rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ទស្សនៈព្រឹត្តិការណ៍ពិភពលោក
rss itunes

រដ្ឋាភិបាលថៃ​​ប្រឹងប្រែង​​ទាក់ទាញ​ការ​វិនិយោគ​ពី​កូរ៉េខាងត្បូង​

ដោយ អ៊ុង គឹមអ៊ាន់

នៅប៉ុន្មានឆ្នាំចុងក្រោយនេះ រដ្ឋាភិបាលថៃបានដាក់ចេញនូវគោលដៅយ៉ាងមុតស្រួច ដើម្បីស្រូបយកអ្នកវិនិយោគកូរ៉េខាងត្បូង ឲ្យទៅរកស៊ីនៅក្នុងស្រុកឲ្យបានច្រើន ដើម្បីបំប៉នដល់ការរីកចម្រើននៃសេដ្ឋកិច្ចជាតិ។ ដោយឡែក ដោយសារតែចំនួននៃការចូលមកវិនិយោគរបស់កូរ៉េ នៅតែមិនច្រើនដូចការរំពឹងទុក រដ្ឋាភិបាលថៃបានខិតខំបង្កើតជាគម្រោងការ សំខាន់ៗមួយចំនួន ដើម្បីអាចទាក់ទាញអ្នកវិនិយោគកូរ៉េខាងត្បូង ឲ្យងាកទៅបោះទុនរកស៊ីនៅក្នុងប្រទេស ឲ្យបានច្រើនតាមដែលអាចធ្វើបាន។ 

ហេតុអ្វីបានជាថៃ ចង់បានកូរ៉េខាងត្បូង ជាដៃគូជំនួញខ្លាំងម្ល៉េះ? ហើយថាតើ ប្រទេសអាស៊ីអាគ្នេយ៍មួយនេះ បានដាក់ចេញនូវគម្រោងផែនការអ្វីខ្លះ ដើម្បីទាក់ទាញវិនិយោគិនកូរ៉េខាងត្បូងឲ្យទៅរកស៊ីក្នុងស្រុកថៃ?

កាលពីឆ្នាំទៅមិញ រដ្ឋាភិបាលថៃធ្លាប់បាននិយាយទាំងភ្ញាក់ផ្អើលផង នៅពេលដែលដឹងថា ចំនួននៃការវិនិយោគរបស់កូរ៉េខាងត្បូងនៅក្នុងប្រទេស មានចំនួនតិចតួចស្តួចស្តើងខ្លាំង។ ចាប់តាំងពីពេលនោះមក ថៃបានព្យាយាមយ៉ាងខ្លាំង ក្នុងការទាក់ទាញអ្នកវិនិយោគិនកូរ៉េខាងត្បូង។

ជាក់ស្តែង នៅដើមសប្តាហ៍នេះ ក្រៅតែពីបានប្រកាសស្វាគមន៍ការវិនិយោគរបស់កូរ៉េខាងត្បូងហើយ រដ្ឋាភិបាលថៃ ក៏បានបង្ហាញឆន្ទៈ គាំទ្រនិងជួយសម្រួលដល់វិនិយោគិនកូរ៉េខាងត្បូងទាំងអស់។ បន្ថែមពីលើនេះ រដ្ឋអំណាចថៃ ថែមទាំងបញ្ជាឲ្យបង្កើតជាក្រុមប្រឹក្សាវិនិយោគ និងភ្នាក់ងារពាក់ព័ន្ធផ្សេងៗទៀត ដើម្បីជាជំនួយដល់ក្រុមហ៊ុន ក៏ដូចជាវិនិយោគិនកូរ៉េ ដែលចង់រកស៊ីនៅថៃ។

ជាការពិត រដ្ឋាភិបាលថៃ ដឹកនាំដោយលោកប្រាយុទ្ធ ចាន់អូចា ខិតខំស្រូបយកការវិនិយោគខ្លាំងបែបនេះ ត្រូវគេដឹងថា គឺស្របទៅតាមការដាក់ចេញនូវផែនការថ្មីរបស់រដ្ឋ។ ជាគម្រោងផែនការ កែប្រែមុខមាត់ប្រទេស តាមរយៈគំនិតផ្តួចផ្តើមថ្មីមួយដែលមានឈ្មោះថា “ចក្ខុវិស័យប្រទេសថៃ៤.០”។​ វាជាចក្ខុវិស័យ ក្នុងការផ្លាស់ប្តូររចនាសម្ព័ន្ធសេដ្ឋកិច្ចថៃ ដែលធ្លាប់តែជាប្រទេសដែលមានសេដ្ឋកិច្ចអាស្រ័យលើវិស័យកសិកម្ម ឲ្យក្លាយទៅជាប្រទេសដែលមានសេដ្ឋកិច្ចពឹងផ្អែកលើប្រព័ន្ធឌីជីថលវិញ។

សម្រាប់ថៃ ថៃពិតជាដឹងច្បាស់ហើយថា មិនអាចសម្រេចមហិច្ឆតានេះ ដោយឯកឯងបានោះទេ ហើយដើម្បីសម្រេចគោលបំណងខាងលើនេះបាន ថៃត្រូវការ ការវិនិយោគពីប្រទេសដែលមានបច្ចេកវិទ្យាជឿនលឿន ហើយកូរ៉េខាងត្បូង គឺជាប្រទេសដែលស្ថិតនៅក្នុងជម្រើសរបស់ថៃ។ ពីខាងភាគីកូរ៉េខាងត្បូងវិញ កូរ៉េក៏បានបង្ហាញពីចំណាប់អារម្មណ៍ ចង់វិនិយោគលើផ្នែកនេះជាមួយនឹងថៃវិញដែរ។

ជាក់ស្តែង កាលពីថ្ងៃអង្គារទី៣ កញ្ញា ពេលទៅជួបពិភាក្សា ជាមួយ លោកប្រាយុទ្ធ ចាន់អូចា ក្នុងវេទិកាធុរកិច្ចថៃ-កូរ៉េ ប្រធានាធិបតីកូរ៉េខាងត្បូងលោក មូន ចែអ៊ីន បានពាំនាំទៅជាមួយលោកផងដែរនូវ អ្នកវិនិយោគ បូករួមទាំងតំណាងក្រុមហ៊ុនឯកជនកូរ៉េចំនួនជាង ៥០០។

មិនតែប៉ុណ្ណោះ នៅមួយថ្ងៃមុនវេទិកាធុរកិច្ចថៃ-កូរ៉េ តាមរយៈកិច្ចប្រជុំដោយឡែកមួយផ្សេងទៀត លោកមូន ចែអ៊ីន បានសន្យារួមគ្នានឹងប្រមុខដឹកនាំថៃ ថានឹងពង្រឹង ភាពជាដៃគូយុទ្ធសាស្ត្រនឹងគ្នា ដើម្បីលើកកម្ពស់ទំនាក់ទំនងថ្នាក់តំបន់រវាងគ្នាផងដែរ។

ស្របពេលជាមួយគ្នានេះ លោកប្រាយុទ្ធ បានលើកឡើងដោយសុទិដ្ឋិនិយមដែរថា នេះ គឺជាពេលវេលាដ៏ល្អបំផុតមួយ សម្រាប់ប្រទេសថៃ និងកូរ៉េខាងត្បូង ក្នុងការរឹតចំណងមិត្តភាព និងការក្លាយជាដៃគូពាណិជ្ជកម្មល្អនឹងគ្នា។

លោកប្រាយុទ្ធ ថាកូរ៉េខាងត្បូង ធ្លាប់មានបទពិសោធន៍ផ្លាស់ប្តូរប្រទេសឲ្យមានសេដ្ឋកិច្ចរីកចម្រើន ដូច្នោះហើយលោកសង្ឃឹមថាប្រទេសថៃអាចរៀនសូត្របទពិសោធន៍ល្អនេះ ពីកូរ៉េបាន តាមរយៈការធ្វើមុខជំនួញផ្នែកបច្ចេកវិទ្យារួមគ្នា។ នេះបើតាមការចុះផ្សាយរបស់កាសែតថៃ Bangkok Post។

មួយវិញទៀត បើតាមការចុះផ្សាយរបស់កាសែត Bangkok Post ដដែល ក្រៅតែពីគម្រោងកែប្រែរចនាសម្ព័ន្ធវិស័យសេដ្ឋកិច្ចជាតិដោយប្រព័ន្ធឌីជីថល រដ្ឋថៃ ក៏បានបង្កើតចេញជាគម្រោងមួយផ្សេងទៀតមាន​ឈ្មោះថា តំបន់សេដ្ឋកិច្ចពិសេស ហៅកាត់ជាភាសាអង់គ្លេសថា (EEC)។ តាមរយៈគម្រោងនេះ ថៃចង់អភិវឌ្ឍ បណ្តាខេត្តនៅភាគខាងកើតរបស់ប្រទេស ឲ្យក្លាយទៅជាតំបន់ដែលមានសេដ្ឋកិច្ចឈានមុខគេនៅក្នុងតំបន់អាស៊ាន។

គម្រោងនេះ ត្រូវបានបង្កើតឡើងជាពិសេស សម្រាប់វិស័យឧស្សាហកម្មបច្ចេកវិទ្យាទំនើបៗ និងច្នៃប្រឌិតមានដូចជា ផ្នែកជីវគីមី គីមីឥន្ធនៈ មនុស្សយន្ត អាកាសចរណ៍ ហើយនិងរថយន្តអគ្គិសនីជាដើម។ ទាំងនេះ គឺអ្វីដែលរដ្ឋអំណាចថៃ ប្រមើលឃើញ ថាអាចស្រូបយកការវិនិយោគពីក្រុមហ៊ុនកូរ៉េខាងត្បូងបាន។

ជាក់ស្តែង ប្រមុខរដ្ឋាភិបាលថៃ លោកប្រាយុទ្ធចាន់ អូចា បានគូសបញ្ជាក់ដែរថា ក្រុមហ៊ុនកូរ៉េខាងត្បូង អាចបណ្តាក់ទុនបានក្នុងវិស័យបច្ចេកវិទ្យាមួយចំនួន ក្នុងគម្រោងតំបន់សេដ្ឋកិច្ចពិសេសរបស់ថៃ។

ជាមួយគ្នានេះ តាមរយៈការអះអាងដែលមានចុះផ្សាយក្នុងកាសែត Bangkok Post កាលពីថ្ងៃទី ៣ កញ្ញា ឆ្នាំ២០១៩ លោកប្រយុទ្ធ បានបញ្ជាក់ថា ក្រុមហ៊ុនកូរ៉េខាងត្បូង ដែលមកបោះទុនរកស៊ី លើផ្នែកបច្ចេកវិទ្យា នៅក្នុងខេត្តភាគខាងកើតនៃប្រទេសថៃ នឹងបង្កើតឱកាសល្អ។ ជាឱកាសដែលពួកគេ អាចប្រើប្រាស់ប្រទេសថៃ ដើម្បីជាយានឆ្ពោះទៅពង្រីកការរកស៊ីរបស់ពួកគេ ទៅកាន់ប្រទេសប្រទេសផ្សេងៗទៀត នៅក្នុងតំបន់មហាអនុតំបន់ទន្លេមេគង្គ។

រហូតមកទល់ពេលនេះ គេនៅមិនទាន់អាចសន្និដ្ឋាននៅឡើយទេ ថាតើថៃ អាចសម្រេចនូវ គោលបំណងរបស់ខ្លួនទាំងពីរបានឬអត់។ ទី១ គឺ ការកែប្រែសេដ្ឋកិច្ចថៃ ឲ្យក្លាយជាសេដ្ឋមួយដែលពឹងផ្អែកលើវិស័យឌីជីថល និងទី២ ធ្វើឲ្យបណ្តាខេត្តនៅភាគខាងកើតរបស់ប្រទេស ក្លាយទៅជាតំបន់ដែលមានសេដ្ឋកិច្ចឈានមុខគេនៅក្នុងតំបន់អាស៊ាន។

តែទោះជាយ៉ាងណាក្តី គេគិតថា ក្តីសង្ឃឹមរបស់ថៃអាចលេចចេញជារូបរាងឡើង ពីព្រោះថានៅខណៈនេះ កូរ៉េខាងត្បូង ហាក់បង្ហាញនូវសញ្ញាភ្លើងខៀវ ក្នុងការចូលទៅវិនិយោគក្នុងស្រុកថៃ។

ជាក់ស្តែង ថ្មីៗនេះ លោកប្រធានាធិបតីកូរ៉េខាងត្បូងមូន ចែអ៊ីន បាននិយាយថាកូរ៉េខាងត្បូងនិងថៃ មានឱកាសច្រើន ក្នុងការក្លាយជាដៃគូពាណិជ្ជកម្មនឹងគ្នា។ ជាមួយគ្នានេះ លោកបានបន្ថែមថា នៅក្នុងដៃរបស់កូរ៉េខាងត្បូង មានអ្វីដែលប្រទេសថៃត្រូវការ ក្នុងការអភិវឌ្ឍន៍សេដ្ឋកិច្ច។ ដែលក្នុងនោះរួមមាន បច្ចេកវិទ្យាផលិតរថយន្តឆ្លាតវៃ ថាមពល និងបច្ចេកវិទ្យាឌីជីថលជាដើម៕

ហេតុអ្វីអាមេរិកព្យួរប្រព័ន្ធអនុគ្រោះពន្ធលើការនាំចូលទំនិញថៃ?

អ៊ីស្រាអែល និង ហ្សកដានី អាច​នឹង​ត្រូវ​ប្រឈម​មុខដាក់​​គ្នា​ជាថ្មី​ ?

ហេតុ​អ្វីអ្នករស់នៅទីក្រុងមានកម្រិតទាប​ក្នុងប្រទេសកម្ពុជា?

សន្និសីទពីសេរីភាពប្រព័ន្ធផ្សព្វផ្សាយ ប្រព្រឹត្តជាលើកទី១នៅម៉ូស្គូ

អាល្លឺម៉ង់​ប្រារព្វ​ខួប​៣០ឆ្នាំ​នៃ​ការរលំ​ជញ្ជាំង​ប៊ែរឡាំង ក្នុង​បរិបទ​អាប់អួរ​នយោបាយ

អាស៊ាន៖ តើកិច្ចព្រមព្រៀងពាណិជ្ជកម្មសេរីនឹងទៅជាយ៉ាងណាក្រោយការដកខ្លួនរបស់ឥណ្ឌា?

៤០ឆ្នាំក្រោយ វិបត្តិ​ចំណាប់ខ្មាំង នៅ​បន្ត​បំពុល​ទំនាក់ទំនង​អ៊ីរ៉ង់​-​សហរដ្ឋអាមេរិក

ស៊្វីស៖ តើ​ជនអន្តោប្រវេសន៍ដណ្តើមការងារ ឬ​បង្កើតការងារឱ្យ​ម្ចាស់ស្រុក?

លោក ពូទីន សម្ពោធ រូបសំណាកឧទ្ទិសដល់ វរជនដែលជា គំរូ របស់គាត់

ការប្រែប្រួលអាកាសធាតុ ៖ ជនរងគ្រោះ មាន​ច្រើនជាងការគិតពីមុន ​​ដល់ទៅបីដង

​បញ្ហា​សមុទ្រ​ចិន​ខាង​ត្បូង​និង​កិច្ច​ព្រម​ព្រៀង​ RCEP ជា​សំណុំ​​រឿង​ស្នូលនៅ​កិច្ច​ប្រជុំ​អាស៊ាន

ការសម្លាប់​​មេក្រុម​ជីហាត​អង្គការ​រដ្ឋអ៊ីស្លាម ជា​ជោគជ័យ​របស់​លោក​ដូណាល់ ត្រាំ?

Brexit៖ តើ​អ្វី​ជា​យុទ្ធសាស្ត្រ​បន្ទាប់​របស់​លោកបូរីស​ ចនសុន​ ក្នុង​ករណី​អង់គ្លេស​មិនអាច​ចេញពី​អឺរ៉ុប​តាម​កាលកំណត់​?

ហេតុអ្វី​វិស័យ​ទេសចរណ៍​អាស៊ីអាគ្នេយ៍​ត្រូវក្លាយជា​អ្នករងគ្រោះ​ដោយ​សង្រ្គាមពាណិជ្ជកម្ម​ចិន-អាមេរិក?

ហេតុអ្វី មានផ្ទុះបាតុកម្មខ្លាំងនៅលីបង់ ?

ណូបែលសេដ្ឋកិច្ច​២០១៩៖ តើការលុបបំបាត់ភាពក្រីក្រជារឿងសាមញ្ញ?

ហេតុអ្វីបានជាប៉ាគីស្ថានបានសុំធ្វើជាអ្នកសម្របសម្រួលឲ្យមានកិច្ចសន្ទនារវាងអ៊ីរ៉ង់ និងអារ៉ាប៊ីសាអូឌីត?

តើប្រទេសណាមានសេដ្ឋកិច្ចប្រកួតប្រជែងបំផុតសម្រាប់ឆ្នាំ២០១៩?

តើ រុស្ស៊ី ផ្អែកឬទេ លើ “ ការទូតវាតឥទ្ធិពល”?