rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ទស្សនៈព្រឹត្តិការណ៍ពិភពលោក
rss itunes

ការសម្លាប់​​មេក្រុម​ជីហាត​អង្គការ​រដ្ឋអ៊ីស្លាម ជា​ជោគជ័យ​របស់​លោក​ដូណាល់ ត្រាំ?

ដោយ ម៉ម ពិសី

មេក្រុមជីហាតអង្គការរដ្ឋអ៊ីស្លាម ឈ្មោះ Abou Bakr al-Baghdadi ត្រូវបាន​កងទ័ពអាមេរិក​ សម្លាប់បានសម្រេច នៅក្នុង​ទឹកដីស៊ីរី។ លោក​ប្រធានាធិបតីដូណាល់ ត្រាំ បានចេញមុខប្រកាសដោយផ្ទាល់មាត់ នូវដំណឹងដ៏ល្អនេះ កាលពីថ្ងៃអាទិត្យទី​២៧តុលា នៅតាមកញ្ចក់ទូរទស្សន៍។ តើការសម្លាប់មេក្លោងនៃក្រុមជីហាតអង្គការរដ្ឋអ៊ីស្លាម​នេះ អាចចាត់ទុកថាជាជោគជ័យមួយរបស់លោកដូណាល់ ត្រាំដែរឬទេ? ឬមួយវាជាជោគជ័យនៃការងារ ដែលចាប់ផ្តើមជាយូរមកហើយ របស់ក្រុមស៊ើបការណ៍សំងាត់អាមេរិក ហើយដែលលោកដូណាល់ ត្រាំ យកវាមកភ្ជាប់នឹងខ្លួន ដើម្បីឆក់ឱកាសបានប្រជាប្រិយភាព?

នៅយប់ថ្ងៃសៅរ៍ទី​២៦ តុលា ​មិនទាន់មានដំណឹងជាផ្លូវការផង​ទេ តែលោកដូណាល់ ត្រាំ ដែលទំនងដូចជាអន្ទះអន្ទែង ទប់ចិត្តមិនបាន បានសរសេរលើទំព័រTwitter ថា “មានរឿងដ៏ធំកក្រើកមួយ កំពុងតែកើតមានឡើង”។ នៅថ្ងៃអាទិត្យ ដំណឹងនៃការសម្លាប់មេក្លោង​ជីហាត Abou Bakr al-Baghdadi ត្រូវបាន​លោក​ដូណាល់ ត្រាំ ប្រកាសតាមទូរទស្សន៍ អម​ដោយពាក្យពេចន៍ខ្លឹមសារ យ៉ាងសម្បើមអស្ចារ្យ ជាមួយនឹងឃ្លាដូចជា “ថ្ងៃនេះគឺជាថ្ងៃដ៏សំខាន់សម្រាប់ប្រទេសអាមេរិក” ជាដើម។

មិនត្រឹមតែប្រកាសដំណឹងនេះទេ លោកដូណាល់ ត្រាំ បានទាំងឆ្លៀតនិយាយលំអិត រៀបរាប់ថាគាត់បានតាមដាន​ប្រតិបត្តិការនេះ យ៉ាងជាប់ស្អិត នៅក្នុងបន្ទប់បញ្ជាការដ្ឋានពិសេស ជាមួយនឹងមេទ័ពធំៗរបស់អាមេរិក ប្រៀបបីដូចជានៅក្នុងខ្សែភាពយន្តដូច្នោះដែរ។ លោកដូណាល់ ត្រាំ បាន​និយាយរៀបរាប់លំអិត ពីវិនាទីចុងក្រោយ របស់មេក្លោងជីហាត al-Baghdadi ប្រៀបហាក់បីដូចជាគាត់ ចង់ឲ្យអ្នកស្តាប់ ឃើញហេតុការណ៍ដ៏អស្ចារ្យនេះនៅនឹងភ្នែក ដូចគាត់។ ជារួមភាសានិយាយ និងរបៀបនៃការប្រកាសដំណឹងនេះ បានធ្វើឲ្យគេឃើញនឹងភ្នែក ថាលោកដូណាល់ ត្រាំ ចង់បង្ហាញអំពីលទ្ធផលនៃការងារដ៏ជោគជ័យ ក្រោមការដឹកនាំរបស់គាត់។

ជាការពិត សម្រាប់ស្ថានភាពបច្ចុប្បន្ននេះ យើងដឹងថា លោកដូណាល់ ត្រាំ ត្រូវការណាស់ នូវដំណឹងល្អណាមួយ ដើម្បីយកមកលើកដំកើងកិត្តិយសរបស់គាត់ អួតប្រាប់ទៅប្រជាជនអាមេរិក ព្រោះថាគាត់កំពុងតែស្ថិតក្នុងការលំបាកបំផុត។ ក្រុមគណបក្សប្រជាធិបតេយ្យ បានរួមគ្នាបើកនីតិវិធី ដើម្បីទំលាក់គឆត់​ចេញពីតំណែង។ ថ្វីត្បិតតែនីតិវិធីនេះ នៅមិនទាន់ឆ្លងផុតការបោះឆ្នោតក្នុងសភា​ទាំង២ក៏ដោយ តែវាបានធ្វើឲ្យលោកដូណាល់ត្រាំ ត្រូវស្ថិតក្នុងស្ថានភាព​មួយដ៏លំបាក ខណៈការបោះឆ្នោតអាណត្តិថ្មី​​ កាន់តែខិតជិតមកដល់។ សូម្បីតែមនុស្សក្នុងបក្សសាធារណ​រដ្ឋខ្លះ ក៏បាត់បង់សាមគ្គីភាព​ ជាមួយលោកដូណាល់ ត្រាំដែរ។

ដំណឹងនៃការសម្លាប់មេក្លោងជីហាងអង្គការរដ្ឋអ៊ីស្លាមនេះ មិនខុសពីថ្នាំគ្រាប់វីតាមីនមួយគ្រាប់ សម្រាប់លោកដូណាល់ ត្រាំ ក៏ដូចជារដ្ឋាភិបាលរបស់ខ្លួន។ វាបានជួយលើកកិត្តិយស ដល់កងទ័ពអាមេរិក ក៏ដូចជា​គោលនយោបាយការបរទេសរបស់អាមេរិក នៅឯតំបន់ដើមបូព៌ា។ អ្នកធ្លាប់រិះគន់លោកដូណាល់ ត្រាំខ្លះ អាចប្រហែលជាបែរមកសរសើរលោកវិញក៏ថាបាន។

ក៏ប៉ុន្តែបើយើងពិ​និត្យឲ្យបាន​ស៊ីជំរៅជាងនេះ ការសម្លាប់មេក្លោងក្រុមជីហាតអង្គការរដ្ឋអ៊ីស្លាម វាគឺជាជោគជ័យនៃការងារសហការរបស់កងទ័ពអាមេរិក ជាមួយនឹងក្រុមស៊ើបការណ៍សំងាត់ ព្រមទាំងកងកម្លាំងប្រដាប់អាវុធកួដ។ ក្រុមកួដ បានអះអាងថាខ្លួនគឺជាអ្នកផ្តល់ដំណឹង ដល់កងទ័ពអាមេរិក ស្តីពីទីតាំងលាក់ខ្លួន របស់មេក្លោងជីហាត Abou Bakr al-Baghdadi។

អ្នកវិភាគមួយចំនួន បានលើកឡើងថា លោកដូណាល់ ត្រាំ គ្មានយុទ្ធសាស្ត្រច្បាស់លាស់នោះទេ នៅឯតំបន់ដើមបូព៌ា។ លោកដូណាល់ ត្រាំ បានសម្រេចចិត្តដកទ័ពចេញពីស៊ីរី យ៉ាងតក់ក្រហល់ ដោយបោះបង់ចោលក្រុមប្រដាប់អាវុធកួដ។ លោកដូណាល់ ត្រាំ ថែមទាំងធ្លាប់និយាយរិះគន់ក្តែងក្តែង ថាប្រតិបត្តិការនៅ​ស៊ីរី បំផ្លាញលុយ​របស់អាមេរិក​លុយច្រើនណាស់។ ក៏ប៉ុន្តែ ស្រាប់តែនៅពេល​ ក្រុមស៊ើបការណ៍សំងាត់សហការជាមួយកងកម្លាំងកួដ សម្លាប់មេក្លោងជីហាតបានសម្រេច លោកដូណាល់ ត្រាំ បែរជាលេចមុខមកប្រកាសដំណឹងល្អនេះ យ៉ាងអំនួតទៅវិញ។

រឿងកាន់តែគួរឲ្យចង់សើចទៅទៀតនោះ គឺថាកាលពីកងទ័ពអាមេរិក សម្លាប់អ៊ូសាម៉ា ប៊ីនឡាដេន មេក្លោង​ក្រុម​អាល់កាយដាបានសម្រេច គ្រប់គ្នានាំគ្នាសរសើរលោកអូបាម៉ា ដែលជាប្រធានាធិបតីជំនាន់នោះ។ ប៉ុន្តែលោកដូណាល់ ត្រាំ បាននិយាយថា ឈប់សរសើរលោកអូបាម៉ាទៅ ព្រោះមិនមែនលោកអូបាម៉ា ជាអ្នកធ្វើទេ គឺក្រុមស៊ើបការសម្ងាត់ និងកងទ័ពអាមេរិកឯណោះទេ ដែលត្រូវសរសើរ។ សម្តីជាន់កែង​ឯង ពេលនេះលោកត្រាំ ប្រហែល​ជាមិនប្រកែកទេ បើសិនជា​មានគេសរសើរខ្លួនលោកថា ជាអ្នក​ដឹកនាំ​ប្រតិបត្តិការ សម្លាប់មេក្លោងក្រុម​ជីហាតបានសម្រេចនោះ។

សរសើរខុសមនុស្សវាជារឿងមួយ តែបើសរសើរទាំងខុសរឿងនោះ គឺវាកាន់តែធ្ងន់ធ្ងរ។ មានសំណួរបានចោទសួរថា តើមនុស្សដែលស្លាប់នោះ ពិតជា Abou Bakr al-Baghdadi មេក្លោងក្រុមជីហាតអង្គការរដ្ឋអ៊ីស្លាម ពិតឬក៏យ៉ាងណា? អ្នកជំនាញនៅអឺរ៉ុបខ្លះ បានសំដែងការស្ទាក់ស្ទើក្នុងការជឿទុកចិត្ត នូវដំណឹងដែលក្រុមCIA របស់អាមេរិកបានប្រកាសនេះ។ ជាការកត់សំគាល់ ក្រុមCIA បានប្រកាសច្រើនដងមកហើយ ថាជនឈ្មោះ Abou Bakr al-Baghdadi ត្រូវគេសម្លាប់បាន។ តែទីបំផុតក៏ប្រកាសថាមិនមែនទៅវិញ។ តើលើកនេះ វាជាការពិតប្រាកដមែនឬទេ?

ទោះយ៉ាងនេះក្តី ដំណឹងនៃការស្លាប់របស់មេក្លោងក្រុមជីហាតអង្គាររដ្ឋអ៊ីស្លាមនេះ មិនមែនមានន័យវាគឺជាជោគជ័យទាំងស្រុង ទៅលើក្រុមភេរវកម្មអ៊ីស្លាមជ្រុលនិយមនេះឡើយ។ ក្រុមភេវកម្មដ៏ខ្មៅងងឹតនេះ ពុំមាន​អង្គការចាត់តាំងអំណាចច្បាស់លាស់ទេ។ ផ្ទុយទៅវិញ គឺមនុស្ស​ជឿតាមទ្រឹស្តីមនោគមន៍វិជ្ជាដ៏ព្រៃផ្សៃនេះម្នាក់ៗ នៅតែអាចធ្វើសកម្មភាព​ភេរវកម្ម ឬប្រមូលអូសទាញកម្លាំង បានជានិច្ច ដោយមិនចាំបាច់មានមេក្លោងបញ្ជាឡើយ។ អ្វីដែលត្រូវបន្តធ្វើ គឺការជីកកកាយ​ កំចេទចោលនូវឬសគល់ ដែលនាំឲ្យ​មនុស្ស​មួយចំនួន ​ធ្លាក់អន្លង់ជឿតាមទ្រឹស្តីមនោគមន៍វិជ្ជាអ៊ីស្លាមផ្តាច់ការ របស់ក្រុមជីហាតអង្គការរដ្ឋអ៊ីស្លាម​ ដ៏​ព្រៃផ្សៃនេះ៕

តើកោះគ្រីមេ អាចរបូតពីដៃរុស្ស៊ី ទៅក្នុងដៃអ៊ុយក្រែនវិញឬទេ ?

ក្រិកបង្កើនល្បឿនផ្តល់ "ទិដ្ឋាការមាស" ដល់អ្នកវិនិយោគចិន

ហេតុអ្វីអាមេរិកព្យួរប្រព័ន្ធអនុគ្រោះពន្ធលើការនាំចូលទំនិញថៃ?

អ៊ីស្រាអែល និង ហ្សកដានី អាច​នឹង​ត្រូវ​ប្រឈម​មុខដាក់​​គ្នា​ជាថ្មី​ ?

ហេតុ​អ្វីអ្នករស់នៅទីក្រុងមានកម្រិតទាប​ក្នុងប្រទេសកម្ពុជា?

សន្និសីទពីសេរីភាពប្រព័ន្ធផ្សព្វផ្សាយ ប្រព្រឹត្តជាលើកទី១នៅម៉ូស្គូ

អាល្លឺម៉ង់​ប្រារព្វ​ខួប​៣០ឆ្នាំ​នៃ​ការរលំ​ជញ្ជាំង​ប៊ែរឡាំង ក្នុង​បរិបទ​អាប់អួរ​នយោបាយ

អាស៊ាន៖ តើកិច្ចព្រមព្រៀងពាណិជ្ជកម្មសេរីនឹងទៅជាយ៉ាងណាក្រោយការដកខ្លួនរបស់ឥណ្ឌា?

៤០ឆ្នាំក្រោយ វិបត្តិ​ចំណាប់ខ្មាំង នៅ​បន្ត​បំពុល​ទំនាក់ទំនង​អ៊ីរ៉ង់​-​សហរដ្ឋអាមេរិក

ស៊្វីស៖ តើ​ជនអន្តោប្រវេសន៍ដណ្តើមការងារ ឬ​បង្កើតការងារឱ្យ​ម្ចាស់ស្រុក?

លោក ពូទីន សម្ពោធ រូបសំណាកឧទ្ទិសដល់ វរជនដែលជា គំរូ របស់គាត់

ការប្រែប្រួលអាកាសធាតុ ៖ ជនរងគ្រោះ មាន​ច្រើនជាងការគិតពីមុន ​​ដល់ទៅបីដង

​បញ្ហា​សមុទ្រ​ចិន​ខាង​ត្បូង​និង​កិច្ច​ព្រម​ព្រៀង​ RCEP ជា​សំណុំ​​រឿង​ស្នូលនៅ​កិច្ច​ប្រជុំ​អាស៊ាន

Brexit៖ តើ​អ្វី​ជា​យុទ្ធសាស្ត្រ​បន្ទាប់​របស់​លោកបូរីស​ ចនសុន​ ក្នុង​ករណី​អង់គ្លេស​មិនអាច​ចេញពី​អឺរ៉ុប​តាម​កាលកំណត់​?

ហេតុអ្វី​វិស័យ​ទេសចរណ៍​អាស៊ីអាគ្នេយ៍​ត្រូវក្លាយជា​អ្នករងគ្រោះ​ដោយ​សង្រ្គាមពាណិជ្ជកម្ម​ចិន-អាមេរិក?

ហេតុអ្វី មានផ្ទុះបាតុកម្មខ្លាំងនៅលីបង់ ?

ណូបែលសេដ្ឋកិច្ច​២០១៩៖ តើការលុបបំបាត់ភាពក្រីក្រជារឿងសាមញ្ញ?

ហេតុអ្វីបានជាប៉ាគីស្ថានបានសុំធ្វើជាអ្នកសម្របសម្រួលឲ្យមានកិច្ចសន្ទនារវាងអ៊ីរ៉ង់ និងអារ៉ាប៊ីសាអូឌីត?