ​សុក្រ​ទី១​មិថុនា ពី​សេតវិមាន ​លោក​ដូណាល់ ត្រាំ ​​បាន​ប្រកាស​ថា ជំនួបនេះ​នឹង​កើត​មាន​ឡើង ដូច​តាម​ការ​គ្រោង​ទុកវិញ។ ការ​ប្រកាស​របស់​លោក​ដូណាល់ ត្រាំ​ គឺ​នៅក្រោយ​ពេល ដែល​លោក បាន​ទទួល​ជួប ​មនុស្ស​ដ៏​​សំខាន់​ម្នាក់​របស់​គីម ជុងអ៊ុន ​គឺ​លោក​មេ​បញ្ជាការ​ គីម យុងជុល​ ដែល​លោក​បា​នយក​លិខិត​មួយច្បាប់ ​របស់​គីម ជុងអ៊ុន ​មក​ប្រគល់​ដល់ដៃ​លោក​ដូណាល់ ត្រាំ នៅឯ​សេតវិមាន។ តាម​​រយៈ​​ការ​​ប្រកាស​នេះ គេ​សង្កេតឃើញ​ថា លោក​ដូណាល់ ត្រាំ ​កំពុង​បង្អួត​ប្រាប់​ពិភព​​លោក​​ទាំងមូល ថា​ដំណើរ​ការស្វែងរក​សន្តិភាព​ជាមួយ​កូរ៉េ​ខាងជើង កំពុងតែ​ដើរ​ទៅមុខ​យ៉ាង​ល្អ ​ហើយ​អ្វីៗ​គឺ​ជា​លទ្ធផល​ការងារ ​របស់​រដ្ឋាភិបាល​លោក។

ក្រាលព្រំក្រហមទទួលមេបញ្ជាការកូរ៉េខាងជើង ដែលធ្លាប់ជាប់ឈ្មោះក្នុងបញ្ជីខ្មៅ

តាំងតែពីដំបូងមក លោកដូណាល់ ត្រាំ តែងតែធ្វើឲ្យគ្រប់គ្នាភ្ញាក់ផ្អើលជានិច្ច តាមរយៈការសម្រេចចិត្ត ម្តងអញ្ចេះ ម្តងអញ្ចោះ មកក្តៅម្តងត្រជាក់ តាមចិត្តចង់បាន។ វាជានយោបាយការទូត ដែលគ្មានរូបរាង និងគ្មានភាពប្រកដប្រជា ពិបាកនឹងស្មានណាស់។ រឿងអ្វីក៏លោកដូណាល់ ត្រាំ អាចធ្វើទៅរួចដែរ បើសិនជាយើងវិភាគតាមមើលឃើញ។

ជាក់ស្តែង ការទទួលជួប លោកមេបញ្ជាការ គីម យុងជុល ដែលជាមនុស្សមានឥទ្ធិពលធំលំដាប់ទី២ នៅកូរ៉េខាងជើង កាលពីថ្ងៃសុក្រ ទី១មិថុនា គឺជារឿងមួយគួរឲ្យភ្ញាក់ផ្អើលណាស់។ វាមិនមែនជាជំនួបធម្មតាទេ តែជាជំនួប ដែលសេតវិមាន ខិតខំរៀបចំ ដើម្បីបង្អួតសំញ៉ែញ និងផ្តល់តំលៃយ៉ាងខ្លាំង ប្រៀបបាននឹងជំនួបជាមួយប្រមុខរដ្ឋរបស់ប្រទេសមួយ ដូច្នោះដែរ។

អ្វីដែលចំលែកនោះ គឺថា លោក គីម យុងជុល គឺជាអតីតប្រធានក្រុមស៊ើបការសំងាត់ របស់កូរ៉េខាងជើង ហើយជាមនុស្សដែលធ្លាប់ជាប់ក្នុងបញ្ជីខ្មៅរបស់អាមេរិក កាលពីរដ្ឋបាលមុនៗ។ មនុស្សធ្លាប់ជាប់​ក្នុងបញ្ជីខ្មៅបែបនេះ តាមធម្មតា ប្រធានាធិបតីអាចទទួលជួប តែគេឲ្យចូលតាមទ្វាក្រោយ គេ​មិនក្រាលព្រំក្រហមទទួលយ៉ាងអាធិកអាធម្មបែបនេះទេ។ ជាងនេះទៅទៀត លោកដូណាល់ ត្រាំ បានផ្តល់កិត្តិយសទទួលជួបលោកមេបញ្ជាការ គីម យុងជុលនេះ ដល់ក្នុងបន្ទប់ប្រធានាធិបតី ក្នុងរយៈពេលដល់ទៅ១ម៉ោងកន្លះឯណោះ។ មានការរិះគន់ច្រើនណាស់ ថាលោកដូណាល់ ត្រាំ ធ្វើនេះជ្រុល ដែលផ្តល់កិត្តិយសជ្រុលពេក ដល់មេដឹកនាំរបបផ្តាច់ការធ្វើបាបប្រជាជនឯង ដូចជាកូរ៉េខាងជើងនេះ។

ជារួមយើងឃើញថា លោកដូណាល់ ត្រាំ កាលពីប៉ុន្មានខែមុន បានជេរ បានប្រើពាក្យធ្ងន់ៗ គំរាមកំទេចកូរ៉េខាងជើង ឲ្យក្លាយជាផេះ  តែថ្ងៃនេះលោកដូណាល់ ប្រើរបៀបបញ្ជោរបែបសំបើម ទទួលរាក់ទាក់ធ្វើដូចគ្មានរឿងអ្វីកើតឡើងទៅវិញ។ ថ្ងៃមុនថាចង់កំទេច តែថ្ងៃនេះ លោកដូណាល់ ត្រាំ បានប្រកាសនៅចំពោះមុខអ្នកកាសែតថា លោកឈប់ប្រើភាសាបែប “គំរាមសំឡុត” ទៀតហើយ។ ដូច្នេះ យើងឃើញថា វាមិនមានអ្វីទៀតទាត់ទេ ជាមួយលោកដូណាល់ ត្រាំ ហើយអ្នកវិភាគជាច្រើនជឿថា ភាគីកូរ៉េខាងជើង ក៏គេយល់ពីបញ្ហានេះដែរ។

១ម៉ោងកន្លះ និយាយពីគ្រប់បញ្ហា

តាមការប្រកាសដំបូង ថា លោក គីម យុងជុល ចូលទៅបន្ទប់ប្រធានាធិបតី តែមួយភ្លែតទេ ដើម្បីប្រគល់សំបុត្ររបស់គីម ជុងអ៊ុន​ឲ្យដល់ដៃលោកដូណាល់ ត្រាំ។ ក៏ប៉ុន្តែដល់មែនទែនទៅ ជំនួបនេះ បានអូសបន្លាយដល់ទៅ១ម៉ោងកន្លះម៉ោង។

ក្រៅពីប្រកាសថា នឹងរក្សាការប្រជុំជាមួយគីម ជុងអ៊ុន ដែលគ្រោងធ្វើនៅសិង្ហបុរី ថ្ងៃ​ទី​១២​មិថុនា​ខាងមុខ លោកដូណាល់ ត្រាំ បានប្រកាសប្រាប់អ្នកកាសែតថា ជំនួបរវាងលោក និងលោកមេបញ្ជាការ គីម យុងជុល បានប្រព្រឹត្តិយ៉ាងល្អ និងមានខ្លឹមសារគួរជាទីចាប់អារម្មណ៍។ លោកត្រាំ លើកឡើងថា លោកមិនទាន់បានអានសំបុត្រ របស់គីម ជុងអ៊ុនទេ ព្រោះលោក គីម យុងជុន បានប្រាប់ថា ចាំលោកចេញទៅវិញចុះ ចាំអានលិខិតនោះ។

លោកដូណាល់ ត្រាំនិយាយថា លោកនិងលោកគីម យុងជុល បាននិយាយពីបញ្ហាទាំងអស់​ ដែលមានរវាងអាមេរិក និងកូរ៉េខាជើង។ តែយ៉ាងណា គាត់បានទទួលស្គាល់ថា គាត់មិនបានលើកឡើងអំពីបញ្ហា សិទ្ធិមនុស្សនៅកូរ៉េខាងជើងទេ ព្រោះលោកមិនចង់បូកច្របល់បញ្ហាបញ្ចូលគ្នា ហើយយកឱកាសនេះ ផ្តោត​​សំខាន់ តែទៅលើបញ្ហានុយក្លេអែរ។

លោក ដូណាល់ ត្រាំ បញ្ជាក់ថា ជាមួយនឹងភាគីកូរ៉េខាងជើង លោកបាននិយាយអំពីបំណង បិទបញ្ចប់សង្រ្គាមរវាងប្រទេសទាំងពីរ ព្រោះថ្វីបើសង្រ្គាមកូរ៉េបានចប់៦៥ឆ្នាំមកនេះមែន តែធាតុពិតជាក់ស្តែង កូរ៉េខាងជើង និងអាមេរិកមិនទាន់បានចុះសន្ធិសញ្ញាសន្តិភាពនឹងគ្នាទេ រហូតមកដល់រាល់ថ្ងៃនេះ។

បិទកម្មវិធីនុយក្លេអ៊ែរភ្លាម ទាំងស្រុង ឬជាដំណាក់ ?

មកត្រឹមពេលនេះ គេគ្រាន់តែដឹងថា​ បញ្ហាកងទ័ពអាមេរិក ដែលតាំងទីនៅកូរ៉េខាងត្បូងនោះ នឹងមិនត្រូវលើកយកមកនិយាយ នៅក្នុងការប្រជុំ ដែលគ្រោងធ្វើនៅថ្ងៃទី១២មិថុនា ខាងមុខនេះទេ។ លោក ដូណាល់ ត្រាំ បានលើកឡើងថា លោកគ្មានបំណងសម្រេចអ្វីមួយនៅថ្ងៃទី ១២ ខែមិថុនានោះទេ ក៏ប៉ុន្តែ ជំនួបនេះ គឺជាការចាប់ផ្តើម នូវដំណើរការដោះស្រាយសន្តិភាព បិទបញ្ចប់កម្មវិធីនុយក្លេអ៊ែរ របស់កូរ៉េខាងជើង។

ទាក់ទិននឹងបញ្ហានុយក្លេអ៊ែរនេះ លោក ដូណាល់ ត្រាំ បានអះអាង ដោយសុទិដ្ឋិនិយមថា លោកសង្កេតឃើញថា ភាគីកូរ៉េខាងជើងពិតជាមានចេតនា រុះរើប្រព័ន្ធនុយក្លេអ៊ែរចោល តាមការទាមទាររបស់អាមេរិកមែន។ លោកនិយាយបន្ថែមថា លោកជឿថាកូរ៉េខាងជើង ចង់ក្លាយជាប្រទេសមានការអភិវឌ្ឍន៍មួយនឹងគេ។

តែយ៉ាងណា មកត្រឹមដំណាក់កាលនេះ យើងមិនអាចស្មានបានទេថា តើកូរ៉េខាងជើង សុខចិត្តធ្វើសម្បទានកំរិតណា។ ភាគីអាមេរិក បានទាមទារ ឲ្យកូរ៉េខាងជើង លប់ចោលកម្មវិធីនុយក្លេអ៊ែរទាំងស្រុង ភ្លាមៗ នឹងជារៀងរហូត ឲ្យខាងតែបាន។ ក៏ប៉ុន្តែ កាលពីថ្ងៃព្រហស្បតិ៍ មេដឹកនាំកូរ៉េខាងជើង បានប្រកែកថា គេមិនព្រមរំលាយកម្មវិធីនុយក្លេអ៊ែរចោលទាំងស្រុង ក្នុងពេលនេះទាំងអស់នោះទេ។ គីម ជុងអ៊ុនបានលើកឡើងថា កូរ៉េខាងជើងសុខចិត្តរំលាយចោល តែត្រូវធ្វើជាដំណាក់ៗ  ម្តងបន្តិចៗ។

ដូច្នេះតាមការសន្និដ្ឋាន ការប្រជុំនៅថ្ងៃទី១២មិថុនាខាងមុខនេះ គឺភាគីទាំង២ ត្រូវចរចាគ្នាពីបញ្ហានេះ ដើម្បីកំណត់ ថាត្រូវចាប់ផ្តើមដំណើរការសន្តិភាព និងរំលាយកម្មវិធីនុយក្លេអ៊ែរ ដោយវិធីណា។ តែយ៉ាងណាក៏ដោយ គេជឿថា លោកដូណាល់ ត្រាំ នឹងមិនទាន់ព្រមធ្វើសម្បទាន សម្រេចលុបចោលទណ្ឌកម្មសេដ្ឋកិច្ច លើកូរ៉េខាងជើងភ្លាមៗនោះទេ ដរាបណា កូរ៉េខាងជើង មិនព្រមលុបចោលកម្មវិធីនុយក្លេអ៊ែរ ចោលទាំងស្រុងទេនោះ។

អញ្ចឹង លទ្ធផលប្រជុំ គឺគេមិនអាចស្មានបានទាំងអស់ ព្រោះទាំងលោកដូណាល់ ត្រាំ ទាំងលោកគីម ជុងអ៊ុន គឺសុទ្ធតែជាមនុស្ស ងាយបត់បែន បាតដៃខ្នងដៃបានយ៉ាងងាយដូចគ្នា។ មួយវិញទៀត គេមិនដឹងថា លោកគីម ជុងអ៊ុន សរសេរអ្វីខ្លះ ក្នុងលិខិតនោះទេ។​ នៅសល់តែ១០ថ្ងៃទៀតទេ ដល់ពេលប្រជុំហើយ ដូច្នេះការរៀបចំគឺស្ថិតក្នុវភាពតក់ក្រហល់រៀងៗខ្លួន៕

សង់ជញ្ជាំងព្រំដែន៖ តើ​លោកដូណាល់ ត្រាំ កំពុង​ទ័ល​គំនិត?

ជំនួប​លើកទី២​រវាង​លោកត្រាំ​និង​លោក​គីម ជុងអ៊ុន​ គ្រោងធ្វើនា​​ចុងខែកុម្ភៈ​

បារាំង​ចាប់​បង្ហាញ​ចង្កូម សម្រាប់​សង្រ្គាម​អ៊ីនធ័រនែត

តើ​ភេរវកម្មអត្តឃាត​សម្លាប់​ទាហានអាមេរិក​នៅ​ស៊ីរី​​អាច​ធ្វើ​ឲ្យ​លោក​ដូណាល់ ត្រាំ​ប្តូរ​ជំហរ​វិញ​ដែរ​ឬ​ទេ?

សភា​អង់គ្លេស​ច្រានចោល​កិច្ចព្រមព្រៀង​ជាមួយ​អឺរ៉ុប តើ​Brexit នឹង​ក្លាយ​ទៅ​ជា​យ៉ាងណា ?

បារាំង៖​ហេតុអ្វី​បាន​ជា​លោក​​ម៉ាក្រុង​យល់ព្រម​រៀបចំ « វេទិកាតស៊ូមតិជាតិ » ពេល​នេះ?

លោក ត្រាំ ភ្ជាប់​លក្ខខណ្ឌ​នៃ​ការ​ដកកងទ័ព​អាមេរិក​ចេញ​ពី​ស៊ីរី ទៅ​នឹង​សន្តិសុខ​យុទ្ធជនគួដ ?

អាមេរិក៖​លោកដូណាល់ ត្រាំ​បញ្ចេញ​ប្រតិកម្ម​ប្រឆាំង​នឹង FBI ពិសេស​លោក James Comey

បារាំង​ចោទ​ប្រកាន់​ជាផ្លូវការ​ប្រធាន​គណៈកម្មការ​អូឡាំពិក​ជប៉ុន​ពី​បទ​ពុករលួយ

លោកដូណាល់ ត្រាំ គំរាម​ប្រកាស​អាសន្នជាតិ​ដើម្បី​យកលុយ​សង់ជញ្ជាំង​នៅព្រំដែន

កាសែតចិន៖ លោកស៊ី ជីនពីង​គាំទ្រ​ជំហរ​របស់​កូរ៉េខាងជើង

អ.ស.ប​ ស្នើឲ្យ​អូស្ត្រាលី​ទទួលយក​នារីអារ៉ាប៊ីសាអូឌីត​ដែល​កំពុង​ស្វែងរក​សិទ្ធិជ្រកកោន​

នៅ​មុខ​តុលាការ​ជប៉ុន លោក​ការឡូស ហ្គោន​ច្រាន​ចោល​រាល់​ការ​ចោទ​ប្រកាន់​ទាំង​អស់

នាវា​យោធា​អាមេរិកទៅ​សមុទ្ទ​ចិន​ខាងត្បូង ចំ​ពេលប៉េកាំង​និង​វ៉ាស៊ីនតោន​​បើក​កិច្ចចរចាពាណិជ្ជកម្ម

បារាំង៖ បាតុកម្ម​របស់​ចលនាអាវកាក់លឿង​អូសបន្លាយ​ដល់​ឆ្នាំ ២០១៩

អ្វីទៅ​ជា​ដើមចម​នៃ​ការ​ងើប​បះបោរ​របស់​ក្រុមឧទ្ទាម​អ្នកកាន់​ព្រះពុទ្ធសាសនា​នៅ​ភូមា?

ក្រុមហ៊ុន​ទូរសព្ទ​ Apple និង​ Huawei រងផលប៉ះពាល់​ខ្លាំង​ដោយ​សារ​តែ​​សង្គ្រាម​ពាណិជ្ជកម្ម​

លោក​ដូណាល់​ត្រាំ ថា“Shutdown”នឹង​បន្តទៀត ដរាបណា​សភា​មិនព្រមផ្តល់​​​ថវិកា​​ធ្វើ​​ជញ្ជាំង​​​ព្រំដែន

ចិន-តៃវ៉ាន់​៖ ចិន​គំរាម​វាយ​ប្រហារ​តៃវ៉ាន់​​ បើតៃវ៉ាន់​ហ៊ាន​ប្រកាស​ឯក​រាជ្យ

អាមេរិក-កូរ៉េខាងជើង៖​លោកគីម ជុងអ៊ុន​បាន​ត្រៀម​ខ្លួន​ជួប​លោក​ដូណាល់ ត្រាំជា​ថ្មី តែ​បាន​ព្រមាន និង​ដាក់​លក្ខខណ្ឌ