បន្ទាយកងទ័ពមួកខៀវ និងកងទ័ពបារាំង នៅតំបន់Kidalប្រទេសម៉ាលី ត្រូវក្រុមភេរវកម្មវាយប្រហារ
យោងតាមការផ្តល់ដំណឹង ពីកងទ័ពបារាំង បានឲ្យដឹងថា នៅថ្ងៃព្រហស្បតិ៍ទី២២ មិនា បន្ទាយកងទ័ពមួកខៀវ របស់អង្គការសហប្រជាជាតិ និងកងទ័ពបារាំង ប្រចាំនៅតំបន់ គីដាល់ ប្រទេសម៉ាលី បានរងការវាយប្រហារ ដោយកាំភ្លើងធំជាច្រើនគ្រាប់ ពីសំណាក់ក្រុមភេរវកម្មអ៊ីស្លាម។ យ៉ាងណាមិញ យោងតាម ទំព័រហ្វេសប៊ុក របស់លោកឧត្តមសេនីយ៍ ឈុំ សុជាតិ អ្នកនាំពាក្យក្រសួងការពារជាតិ កម្ពុជា បានឲ្យដឹងថា នៅបន្ទាយ Manusma របស់កងទ័ពមួយខៀវនោះ ក៏មានទាហានកម្ពុជា កំពុងបំពេញបេសកកម្មនៅទីនោះដែរ។ លោកឧត្តមសេនី បានលើកឡើងថា តែជាសំណាងល្អ ពុំមានទាហានកម្ពុជា រងរបួសក្នុងហេតុការណ័នោះទេ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:០៥
ដោយឡែក បើតាមប្រសាសន៍ របស់លោក វរសេនីយ៍ Patrick Steiger ជាអ្នកនាំពាក្យអគ្គបញ្ជាការកងទ័ពបារាំង បានឲ្យដឹងថា មានទាហានបារាំង របួសចំនួន៥នាក់ ព្រមទាំងមានខូចខាតបន្ទាយ និងសម្ភារៈ មួយចំនួនធំ។ កងទាហានបារាំង និងកងទ័ពមួកខៀវ បានចាប់ឃាត់ខ្លួន មនុស្ស៤នាក់ ដែលគេសង្ស័យថា ជាភេរវជន ចូលរួមធ្វើការវាយប្រហារនេះ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ