rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

ក្រោម​សម្ពាធ​​​មតិ​​សាធារណជន​​ ​លោក​ដូណាល់ ត្រាំ បន្ទន់​ជំហរ​ទាក់ទង​នឹង​ការ​គ្រប់គ្រង​អាវុធ​​​

ដោយ ព្រំ សឿន សូលីណា

ហេតុការណ៍​បាញ់​ប្រហារ​នៅ​សាលារៀន​​រដ្ឋ ​Florida កាលពី​ថ្ងៃ​១៤កុម្ភៈ ធ្វើអោយ​ប្រជាជន​អាមេរិក​រិះគន់​ជាបន្តបន្ទាប់។ ​​ថ្ងៃពុធ​នេះ ​សិស្ស​សាលា​​​រងគ្រោះ​​រដ្ឋ ​Florida ​នឹង​​​ជួប​តំណាងរាស្ត្រ​ ​​ដើម្បីបរិហារ​ពី​​ភាព​អសកម្ម​របស់​​ថ្នាក់ដឹកនាំ​នយោបាយ ​ប្រឈម​នឹង​ការបាញ់​ប្រហារ​ផ្សេងៗនៅតាមសាលារៀន ​​ក្នុង​ប្រទេស។ ​សម្ពាធ​ទាំងអស់នេះ ធ្វើអោយ​​​​​លោក​ដូណាល់ ត្រាំ ​​​ ប្តូរ​ជំហរ​មកវិញ ទាក់ទង​ការ​រឹតបន្តឹង​ការ​ប្រើប្រាស់អាវុធ​។ ​

ថ្ងៃអង្គារ​ម្សិលមិញ លោក​ត្រាំ​ប្រាប់ថា ​​​លោក​បាន​ស្នើ​ទៅ​​ក្រសួង​យុត្តិធម៌​អោយ​​ហាមឃាត់​ការ ប្រើប្រាស់​​​ស្នូកកាំភ្លើង​ ​Bump Stock ​។ ​​ថ្ងៃពុធ​នេះ ប្រធានាធិបតី​អាមេរិក​​​​ទទួល​ជួប​និស្សិត​ គ្រូបង្រៀន និងតំណាងកងកម្លាំង​ក្នុងស្រុក។

ប្រធានាធិបតី​អាមេរិក ចង់ហាមឃាត់​​​​ស្នូក​កាំភ្លើង​ ​Bump Stock

​Bump Stock ជា​ស្នូកកាំភ្លើងវែង​ ​ដែល​​គេ​អាចដោះចេញ​បាន ហើយ​ប្រើ​ទៅ ធ្វើអោយ​កាំភ្លើង​វែង​បាញ់​រះ​បាន​លឿន​ស្ទើរ​តែ​ស្វ័យប្រវត្ត​ទៅហើយ។ បើតាម​ដឹង ​ឧបករណ៍​Bump Stock ​​​អាច​​ជួយ​អោយ​គេ​​​​បាញ់​បាន​ជាង​៥០០គ្រាប់ ​ក្នុង​មួយនាទី​ឯណោះ គឺ​រហ័ស​ណាស់។ ក្នុង​ការ​បាញ់ប្រហារ​នៅLas Vegas ដែល​បាន​សម្លាប់​មនុស្ស​៥៨នាក់ ក្នុង​ខែ​តុលា​ឆ្នាំ​មុននេះ ​ឃាតករ​ក៏បាន​ប្រើ​ស្នូកកាំភ្លើង​នេះដែរ ហើយ​​គឺបាញ់​រះ​បាន​ដល់ទៅ​៩គ្រាប់ ក្នុង​មួយ​វិនាទី។ ​​

ការ​​បាញ់ប្រហារ​នៅ​សាលារៀន ក្នុង​រដ្ឋ​Florida ១​សប្តាហ៍​មុននេះ ធ្វើអោយ​គេ​រិះគន់​ជាខ្លាំង ​ពី​ភាពធូររលុង ​ក្នុង​ការ​ប្រើប្រាស់​អាវុធ​។ ដំបូង ​លោក​ដូណាល់ ត្រាំ ខំ​បន្ទោស​ FBI ដែរ ដើម្បី​ធ្វើជា​ខែល​កុំអោយ​គេ​រិះគន់​រដ្ឋាភិបាល​ ​​​ដែល​គាំទ្រ​ការ​ប្រើប្រាស់​អាវុធ​ក្នុងស្រុក​។ តែ​​​មាន​ទៅ​ទប់ជាប់​ឯណា ​មាន​មនុស្ស​​ស្លាប់​ ដល់ទៅ​១៧នាក់ ក្នុង​សាលា រឿងអី​ដែល​ប្រជាជន​នៅស្ងៀម រឿងអី​ដែល​សិស្សសាលានៅ​Packland ​រដ្ឋ​​Floridaមួយនោះ​នៅស្ងៀម។ ពួកគេ​​ត្រូវតែ​ធ្វើគ្រប់យ៉ាង ដើម្បី​ដាក់​សម្ពាធ កុំអោយ​ហេតុការណ៍​បាញ់ប្រហារ​មិនថា​តែ​នៅ សាលារៀន ទេ នៅ​ទីណា​ក៏ដោយចុះ ត្រូវតែ​លែង​កើតឡើង​ក្នុងស្រុងអាមេរិ​ក​ទៀត។ ​ក្រុម​សិស្សសាលា​​Parkland នឹង​រៀបចំ​ក្បួនដង្ហែ​​មួយ នៅ​ខែមិនា​ខាងមុខ​នេះ។ ​​​ តារាល្បីៗ​អាមេរិក​ ​ជាច្រើននាក់ មាន​​​ដូចជា​លោក​ចច ក្លូនណី ជាដើម បាន​គាំទ្រផ្តល់​ជាថវិកា​​សន្ធឹកសន្ធាប់ ដល់​​ចលនា​​សិស្សសាលាទាំងនេះ គិតទៅ​ចលនា​សិស្សសាលា​នេះ ​​ទទួលថវិកា​បាន​ខ្ទង់​លាន​ដុល្លារ​ដែរ​។ ​

សម្ពាធ​ទាំងអស់​នេះ ធ្វើអោយ​​​លោក​ដូណាល់ ត្រាំ ព្រម​ប្តូរជំហរបន្តិច​វិញ។ លោកត្រាំ​គាំទ្រ​ជាថ្មី​ទៀត ​អោយ​ពង្រឹង​ការគ្រប់គ្រង​អាវុធ អោយ​លែងប្រើ​ស្នូកកាំភ្លើង Bump Stock អោយ​ពង្រឹង​ការត្រួតពិនិត្យ​​ប្រវត្តិ​អ្នកចង់​ទិញ​អាវុធ​យកទៅប្រើ។ សេតវិមាន​ក៏​ប្រាប់ដែរ​ថា បើកចំហ​ការជជែក​ដេញដោល​ពី​អាយុ​អ្នកទិញ​កាំភ្លើង​ដែរ គឺថា តើ​ចាប់ពី​អាយុ​ប៉ុន្មាន​ទៅទើប​អាច​ទិញ​បាន។

គួរបញ្ជាក់ដែរថា កាលពី​មុន ​បក្ស​សាធារណរដ្ឋ​ មានទាំង​សមាគម​ដែល​គាំទ្រសិទ្ធិ​កាន់​អាវុធ ​ក៏​ធ្លាប់​ចង់​អោយត្រួតពិនិត្យអោយ​ច្រើនជាងមុន ​​ពី​ស្នូក​​កាំភ្លើង​ Bump Stock​នេះដែរ តែ​សភា​ដូចជា​មិនបានធ្វើការ​អ្វីសោះ​ កន្លងមក។

ការ​រឹតបន្តឹង​ការគ្រប់គ្រង​អាវុធ ​ដើម្បី​អនុវត្ត​តាម​បំណង​លោក​ដូណាល់ ត្រាំ អាច​នៅ​មាន​កម្រិត​​

គេ​មិនដឹងថា តើ​ការ​រឹត​បន្តឹង​​ការ​គ្រប់គ្រង​អាវុធ ដើម្បី​អនុវត្ត​​តាម​បំណងប្រធានាធិបតី​អាមេរិក អាច​ធ្វើបាន​កម្រិត​កម្រិត​ណា​​ទេ។ ​​ការ​​ប្រើប្រាស់​​អាវុធ ​​ជា​ប្រធានបទ​ក្តៅ​គគុក​ក្នុងស្រុក​អាមេរិក។ ទំរាំ​លោក​ដូណាល់ ត្រាំ ​បន្ទន់​ជំហរ​បាន​បន្តិច​ប៉ុណ្ណេះ គឺ​ទាល់តែ​មាន​សម្ពាធ​ខ្លាំងក្លាណាស់​ពី​ប្រជាជន​ក្នុងស្រុក។ ​ហើយ​ទាល់តែ​មាន​ការបាញ់ប្រហារ​កើតឡើង ស្លាប់​មនុស្ស​២ ទៅ​៣ដង ដែរ​ ​ទើប​អាច​រុញ​លោក​ត្រាំ​បានខ្លះ។ ​

លោកត្រាំ ប្តូរជំហរ​តែ​ម្នាក់​ឯង មិនទាន់អាច​គ្រប់គ្រាន់ទេ។ ថ្នាក់ដឹកនាំ​បក្ស​កាន់អំណាច​គ្រប់រូប គឺបក្ស​សាធារណរដ្ឋ​ហ្នឹងតែម្តង ​ត្រូវតែ​ព្រម​ដូចគ្នាដែរ ព្រោះ​ថា ​មើលទៅពួកគេ​​ដូច​ជារឹងរូស​​មិនចង់​ប្តូរជំហរ​សោះ នៅតែ​ចង់​ការពារ​សិទ្ធិអ្នកប្រើអាវុធ ការពារ​ការលក់​អាវុធ ​​ក្នុងស្រុក​ដដែល​ហ្នឹង។ ជាក់ស្តែង ​នៅ​រដ្ឋ​ផ្លរីដា ដែល​មា​នការបាញ់​សម្លាប់​នេះ គេ​ទើប​នឹង​បោះឆ្នោត​ទាត់ចោល​ការ​ពង្រឹង​ច្បាប់​​ទាក់ទង​​​អាវុធ​ប៉ុណ្ណោះ។ គឺ​មិនព្រម​ហាម​ការលក់​កាភ្លើង​វែង​ ពាក់កណ្តាល​ស្វ័យប្រវត្ត ប្រភេទ AR-15 ទេ ​ទាំងដឹងថា AR-15 នេះ ត្រូវបាន​ខ្មាន់កាំភ្លើង​​ ​​ប្រើ​ក្នុង​ការ​សម្លាប់​មនុស្ស​ ក្នុង​ប្រទេស​ច្រើនដង​​ហើយ។ ប្រជាជន​អាមេរិក​យល់ថា ថ្នាក់ដឹកនាំ​​​​មិនបាន​ធ្វើអ្វី​​គ្រប់គ្រាន់ទេ ប្រឈម​នឹង​ហេតុការណ៍​បាញ់​ប្រហារ​ក្នុងស្រុក។ ​

បញ្ហា​មួយទៀត គឺ​ត្រង់ថា ការកាន់អាវុធ​​ វា​ដូចជា​ប្រពៃណី ជារឿង​ធម្មតា​​នៅ​សហរដ្ឋ​អាមេរិក​ទៅហើយ។ ការលក់ដូរ​អាវុធនៅ​អាមេរិក ​​ដូច​ជាការលក់ដូរ​ទំនិញ​ផ្សេងៗ​ដែរ គឺថា មាន​រហូត​​​លក់​បញ្ចុះ​តម្លៃ​ទៀតផង។ បែបយ៉ាងកន្លងមក ​​​​មាន​ការ​លក់បញ្ចុះ​តម្លៃ​ស្នូកកាំភ្លើង​​ Bump Stock ដែល​លោកត្រាំ​ចង់​ហាមឃាត់​ជាដើម។ ការប្រើប្រាស់អាវុធ ​បាន​​​ក្លាយជា​ទំលាប់​ប្រពៃណី​ហើយ គឺពិបាក​ប្តូរ​ណាស់ ទាល់តែ​គ្រប់គ្នា​ហ្នឹង ​​តាំងចិត្ត​អោយ​មែនទែន​ ថា​ត្រូវ​កែប្រែ​ទំលាប់​នេះ​បន្តិចម្តងៗ​ បើ​​ចង់​បន្ថយ​ហិង្សា​ក្នុងស្រុក។ ​ក្នុង​ហេតុការណ៍​​​​​បាញ់សិស្ស​សាលា ​​នៅ​ផ្លរីដា ឃាតករ​នីកូឡា គ្រូស​នោះ ដូចជា​មានសតិ​មិនសូវគ្រប់។ ​FBI ទៀតសោត ​​ក៏ធ្វើការ​មិនហ្មត់ចត់ មិន​បាន​តាមដាន​​ការ​បញ្ជូន​សញ្ញាអាសន្ន​អោយ​ដិតដល់​ពីដំបូង។ ដូច្នេះ ​បើ​មាន​មនុស្ស​ណា​ម្នាក់ បាក់ខូច​ចិត្ត ទៅជា​​បាត់បង់សតិ ហើយ​ចង់ទិញ​កាំភ្លើង​មកបាញ់គេឯង ​ដូច​​ក្នុង​ហេតុការណ៍នេះដែរ​ គឺ​ងាយស្រួលណាស់៕ ​ ​

សង្រ្គាមអាវកាស៖​បារាំង​កំពុង​ពង្រឹង​សមត្ថភាព​ដើម្បី​ប្រជែង​ទល់​នឹង​សហរដ្ឋអាមេរិក ចិន និង​រស្ស៊ី

អូស្ត្រាលី​ប្រកាស​ទទួល​ស្គាល់ ហ្ស៊េរុយសាឡិម​ខាង​លិច​ជា​រដ្ឋធានី​របស់​អ៊ីស្រាអែល

ដល់​ថ្ងៃ​បិទ​បញ្ចប់​ សន្និសីទអាកាសធាតុ​COP២៤ កាន់​តែ​តានតឹង

តើ​ចិន និង​កាណាដា កំពុង​លេង​ល្បែង​ចាប់​ចំណាប់ខ្មាំង?

បារាំង៖​តើ​ព្រឹត្តិការណ៍​បាញ់រះ​នៅ​ទីក្រុង Strasbourg បាន​កើត​ឡើង​យ៉ាង​ដូចម្តេច​ខ្លះ?

តើ​បារាំង​កំពុង​តែ​​លង់ខ្លួន​ទៅក្នុងមហា​​បាតុកម្ម​របស់​ក្រុមអាវកាក់​លឿង?

មន្រ្តីអាមេរិក៖ អាមេរិក​នៅតែ​បន្តគាំទ្រ​សម្ព័ន្ធអារ៉ាប់ ដែល​អន្តរាគមន៍​យោធា​នៅយេម៉ែន

បារាំង៖ សមត្ថកិច្ច​​ប្រុង​ជើង ​ប្រឈមនឹង​បាតុកម្ម​លើកទី៣ របស់​​ចលនា​អាវកាក់​ពណ៌​លឿង

ហេតុអ្វី​បាន​ជា​គេ​នាំ​គ្នា​ប្រឆាំង​នឹង​Huawei ?

វិបត្តិអាវកាក់លឿង៖​រដ្ឋាភិបាល​បារម្ភ​ពី​អំពើហិង្សា​​កាន់​តែ​រីកធំ​ដែល​មិន​ពិបាកគ្រប់គ្រង

យេម៉ែន ភាគី​​ជម្លោះ​​លើវិថី​នៃ​ការចរចា​ស្វែង​រក​សន្តិភាព

បារាំង៖​ប្រឈម​នឹង​ចលនា « អាវកាក់លឿង » រដ្ឋាភិបាល​ថយ​ក្រោយ​មួយ​ជំហាន

ថវិកា​និង​ការកាត់បន្ថយ​ការបញ្ចេញឧស្ម័នពុល​ជាគន្លឹះ​ដើម្បី​ដោះស្រាយ​គ្រោះមហន្តរាយ​អាកាសធាតុ​

G20 ​ប្រជុំទាំង​​គ្មាន​​សង្ឃឹម ​ថា​​នឹង​​មា​ន​​សេចក្តី​​ប្រកាស​​រួម​​ចុង​ក្រោយ

ឥណ្ឌូណេស៊ី៖​ហេតុអ្វី​បាន​ជា​យន្តហោះ​ប៊ូអ៊ីង​របស់​ក្រុមហ៊ុន Lion Air ធ្លាក់​ក្នុង​សមុទ្រ?

ហេតុអ្វី​បានជា​ទីភ្នាក់ងារ​អវកាស​ណាសា បញ្ជូន​រ៉ូបូ​ទៅ​សិក្សា​ភពអង្គារ?

កងទ័ព​​រុស្ស៊ី​បាញ់រះ និងឃាត់ទុក​នាវាចម្បាំងអ៊ុយក្រែន នៅច្រកសមុទ្រ​អាហ្សូវ

បោះឆ្នោតឃុំសង្កាត់​តៃវ៉ាន់៖ បរាជ័យ​បាក់មុខ​​របស់​បក្ស​កាន់អំណាច​ដែលចង់​បាន​​ឯករាជ្យ​ពី​ចិន

បារាំង៖ ចលនា​ “អាវកាក់​ពណ៌​លឿង” ប្តេជ្ញា​បន្ត​បាតុកម្ម​ប្រឆាំង​នឹង​រដ្ឋាភិបាល​ម៉ាក្រុង

របាយការណ៍​ទាមទារ​ឲ្យ​បារាំង​កែប្រែច្បាប់​ដើម្បី​ប្រគល់​វត្ថុបុរាណ​អាហ្វ្រិក​ដល់​ប្រទេស​ម្ចាស់ដើម