rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

NASA និង SpaceX បាញ់បញ្ជូន​យាន​ Dragon ដោយ​ជោគជ័យ​ទៅកាន់​ស្ថានីយ​អវកាស​អន្តរជាតិ​

ដោយ អ៊ុង គឹមអ៊ាន់

នៅថ្ងៃសៅរ៍ ទី២ មីនានេះ ក្រុមហ៊ុន NASA និង SpaceX បានបាញ់បញ្ជូនយានអវកាសថ្មីឈ្មោះ Dragon ទៅកាន់ស្ថានីយអវកាសអន្តរជាតិ ISS ប្រកបដោយភាពជោគជ័យ។ យាន Dragon នឹងបំពេញបេសកកម្មរបស់ខ្លួន រយៈពេលមួយសប្តាហ៍ ដើម្បីសិក្សាពីលក្ខណៈទូទៅនៅក្នុងអវកាស ហើយបេសកកម្មលើកនេះ គឺជាប្រតិបត្តិការដ៏សំខាន់បំផុតមួយរបស់ក្រុមហ៊ុនអវកាសរបស់អាមេរិក បន្ទាប់ពីផ្អាកដំណើរការអស់រយៈពេលប្រមាណជា ៨ ឆ្នាំ កន្លងមកហើយ។

ការ​បាញ់បង្ហោះ​យាន​ Dragon ដោយ​ជោគជ័យ​ គឺជា​មោទនភាព​មួយ​របស់​អាមេរិក​

ការ​បាញ់​បញ្ជូន​យាន​ Dragonដោយ​ជោគជ័យ​អាច​ចាត់ទុកថា​ជា​ព្រឹត្តិការណ៍​ដ៏គួរ​ឲ្យ​ចងចាំ​មួយ​នៅក្នុង​ប្រវត្តិសាស្ត្រ​របស់​សហរដ្ឋអាមេរិក​ក្នុង​សម័យកាល​ប្រកួតប្រជែង​ដែនអំណាច​នៅ​អវកាស​។

បើតាម​លោក Bob Cabana អតីត​អវកាសយានិក​ម្នាក់​នៅឯ​មជ្ឈមណ្ឌល​អវកាស​ Kennedy​ ការបញ្ជូន​យាន​ទៅកាន់​ស្ថានីយ​អវកាស​របស់​ NASA និង ក្រុមហ៊ុនSpaceX​ គឺជា​ជោគជ័យ​គួរ​ជាទីមោទនៈមួយ​ដំបូងគេបង្អស់​បន្ទាប់ពី​ក្រុមហ៊ុន​ផ្អាក​ប្រតិបត្តិការ​នេះ​រយៈពេល​ ៨ ឆ្នាំ​ហើយ​ ដោយសារ​តែបញ្ហា​បច្ចេកទេស​មួយចំនួន​ និង​លក្ខខណ្ឌ​នៃ​សុវត្ថិភាព​។

គួររំឭកជូនថា​ កាលពី​ពេលកន្លងទៅ​ក្រុមហ៊ុន​អវកាស​អាមេរិក​មិនមាន​សមត្ថភាព​ផលិត​ កាំជ្រួច​ដោយ​ខ្លួនឯង​បាននោះទេ​ហើយ​ដើម្បី​បញ្ជូន​យានអវកាស​ទៅកាន់​ស្ថានីយ​អវកាស​អន្តរជាតិបាន​ អាមេរិក​ត្រូវការ​ចំណាយលុយ​រាប់លាន​ដុល្លារ​ជួល​កាំជ្រួច​ពី​ប្រទេស​រុស្ស៊ី​។

នៅថ្ងៃ​សៅរ៍​ ទី២​ ខែមីនា​នេះ​ ក្រុមហ៊ុន​អវកាស​អាមេរិក​ បាន​បញ្ជូន​យាន​ Dragon ដោយប្រើកាំជ្រួច​ផលិត​ឡើង​ដោយខ្លួនឯង​ ពោលគឺ​ផលិតដោយ​ក្រុមហ៊ុន​SpaceX ​ប្រកបដោយ​ភាពជោគជ័យ​។ នេះហើយ​ដែលជា​មូលហេតុ​នាំ​ឲ្យគេ​ចាត់ទុកថា​វា​ជា​ជោគជ័យ​ និង​ជា​មោទនភាព​ជាតិ​ដ៏​ធំ​បំផុតមួយ​របស់​សហរដ្ឋអាមេរិក​។ មួយវិញទៀត​ ចាប់ពីពេលនេះតទៅ​អាមេរិក​មិន​ចាំបាច់​ត្រូវការ​ចំណាយ​ថវិកា​ដ៏ច្រើន​សន្ធឹកសន្ធាប់​ដើម្បី​ជួល​កាំជ្រួច​ពី​ប្រទេសរុស្ស៊ី​ទៀត​នោះទេ​។

គោលបំណង​នៃ​ការ​បញ្ជូនយាន​ Dragon របស់​ក្រុមហ៊ុន​អវកាស​របស់​អាមេរិក​

បេសកកម្ម​របស់​យាន​ Dragon ទៅកាន់​ស្ថានីយ​អវកាស​អន្តរជាតិ​មាន​រយៈពេល​មួយ​សប្តាហ៍​។ យាន​ Dragon​ ត្រូវបាន​បាញ់បង្ហោះចេញពី​មជ្ឈមណ្ឌល​អវកាស​ Kennedy​ ក្នុង​រដ្ឋ ​Florida​ នៅ​វេលា​ព្រឹក​ព្រលឹម​ថ្ងៃសៅរ៍ទី២ មីនា​នេះ​ ពោលគឺ​នៅ​វេលា​ម៉ោង​ ២ និង ៤៩ វិនាទី​ព្រឹក​ ម៉ោង​នៅ​សហរដ្ឋអាមេរិក​។

គេ​រំពឹង​ថា​យាន​ Dragon របស់​អាមេរិក​នឹង​ហោះ​ទៅដល់​ស្ថានីយ​អវកាស​អន្តរជាតិ​ISS​ នៅថ្ងៃ​អាទិត្យទី៣ មីនា​ និង​ហោះ​ត្រលប់​មកដល់​ផែនដី​យើងវិញ​នៅថ្ងៃសុក្រ​សប្តាហ៍​ក្រោយនេះ​។

គួរជ្រាបដែរថា​ នៅក្នុងយាន​ Dragon​ គេ​ក៏មាន​ដាក់ទៅ​ជាមួយ​ផងដែរ​នូវ​មនុស្ស​ម៉ាណាកាំង​ចំនួនមួយ​ដោយ​មាន​បំពាក់​ដោយ​ឧបករណ៍​ដើម្បី​អាច​ឲ្យ​គេ​សិក្សាពី​លក្ខខណ្ឌ​ទូទៅ​ដូចជា​លក្ខខណ្ឌ​នៃជីវិត និង​បរិយាកាស​នៅលើ​អវកាស​បាន​។

ក្នុង​ករណី​ដែល​គេ​ស្រាវជ្រាវ​ឃើញ​ថា​លក្ខខណ្ឌ​នៅទីនោះ​មានអំណោយផល​ល្អ​ ហើយ​ប្រសិនណាបើ​ប្រតិបត្តិការ​សាកល្បង​លើកនេះ​មានដំណើរការ​រលូន​រហូតដល់​ទីបញ្ចប់នោះ​ ក្រុមហ៊ុន​ NASA និង SpaceX នឹង​រៀបចំ​គម្រោង​បញ្ជូន​អវកាសយានិក​ពីរនាក់​របស់​ខ្លួនឲ្យទៅ​សិក្សា​ស្រាវជ្រាវ​លម្អិត​អំពី​ស្ថានភាព​នៅ​អវកាស​នាចុងឆ្នាំ​២០១៩​នេះ​។

មូលហេតុ​នៅពីក្រោយ​ការស្រាវជ្រាវ​អំពីលក្ខខណ្ឌនៃជីវិត​ និង​បរិយាកាស​នៅអវកាស​ របស់​ក្រុមហ៊ុន NASA និង SpaceX

ការខិតខំ​ស្រាវជ្រាវ​អំពី​ស្ថានភាព​នៅក្នុង​លំហអាកាស​ក៏ដូចជា​លក្ខខណ្ឌនៃជីវិត​ និង​បរិយាកាស​របស់ក្រុមហ៊ុន NASA និង SpaceX នាខណៈនេះ​ គឺ​អាច​ដោយសារ​តែហេតុផល​នៃការ​ចង់​ធ្វើជំនួញ​ថ្មី​។

មាន​ព័ត៌មាន​លេចឮ​ថា​ ប្រសិនណាបើ​ការធ្វើ​តេស្ត​សាកល្បង​ទទួលបាន​លទ្ធផលល្អ​ ហើយ​លក្ខខណ្ឌ​អំណោយផល​គ្រប់គ្រាន់​សម្រាប់​សុវត្ថិភាព​របស់​មនុស្ស​ពេលទៅដល់​អវកាស​ នោះ​ NASA និង SpaceX នឹងចាប់ផ្តើម​ដំណើរការ​មុខជំនួញ​ទេសចរណ៍​ទៅកាន់​អវកាស​ នា​ពេលអនាគត​ខាងមុខនេះ​។

ជាក់ស្តែង​ នៅពេលថ្មីៗ​កន្លងមកនេះ​ អ្នកជំនាញ​របស់​ក្រុមហ៊ុន​ SpaceX​ ក៏​ធ្លាប់​បាននិយាយ​ដែរថា​គោលដៅ​របស់​ក្រុមហ៊ុន​គឺការ​ហោះហើរ​ ឬ​ធ្វើដំណើរ​របស់​មនុស្ស​ទៅកាន់​អវកាស​។ លោក​បាន​បន្ថែមទៀតថា​ ការនាំ​អ្នកទេសចរណ៍​ទៅលេង​នៅ​អវកាស​ គឺជា​គោលបំណងស្នូល​មួយ​នៃ​ការ​ធ្វើ​ជំនួញ​របស់​ SpaceX​៕

លោកស៊ី ជីនពីង ទៅទស្សនកិច្ចនៅព្យុងយ៉ាង ប្រជ្រៀតខ្លួននៅចន្លោះ​កូរ៉េខាងជើង និងអាមេរិក

UNHCR៖មានចំនួនជនភៀសខ្លួន ជនបម្លាស់ទី និងជនសុំសិទ្ធិជ្រកកោនសរុបជាង ៧០លាននាក់លើលោក​ក្នុងឆ្នាំ ២០១៨

អាមេរិក​បង្ហាញ​ភស្តុតាង​បន្ថែម​ចោទ​អ៊ីរ៉ង់ និង​បញ្ជូន​ទាហាន​បន្ថែម​១០០០​នាក់

ចំនួន​អាវុធ​នុយក្លេអ៊ែរ​លើ​ពិភពលោក​ថយចុះ ប៉ុន្តែ​​កាន់​តែ​​ទំនើប​​​ខ្លាំង​

ហេតុអ្វី ប្រមុខ​ដឹកនាំ​ហុងកុង ផ្អាក​សេចក្តីព្រាងច្បាប់​ធ្វើ​បត្យាប័ន​ទៅប្រទេស​ចិន នៅពេលនេះ?

អ៊ីរ៉ង់​ច្រាន​ចោល​ការ​ចោទ​ប្រកាន់​របស់​អាមេរិក​ដែលថា​អ៊ីរ៉ង់​​នៅ​ពី​ក្រោយ​ការវាយប្រហារ​កប៉ាល់​ដឹកប្រេង

អាមេរិកនឹងបញ្ជូនទ័ពបន្ថែមនៅកាន់ប៉ូឡូញ តែបន្តពិចារណារឿងបង្កើតមូលដ្ឋានទ័ព

ហុងកុង៖ មហាបាតុកម្ម ​បានបង្ខំ​ឲ្យ​សភា​ហុងកុង​ លើកការ​ប្រជុំ​ពិភាក្សា ​លើ​ច្បាប់​បត្យាប័ន

បរិស្ថាន៖ចាប់ពីឆ្នាំ ២០២១ កាណាដាហាមការប្រើរបស់របរប្លាស្ទិកណាដែលប្រើតែម្តងរួចបោះចោល

អង្គការ​ពលកម្ម​អន្តរជាតិ​បើក​សន្និសីទ​ដែល​និយាយ​ពី អនាគត​របស់​ការងារ នៅ១០០​ឆ្នាំខាងមុខ

លោកស្រី​មេ​ បញ្ចប់​តួនាទី​ជា​មេបក្ស​កាន់អំណាច​អង់គ្លេស​នៅថ្ងៃ​ទី៧​ មិថុនា​នេះ​

ថៃ៖​នាយករដ្ឋមន្រ្តី​ថ្មីប្រហែល​ជាចៀសមិនផុត​ពី​កណ្តាប់​កងទ័ព​ដែលដឹកនាំ​ដោយលោក​ប្រាយុទ្ធ ចាន់អូចា

លោកដូណាល់ ត្រាំ ទៅ​ទស្សនកិច្ច​នៅ​អង់គ្លេស បើ​ទោះបី​ម្ចាស់​ផ្ទះ​ខ្លះ​ មិន​ពេញចិត្ត

ចិន​បង្ហាញ​សៀវភៅ ស ដើម្បី​បញ្ជាក់ជំហរ​មុតមាំ​របស់ខ្លួន ក្នុង​សង្រ្គាម​ពាណិជ្ជកម្ម​ជាមួយ​អាមេរិក

ឥណ្ឌា៖ លោកម៉ូឌី​ផ្តើម​​អាណត្តិថ្មី ជាមួយ​នឹង​ការ​បាត់បង់​នូវប្រព័ន្ធអនុគ្រោះពន្ធ​របស់អាមេរិក

លោកដូណាល់ ត្រាំ​គំរាមដំឡើង​ពន្ធ បើសិន​ម៉ិចស៊ិក​មិន​ជួយ​ទប់ស្កាត់​លំហូរ​ជនអន្តោប្រវេសន៍

អ៊ីស្រាអែល៖ហេតុអ្វីបានជាលោកនេតាន់យ៉ាហ៊ូបរាជ័យក្នុងការបង្កើតរដ្ឋាភិបាលចម្រុះថ្មី?

លោហៈកម្រ អាច​ក្លាយ​ជា​អាវុធ​របស់ចិន ក្នុង​ការ​ធ្វើបាប​បច្ចេកវិទ្យា​អាមេរិក?

មុននឹងចាកចេញពីទឹកដីជប៉ុន លោកត្រាំបញ្ជាក់ពីអានុភាពយោធាអាមេរិកដែលគ្មានគូប្រៀបនៅតំបន់ប៉ាស៊ីហ្វិក

តើសភាអឺរ៉ុប​ថ្មី​នឹង​មានមុខ​មាត់​​យ៉ាង​ដូចម្តេច ?