rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

អគ្គលេខាធិការ​អង្គការសហប្រជាជាតិ​ផ្តល់​វិធានការ​​​ការពារ​ជន​ប៉ាឡេស្ទីន

ដោយ អៀង សុខម៉ិញ

លោក អង់តូនីញ៉ូ ហ្គូទែរ Antonio Guterres អគ្គលេខាធិការ​អង្គការ​សហប្រជាជាតិ បាន​ចេញ​របាយការណ៍​ នៅ​ល្ងាច​ថ្ងៃ សុក្រ​ទី ១៧​សីហា ផ្តល់​អនុសាសន៍​បួន​ចំណុច​ សម្រាប់ធានា​សន្តិសុខ​​ និង​ការពារ​ ជន​ស៊ីវិល​ប៉ាឡេស្ទីន ដែល​រស់​ក្នុង​​​ដែនដីត្រួត​ត្រា​ដោយ​អ៊ីស្រាអែល ឱ្យ​មាន​ស្ថានភាព​ប្រសើរ​ឡើង។ របាយការណ៍​អង្គការ​សហប្រជាជាតិ​នេះ​ធ្វើ​ឡើង​ក្នុង​ខណៈ​ដែល​អំពើ​ហិង្សា​នៅបន្ត​កើត​មាន។​ ​ ម្សិលមិញមាន​ស្លាប់​ជន​ប៉ាឡេស្ទីន​ពីរ​នាក់ និង​របួស​២៧០​នាក់ នៅ​ក្នុង​ការ​បាញ់​ប្រហាររបស់​ទាហាន​អ៊ីស្រាអែល​​សំដៅ​លើ​ហ្វូង​បាតុករ​ ក្នុង​តំបន់​ហ្កាហ្សា។

ក្រោយ​ពី​មាន​ផ្ទុះ​អំពើ​ហិង្សា នៅ​តំបន់​ហ្កាហ្សា​ នៅ​ចុង​ខែ​មីនា បង្ក​ឱ្យ​ស្លាប់​ជន​ប៉ាឡេស្ទីន​អស់ ១៧១​នាក់ អង្គការ​សហប្រជាជាតិ​ បាន​បើក​មហាសន្និបាត នៅ​ខែ​មិថុនា​​​អនុម័ត​សេចក្តីសម្រេច​ថ្កោល​ទោស​​ការ​ប្រើ​កម្លាំង​​ហិង្សា​របស់​អ៊ីស្រាអែល​​ប្រឆាំង​នឹង​ជនស៊ីវិល​ប៉ាឡេស្ទីន​ និង​បាន​ស្នើ​ឱ្យ​លោក​អង់តូនីញ៉ូ ហ្គូទែរ រៀប​ចំ​យន្តការ​អន្តរជាតិ​ការពារ​ជនស៊ីវិល​ប៉ាឡេស្ទីន រស់​ក្នុង​ដែនដី​ត្រួតត្រា​ដោយ​អ៊ីស្រាអែល។

អនុសាសាន៍​បួន​ចំណុច

​អង្គការ​សហប្រជាជាតិ បាន​ទុក​ពេល៦០​ថ្ងៃ​ ​ឱ្យ​លោក​អគ្គលេខា​ធិការ​ លើក​សំណើ សំដៅចាត់​វិធានការ​​ធានា​​សន្តិសុខ​ និ​ងការ​ពារ​ ព្រម​ទាំ​ងផ្តល់​សុខមាលភាពដល់​បណ្តា​ជន​ស៊ីវិល​ប៉ាឡេស្ទីន​។ ​ហេតុ​ដូច្នេះ​ហើយ​បាន​ជា​ ​លោក​អគ្គលេខាធិការ​អង្គការ​ប្រជាជាតិ​ ចេញ​​របាយការណ៍ ​ ​នៅពេល​​នេះ ផ្តល់​ជា​អនុសាសន៍​បួន​ចំណុច។ សម្រាប់​លោកអគ្គលេខាធិការ គ្មាន​​ជម្រើស​ណា​ល្អ​ជាង​ជម្រើស​ណា​ទេ។ ប៉ុន្តែ​អ្វី​ដែល​សំខាន់​ និង​ចាំ​បាច់​បំផុត គឺត្រូវ​ភាគី​ប៉ាឡេស្ទីន​និ​ងអ៊ីស្រាអែល ​ ព្រមសហការទាំងពីរ​នាក់ បញ្ឈប់​ភាព​ស្អប់​ខ្ពើម​គ្នា​ និង​ត្រូវ​រក​ធនធាន​ថ្មី​បន្ថែម​ទៀត ដើម្បី​ធានាលទ្ធភាព​រក​ជោគជ័យ​បាន។

នៅក្នុង​របាយការណ៍​ កម្រាស់​១៤​ទំព័រ លោក​អគ្គលេខាធិការ​បាន​ផ្តល់​ជម្រើសបួន ខាងក្រោម​នេះ ៖

  • អង្គការ​សហប្រជាជាតិ​ត្រូវ​បង្ហាញ​វត្តមាន​ ខ្លាំង​និង​រឹង​មាំ​ នៅ​ផ្ទាល់​ក្នុង​តំបន់​អាណានិគមកិច្ច​ ជាមួយ​នឹង​ក្រុម​អ្នក​សង្កេតការណ៍​សិទ្ធិមនុស្ស ព្រមទាំង​អ្នក​សង្កេតការណ៍​កិច្ចការ​នយោបាយ​ការបរទេស​ ដើម្បី​ទទួល​បន្ទុកបូក​សរុប​ស្ថានការណ៍​ជាក់ស្តែង។
  • ពង្រីក​ជំនួយ​មនុស្សធម៌ និង​ជំនួយ​អភិវឌ្ឍន៍​ ដើម្បី​ធានា​សុខមាលភាព​របស់​ប្រជាពលរដ្ឋ​។
  • បង្កើត​បេសកកម្ម​​សង្កេត​ការណ៍​ស៊ីវិល​ ដែល​ដាក់​ពង្រាយ​នៅ​តាម​តំបន់​រសើបៗ​ខ្លាំង ដូច​ជា​តាម​កន្លែង​ ​ច្រក​ឆែក​ឆេរ និង​ក្បែរ​សង្កាត់​ក្រោម​អាណានិគមកិច្ច​អ៊ីស្រាអែល។ ក្រុម​នេះ​មាន​ភារៈ​ទទួល​បន្ទុក​រាយការណ៍​​ស្តី​ពី​បញ្ហា​ការពារ​ជនស៊ីវិល។
  • ពង្រាយ​កងកម្លាំង​ប៉ូលិស​​ឬ​យោធា​ ក្នុង​ក្របខ័ណ្ឌ​អង្គការសហប្រជាជាតិ ដើម្បី​ផ្តល់​ការ​ការពារ​ជនស៊ីវិល​ប៉ាឡេស្ទីន។

នឹង​មាន​វេតូ ប្រឆាំង ?

ចំពោះ​ការ​ដាក់​ពង្រាយ​កង​ទ័ពក្នុង​ក្របខ័ណ្ឌ​​អង្គការ​សហប្រជាជាតិ មិន​ថា​ជា​​កងទ័ព​មួកខៀវ​ ឬ​កងកម្លាំង​ទ័ពក្រោម​ការ​គ្រប់គ្រង​របស់​អង្គការ​សហប្រជាជាតិ​ទេ ​សុទ្ធ​តែ​ត្រូវ​ឆ្លង​កាត់​សេចក្តី​សម្រេច​របស់​ក្រុម​ប្រឹក្សាសន្តិសុខ។ ដូច្នេះ​​សហរដ្ឋ​អាមេរិក​​ដែលជា​សម្ព័ន្ធ​មិត្ត​របស់អ៊ីស្រាអែល អាច​​នឹង​ប្រើ​អាវុធ​វេតូ ប្រឆាំង​នឹង​សំណើ​របស់​លោក​អគ្គលេខាធិកា​រ​​អង្គការ​សហប្រជាជាតិ​ដើម្បីការពារ​អ៊ីស្រាអែល។

ឯ​ចំណែក​បេសកកម្ម​សង្កេត​ការណ៍​វិញ អឺរ៉ុប​ធ្លាប់​បាន​បញ្ជូន​បេសកកជន​​របស់​ខ្លួន មួយ​ក្រុម​តូចមួយ​ទៅ ប្រចាំការ​នៅ​ក្នុង​ក្រុងHebron ​នៃ​តំបន់​ស៊ីហ្សកដានី កាលពី​ឆ្នាំ​១៩៩៤។ ប៉ុន្តែ​ចាប់​ពី​ពេល​នោះ​មក អ៊ីស្រាអែល​បាន​ច្រាន​ចោល​ជា​និច្ច​រាល់សេចក្តី អំពាវនាវ ដាក់​​វត្តមាន​អន្តរជាតិ​ នៅ​តាម​តំបន់​រសើបៗ​ រវាង​អ៊ីស្រាអែលនិង​ប៉ាឡេស្ទីន។

ហេតុ​ដូច្នេះ​ហើយ​បាន​ជា​លោក​អគ្គលេខាធិការ​អង្គការ​សហប្រជាជាតិ បាន​ធ្វើ​សេចក្តី​សន្និដ្ឋាន​ ក្នុង​របាយការណ៍ ថា “មធ្យោបា​យ​ដ៏​ប្រសើរ​ជាង​គេ ក្នុង​ការ​ធានា​សន្តិសុខ​និង​ការពារ​ជនស៊ីវិល​ប៉ាឡេស្ទីន គ្មាន​អ្វី​ក្រៅ​ពី​ការ​ចរចា​រក​កិច្ចព្រមព្រៀង​ ទូទៅ ស្មើភាព និង​បិទ​បញ្ចប់​ជម្លោះ​អ៊ីស្រាអែល​-អារ៉ាប (ប៉ាឡេស្ទីន)​ទេ។

សហរដ្ឋ​អាមេរិក​បាន​សន្យា​តាំង​ពី​ជា​ច្រើន​ខែមកហើយ​ថា​នឹង​ស្នើ​ផែនការ​សន្តិភាពឱ្យ​វិបត្តិ​អ៊ីស្រាអែល​-ប៉ាឡេស្ទីន​។ តែ ការ​ចរចាជាមួយ​ប៉ាឡេស្ទីន​​ត្រូវ​បាន​កាត់​ផ្តាច់​​ បន្ទាប់​ពី​លោក​ដូណាល់ ត្រាំ បាន​ប្រកាស​កាលពី​ចុង​ឆ្នាំ​២០១៧ ទទួល​ស្គាល់​ជា​ឯកតោភាគី​ក្រុង​ហ្សេរ៉ុយសាឡិម​ ជា​រដ្ឋ​ធានី​របស់​អ៊ីស្រាអែល៕

កិច្ចសន្យារ៉ាហ្វាល់បារាំង-ឥណ្ឌា ក្លាយ​​ជា​រឿង​អាស្រូវ​នយោបាយ ?

អឺរ៉ុប​ដែល​នៅខ្វែងគំនិត ក្នុង​រឿងអន្តោប្រវេសន៍ ចង់​ផ្តល់សន្ទុះ​ដល់​ការចរចា​Brexit

តើ​លទ្ធផល​នៃ​ជំនួប​រវាង​កូរ៉េ​ទាំងពីរ​អាច​ជួយ​ផ្តល់​សន្ទុះ​កិច្ចចរចា​រវាង​អាមេរិក និង​កូរ៉េខាងជើង​ដែរ​ឬ​ទេ?

លោកដូណាល់ ត្រាំ ដំឡើងពន្ធ​១០ភាគរយ លើ​ពាក់កណ្តាល​នៃ​ទំនិញចិន នាំចូល​អាមេរិក

រដ្ឋមន្ត្រី​ការពារជាតិ​អាមេរិក​ទៅ​ម៉ាសេដ្វាន ដើម្បី​ទប់ស្កាត់​ឥទ្ធិពល​រុស្ស៊ី

ប្រធាន​ក្រុមហ៊ុន​សាំស៊ុង និង​ហ៊ីយុនដាយ នឹង​អមដំណើរ​លោក​មូនចៃអ៊ីន ទៅ​ព្យុងយ៉ាង

សង្គ្រាមពាណិជ្ជកម្ម​ ​តម្រូវ​ឲ្យ​អង្គការ​ពាណិជ្ជកម្ម​ពិភពលោក ត្រូវ​​ធ្វើ​​កំណែទម្រង់

តើ​ក្នុង​លក្ខខណ្ឌ និង​កំហុសឆ្គង​បែប​ណា​ដែល​ជំរុញ​អឺរ៉ុប​ឲ្យ​ប្រើ​មាត្រាទី៧ ដើម្បី​ដាក់​ទណ្ឌកម្ម​លើ​ប្រទេស​សមាជិក?

កិច្ចប្រជុំស្តីពីអាកាសធាតុ ប្រឈម​នឹង​ការ​ខ្វះ​ឆន្ទៈនយោបាយ​និង​ថវិកា

រុស្ស៊ី​បាន​បង្ហាញ​អានុភាព​យោធា​តាម​រយៈ​មហាសមយុទ្ធ​មិន​ធ្លាប់​មាន​ចាប់ពី​ក្រោយ​សង្រ្គាមត្រជាក់

សំណុំរឿងអ៊ុយហ្គួរ៖ អង្គការក្រៅរដ្ឋាភិបាល អំពាវនាវឲ្យ សហគមន៍អន្តរជាតិ មានចាត់ការចិន

បោះឆ្នោត​សភា​នៅ​ស៊ុយអែត៖​ហេតុអ្វី​បាន​ជា​គណបក្ស​ស្តាំនិយមជ្រុល​កំពុង​ឡើង​សម្លេង​ខ្លាំង?

កម្ពុជា​ជា​ប្រទេសកិត្តិយស​ក្នុង​មហោស្រព​ខ្លែង​អន្តរជាតិ

សង្រ្គាម​នៅ​ស៊ីរី៖​ជោគវាសនា​ទីក្រុង​អ៊ីដឡិប​កំពុង​ស្ថិត​លើ​កិច្ចប្រជុំ​ក្នុង​ទីក្រុង​តេហេរ៉ង់ និង​ទីក្រុង​ញូយ៉ក

ឥណ្ឌា៖ តុលាការកំពូល​លុបចោល​ទោស​ព្រហ្មទណ្ឌ លើ​ទំនាក់ទំនង​ផ្លូវភេទ​រវាង​អ្នក​ស្រលាញ់​ភេទ​ដូចគ្នា

ប្រតិភូ​ជាន់ខ្ពស់​កូរ៉េខាងត្បូងទៅព្យុងយ៉ាង​ដើម្បី​ផ្តល់​​សន្ទុះថ្មី​ដល់​កា​រចរចា

បី​ឆ្នាំក្រោយមក កិច្ចព្រមព្រៀង​ស្តីពី​អាកាសធាតុ​មានតែនៅលើ​ក្រដាស

វេទិកា​នៃ​កិច្ចសហប្រតិបត្តិការ​​ចិន​-អាហ្វ្រិក​​ចាប់​បើក​នៅ​ប៉េកាំង

ប្រធានាធិបតីហ្វីលីពីន ឌុយទែរតឺ ​បំពេញ​ទស្សនកិច្ច​លើក​ដំបូង នៅ​អ៊ីស្រាអែល

អាមេរិក​ឈប់​ផ្តល់​ជំនួយ​ដល់​ភ្នាក់ងារ​អ.ស.ប.​សម្រាប់​ជន​ភៀសខ្លួន​ប៉ាឡេស្ទីន