rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

លោក​ដូណាល់ត្រាំ បន្ធូរ​ដៃឲ្យ​ចិន តាម​រយៈ​ការ​ព្យួរ​ការដំឡើងពន្ធ ដល់​ពាក់​កណ្តាល​ខែ​ធ្នូ

ដោយ ម៉ម ពិសី

កាលពីថ្ងៃអង្គារទី​១៣សីហា រដ្ឋាភិបាលអាមេរិក បានសម្រេចព្យួរការដំឡើងពន្ធ លើផលិតផលចិន គិតជាទឹកប្រាក់សុរប ប្រមាណ៣០ម៉ឺនលានដុល្លារ រហូតដល់ពាក់កណ្តាល​ខែធ្នូ។ លោកដូណាល់ ត្រាំ បានអះអាងថា លោកបានសម្រេចដូចនេះ ក៏ដោយសារតែលោក ខ្លាចទំនិញឡើងថ្លៃ ហើយវាបង្កការលំបាក ដល់ប្រជាជនអាមេរិក នៅក្នុងអំឡុងពេលបុណ្យដំណាច់ឆ្នាំ។ គួរកត់សំគាល់ថា​ នេះជាលើកទីមួយហើយ ដែលលោកដូណាល់ ត្រាំ បានសារភាពទទួលស្គាល់ថា ថាដំឡើងពន្ធទៅលើផលិតផលចិន អាចធ្វើឲ្យ​ទំនិញឡើងថ្លៃ ហើយអ្នកដែលលំបាកគឺប្រជាជនអាមេរិក។ តើមានហេតុផលអ្វីខ្លះ ដែលលោកដូណាល់ ត្រាំ បានសម្រេចបន្ធូរដៃឲ្យចិន នាពេលនេះ ?

ព្យួរការដំឡើងពន្ធលើទំនិញចិន ដើម្បីកុំឲ្យទំនិញឡើងថ្លៃក្នុងពេល​​បុណ្យ​ដំណាច់​ឆ្នាំ

ស្ថិតក្នុងបរិបទសង្រ្គាមពាណិជ្ជកម្ម ដែលលោកដូណាល់ ត្រាំ បានបញ្ឆេះធ្វើជាមួយចិន ប្រមាណជាង១ឆ្នាំមកនេះ គឺ​លោករដ្ឋាភិបាលអាមេរិក បានគំរាមដំឡើងពន្ធនាំចូល ទៅលើផលិតផលចិន គិតជាទឹកប្រាក់សុរប៥៥០ពាន់លាន​ដុល្លារប្រចាំឆ្នាំ។ រដ្ឋាភិបាលអាមេរិក បានដំឡើងពន្ធ លើទំនិញចំនួន​២៥០ពាន់លានដុល្លាររួចទៅហើយ។ តាមធម្មតានៅសល់៣០០ពាន់លានដុល្លារទៀត ដែលអត្រាពន្ធដាថ្មី នឹងត្រូវអនុវត្ត នៅថ្ងៃទី​១ខែ​កញ្ញាខាងមុខនេះ។

តែកាលពីថ្ងៃទី១៣សីហា បើផ្អែកតាម​លិខិតប្រកាសមួយរបស់មន្ត្រីទទួលបន្ទុកពាណិជ្ជកម្ម បាន​ឲ្យដឹងថា រដ្ឋមន្ត្រីពាណិជ្ជកម្ម និងអ្នកសម្របសម្រួលការចរចាពាណិជ្ជកម្ម​អាមេរិក បានទូរស័ព្ទនិយាយគ្នា ជាមួយលោករដ្ឋមន្ត្រីពាណិជ្ជកម្មចិន​។ ឆ្លងកាត់ការ​សន្ទនាគ្នានេះ ភាគីអាមេរិក បានប្រកាសថា អត្រាពន្ធដាថ្មីលើទំនិញប្រមាណ​៣០០ពាន់លានដុល្លារនេះ នឹងចូលជាធរមាន នៅថ្ងៃទី​១៥ខែធ្នូ។ ទំនិញដែលពាក់ព័ន្ធ គឺមានភាគច្រើន ជាផលិតអេឡិចត្រូនិកផលិតនៅចិន មានដូចជាទូរស័ព្ទដៃ កុំព្យូទ័រ ឬក៏ឧបករណ៍ក្មេងលេង និងល្បែងហ្គេមអេឡិចត្រូនិក​ជាដើម។

លោកដូណាល់ ត្រាំ​បានប្រាប់ហេតុផលថា លោកសម្រេចផ្អាកការដំឡើងពន្ធនេះ គឺដោយសារលោកមិនចង់ឲ្យប្រជាជនអាមេរិក មានការលំបាក នៅរដូវបុណ្យទានខាងមុខ ព្រោះថា​ទំនិញអាចនឹងឡើងថ្លៃដោយសារតែពន្ធឡើងថ្លៃដែរ។ បើយើងស្តាប់សម្តីលោកដូណាល់ ត្រាំនេះ ហេតុផលគឺថាលោកយល់ពីការលំបាក​របស់ប្រជាជនអាមេរិក ហើយលោកចង់ជួយជីវភាពប្រជាជន។ ចំណែក​ ពាក្យថា គាត់​បន្ធូរដៃ ឲ្យទៅខាងចិន គឺគ្រាន់តែជា​ផលវិបាក​ដោយប្រយោលតែប៉ុណ្ណោះ។

លោកត្រាំ ទទួលស្គាល់ពីផលវិបាកនៃការដំឡើងពន្ធ

គួរកត់សំគាល់ថា នេះជាលើកទីមួយហើយ ដែលលោកដូណាល់ ត្រាំ បាន​សារភាពទទួលស្គាល់ថា សង្រ្គាមពាណិជ្ជកម្មដែលលោកបានធ្វើជាមួយចិន​ អាចប៉ះពាល់ដល់ជី​វភាពរបស់ប្រជាជ​ន​អាមេរិក។ សម្តីលោកដូណាល់ ត្រាំ ដែលថា លោកលើកការដំឡើងពន្ធ ឲ្យដល់ពាក់កណ្តាលខែធ្នូវិញ ដោយខ្លាចក្រែងទំនិញឡើងថ្លៃមុនពេលបុណ្យទាន នាដំណាច់ឆ្នាំ គឺវាមានន័យប្រាកដណាស់ ថាលោកដូណាល់ត្រាំ ទទួលស្គាល់ថា តែកាល​ណា​ពន្ធលើ​ការនាំចូលឡើង នោះតម្លៃទំនិញក៏ឡើងដែរ។ ហើយអ្នកដែលលំបាកគឺប្រជាជន​អាមេរិក។ បើតាមការវិភាគ ការសម្រេចនេះ គឺមានលក្ខណៈនយោបាយ ចង់​ទិញ​ទិកចិត្តប្រជាជនច្រើនជាង។ តាមរយៈការសម្រេចនេះ លោកដូណាល់ ត្រាំ ចង់បង្ហាញថា លោកគិតគូរពីជីវភាព​របស់ប្រជាជនអាមេរិកជាធំ។

តាមពិតទៅ អ្នកជំនាញសេដ្ឋកិច្ចនឹងហិរញ្ញវត្ថុអន្តរជាតិ បានក្រឿនរំលឹកជាច្រើនដងមកហើយ ថាធ្វើសង្រ្គាមពាណិជ្ជកម្ម តាមរយៈការដាក់ពន្ធកប់ពពក ពិន័យគ្នាទៅវិញទៅមក គឺមិនមែនជារឿងល្អសម្រាប់សេដ្ឋកិច្ចទេ។ វាជះឥទ្ធិពលអាក្រក់ណាស់ ដល់សកម្មភាពផលិត​ ដល់ចរន្តនាំចេញនាំចូល និងទៅលើតម្លៃទំនិញចុងក្រោយ នៅលើទីផ្សារ។

ក៏ប៉ុន្តែ លោកដូណាល់ ត្រាំ មិនដែលចាប់អារម្មណ៍ទេ ព្រោះកម្មវត្ថុរបស់លោក គឺធ្វើយ៉ាងណា បំប៉ោងមតិមហាជនអាមេរិក ឲ្យយល់ឃើញថា គាត់កំពុងតែស្រោចស្រង់សេដ្ឋកិច្ចអាមេរិក ការពារសេដ្ឋកិច្ចអាមេរិក តាមរយៈការដាក់ពិន័យ ទៅលើការសម្រុកនាំចូលទំនិញរបស់ចិន។ តែពេលនេះ រដ្ឋាភិបាលអាមេរិក មិនអាចប្រកែក មិនមើលការពិតនៅនឹងមុខទាក់ទិននឹងការឡើងថ្លៃទំនិញបានឡើយ។ ដូច្នេះ ការសម្រេចផ្អាកការដំឡើងពន្ធនេះ វាហាក់ដូចជា​បង្ហាញប្រាប់ទៅភាគីចិន ឲ្យឃើញនូវចំណុចខ្សោយ​របស់អាមេរិក ថាអាមេរិម​មិនចេះតែ​ខ្លាំង ចេះតែ​តម្លើងពន្ធរហូតនោះទេ។ ទីផ្សារអាមេរិក នៅ​មិនទាន់អាចគេចចេញផុត ពីផលិតផលរបស់ចិនបានឡើយ។

ផ្សារហ៊ុន​ មានសន្ទុះល្អ

ជាច្រើនខែ​មកហើយ ដែលទីផ្សារហិរញ្ញវត្ថុអន្តរជាតិ មានស្ថានភាព​លំបាក ដោយសារតែអ្នកវិនិយោគមានការប្រុងប្រយត្ន័ទាក់ទិងនឹងសង្រ្គាមពាណិជ្ជកម្ម​រវាងអាមេរិក និងចិននេះ។ ក្រោយដំណឹង​ផ្អាកការដំឡើងពន្ធ ដល់ពាក់កណ្តាលខែធ្នូនេះ វាបានធ្វើឲ្យទីផ្សារហិរញ្ញវត្ថុ មានសន្ទុះល្អឡើងមួយចំពេច។ នៅ Wallstreet ផ្សារហ៊ុនបានបិទទ្វារជាមួយនឹងអត្រាត​ម្លៃឡើង ១,៤៨%។ ផ្សារហ៊ុននៅអាស៊ី ក៏ឡើងមួយកំរិតដែរ ដូចជានៅហុងកុង ឡើងបាន១,២៦% និងនៅតូក្យូ ឡើងបាន​ 0,៩៨%។ ​ជារការកត់សំគាល់មួយទៀត គឺក្រុមហ៊ុន Apple ដែលផលិតផល ភាគច្រើនផលិតនៅចិននោះ ភាគហ៊ុន​របស់ក្រុមហ៊ុន​នេះ បាន​ឡើងដល់ ៤,៣% ក្រោយដំណឹងផ្អាកការដំឡើងពន្ធ ពីសំណាក់​រដ្ឋាភិបាលអាមេរិក។

តែយ៉ាងណាក៏ដោយ ទាំងអស់នេះ គឺជាស្ថិតនៅក្នុងភាព​រងចាំនៅឡើយ ព្រោះ​ថា​សង្រ្គាម​ពាណិជ្ជកម្ម រវាងអាមេរិក និងចិន នៅ​មិនទាន់ចប់ទេ។ ការចរចារវាងភាគីទាំង២ ក៏មិនទាន់ដឹងថា ពេលណានឹងចាប់ផ្តើមឡើងវិញទេ។ គេគ្រាន់តែដឹងថា នៅរវាង​២សប្តាហ៍ទៀត តំណាងចរចាទាំង២ភាគី នឹងទូរស័ព្ទនិយាយគ្នាម្តងទៀត។​ ចំណែកលោកដូណាល់ ត្រាំវិញ បានគំរាមថាលោកអាចនឹងដកខ្លួនអាមេរិក ចេញពីអង្គការពាណិជ្ជកម្មពិភពលោក។ ជាមួយលោកដូណាល់ ត្រាំ យើងពិបាកស្មានណាស់ ថាតើវា​ជាសម្តីគំរាម​ចោល ឬមួយក៏គាត់អាចធ្វើ​មែន៕

សវនាការសួរចម្លើយសាក្សីជាសាធារណៈលើកទី១ នៅក្នុងដំណើរការដកតំណែងប្រធានាធិបតី

លោកដូណាល់ ត្រាំ ទទួល​ជួប​លោក អ៊ែរដូហ្កាន់ បើ​ទោះបី​មាន​ការ​រិះគន់​និង​រកាំ​រកូស​ខ្លាំង

វេទិកាសន្តិភាព លើកទីពីរ បើកធ្វើនៅប៉ារីស មានអ្នកចូលរួម៦ពាន់នាក់

ប្រធានាធិបតី បូលីវី ប្រកាស​លាលែង​ពីមុខ​តំណែង នៅក្រោយ កងទ័ព​ដោះដៃចោល

៣០ឆ្នាំក្រោយ​ការរលំជញ្ជាំងប៊ែរឡាំង អត្តសញ្ញាណអាល្លឺម៉ង់នៅ​តែ​ប្រេះស្រាំ

ប្រធានាធិបតីបារាំង​វាយតម្លៃ​ថា បក្សសម្ព័ន្ធ​អូតង់​ដូចជា​ស្លាប់

ការផ្សាយពាណិជ្ជកម្ម​​ឃោសនា​​នយោបាយ ជា​បញ្ហា​​ចម្រូង​ចម្រាស​ចំពោះ​ក្រុម​ហ៊ុន​ប្រព័ន្ធ​​ទាក់ទង​សង្គម​

អាមេរិកផ្តើម​នីតិវិធី​​ដកខ្លួនជាផ្លូវការពី ​កិច្ចព្រមព្រៀងស្តីពីអាកាសធាតុ

ថៃ៖អាមេរិកប្រើវេទិកាអាស៊ានវាយប្រហារចិន និងថា អាមេរិកមិនបោះបង់អាស៊ានទេ

ថៃ៖ចិនប្តេជ្ញាបន្តការងារជាមួយអាស៊ានដើម្បីឈានទៅសម្រេចក្រមប្រតិបត្តិស្តីពីសមុទ្រចិនខាងត្បូង

សភាអាមេរិក​​បោះឆ្នោត​លើ​សេចក្តីសម្រេច​បើក​នីតិវិធី​ទម្លាក់​ដូណាល់ ត្រាំ ជាផ្លូវការ

គ.ជ.ប.ហុងកុង​​ច្រាន​ចោល​បេក្ខភាព​ឈរឈ្មោះ​​របស់​សកម្មជន​ប្រជាធិបតេយ្យ Joshua Wong

តើប្រមុខអង្គការរដ្ឋអ៊ីស្លាមឈ្មោះ អាប៊ូ បា អាល់ បាដាឌីពិតជាបានស្លាប់មែន ឬ?

អាមេរិកមានឱនភាពថវិកាធ្ងន់ធ្ងរខ្លាំង​ ដោយសារ​សង្គ្រាម​ពាណិជ្ជកម្ម ?

បូលីវី៖ ប្រធានាធិបតី​ម៉ូរ៉ាល់​ ហៅការ​ប្រឆាំងតវ៉ា​លើលទ្ធផលបោះឆ្នោត​របស់​ក្រុម​អ្នកប្រឆាំង​ថា​ជាទង្វើ​ធ្វើរដ្ឋប្រហារ​

កាណាដា ៖ លោកទ្រុយដូ ជាប់​អាណត្តិ​ថ្មី តែ​គ្មាន​សំឡេង​ភាគច្រើន​នៅ​ក្នុង​សភា

វិបត្តិ​ស៊ីលី​៖ មនុស្ស​យ៉ាងហោច​៧ នាក់​ស្លាប់​ ទោះបី​មាន​ការ​ដាក់​ប្រទេស​ក្នុង​ភាព​អាសន្ន​

ឥណ្ឌូណេស៊ី ៖ លោក​ប្រធានាធិបតី ផ្តើម​អាណត្តិទីពីរ ក្នុង​បរិបទ​នៃ​ភាព​មិន​ទុក​ចិត្ត

សភាអង់គ្លេសបោះឆ្នោតជាប្រវត្តិសាស្ត្រ ដើម្បីសម្រេចព្រមឬមិនព្រមលើកិច្ចព្រមព្រៀង Brexit

Brexit៖សហភាពអឺរ៉ុប និងអង់គ្លេសចាត់ទុកកិច្ចព្រមព្រៀងថ្មីមានយុត្តិធម៌ និងមានតុល្យភាព