អានតួអត្ថបទ
បារាំង-ម៉ាលី

បន្ទាយ​កងទ័ពមួកខៀវ​ និង​កងទ័ព​បារាំង នៅ​តំបន់​Kidalប្រទេស​ម៉ាលី ត្រូវ​ក្រុម​ភេរវកម្ម​វាយ​ប្រហារ

យោងតាមការផ្តល់ដំណឹង ពីកងទ័ពបារាំង បានឲ្យដឹងថា នៅថ្ងៃព្រហស្បតិ៍​ទី២២ មិនា ​បន្ទាយកងទ័ពមួកខៀវ របស់អង្គការសហប្រជាជាតិ និងកងទ័ពបារាំង ប្រចាំនៅតំបន់ គីដាល់ ប្រទេសម៉ាលី  បានរងការវាយប្រហារ ដោយកាំភ្លើងធំជាច្រើនគ្រាប់ ពីសំណាក់ក្រុមភេរវកម្មអ៊ីស្លាម។ យ៉ាងណាមិញ យោងតាម ទំព័រហ្វេសប៊ុក របស់លោកឧត្តមសេនីយ៍  ឈុំ សុជាតិ អ្នកនាំពាក្យក្រសួងការពារជាតិ កម្ពុជា បានឲ្យ​ដឹងថា នៅបន្ទាយ Manusma របស់កងទ័ពមួយខៀវនោះ ក៏មានទាហានកម្ពុជា កំពុងបំពេញបេសកកម្មនៅទីនោះដែរ។ លោកឧត្តមសេនី បានលើកឡើងថា តែជាសំណាងល្អ ពុំមានទាហានកម្ពុជា រងរបួសក្នុងហេតុការណ័នោះទេ។

ទាហានបារាំង ក្នុងប្រតិបត្តិការ Barkhane ឈរជើងនៅតំបន់ Kidal ភាគខាងជើងម៉ាលី ដែល​កំពុ​ង​ត្រូវ​​យាយី​​ ដោយ​ក្រុម​ឧទ្ទាម​ភេរវកម្ម​​អ៊ីស្លាម​។​
ទាហានបារាំង ក្នុងប្រតិបត្តិការ Barkhane ឈរជើងនៅតំបន់ Kidal ភាគខាងជើងម៉ាលី ដែល​កំពុ​ង​ត្រូវ​​យាយី​​ ដោយ​ក្រុម​ឧទ្ទាម​ភេរវកម្ម​​អ៊ីស្លាម​។​ STRINGER / AFP
ផ្សាយពាណិជ្ជកម្ម

ដោយឡែក បើតាមប្រសាសន៍ របស់លោក វរសេនីយ៍ Patrick Steiger ជាអ្នកនាំពាក្យអគ្គបញ្ជាការកងទ័ពបារាំង បានឲ្យដឹងថា មានទាហានបារាំង របួសចំនួន៥នាក់ ព្រមទាំងមានខូចខាតបន្ទាយ និងសម្ភារៈ មួយចំនួនធំ។ កងទាហានបារាំង និងកងទ័ពមួកខៀវ បានចាប់ឃាត់ខ្លួន មនុស្ស៤នាក់ ដែលគេសង្ស័យថា ជាភេរវជន ចូលរួមធ្វើការវាយប្រហារនេះ។

ព្រឹត្តិបត្រ​ព័ត៌មានព្រឹត្តិបត្រ​ព័ត៌មាន​ប្រចាំថ្ងៃ​នឹង​អាច​ឲ្យ​លោក​អ្នក​ទទួល​បាន​នូវ​ព័ត៌មាន​សំខាន់ៗ​ប្រចាំថ្ងៃ​ក្នុង​អ៊ីមែល​របស់​លោក​អ្នក​ផ្ទាល់៖

តាមដានព័ត៌មានកម្ពុជានិងអន្តរជាតិដោយទាញយកកម្មវិធីទូរស័ព្ទដៃ RFI

ចែករំលែក :
រកមិនឃើញអត្ថបទដែលស្វែងរកទេ

មិនមាន​អត្ថបទ​ដែលអ្នកព្យាយាមចូលមើលទេ